ده باينله مرار طافح :(
 

سلام عليكم

يا جماعه أنا معايا لانسر 98 كريستاله 1300 cc أتوماتيك , جايبها ب 44400 جنيه
صرفت حوالي 5000 جنيه على شغل ميكانيكا و مصنعيه بس لسه فيها شوية مشاكل عايز أخد رأيكم فيها

1 - لما باجي أدور العربيه الصبح بسمع صوت تكتكه جامده جدا من الكبوت مش بتهدا الا لما بشغل التكييف
2 - فيه تكتكه تانيه غيرها بسمعها لما بتحرك
3 - لما بعدي 80 العربيه بتترج (بس الدريكسيون ثابت) مع العلم اني مغير قواعد الموتور , فيه ميكانيكي قال لي انها كبالن داخليه , الكلام ده صح؟
4 - في المطبات أو الطرق غير المستويه العربيه بتتمرجح و لا مراجيح مولد النبي
5 - و أخيرا الأبواب و الشبابيك بتعمل تكتكه برضو و أنا ماشي بيها

ممكن حد يقول لي أعمل ايه؟؟ من غير ما أكع 5000 تانيين؟؟؟؟؟؟؟؟؟؟؟ :shyy:

رد: ده باينله مرار طافح :(
 

بصراحة مقدرش افيدك غير في موضوع الرجة دا ودي محتاجة ترصيص \
وان شاء الله خبراء المنتدى يفيدوك اكتر

رد: ده باينله مرار طافح :(
 

ترصيص و زوايا ..و بتاع الزوايا يقولك ايه المشكله

رد: ده باينله مرار طافح :(
 

غير الميكانيكي لان التكتة دي مش حلوة خالص
ليها اسباب كتتتتتتتيرة
وبالنسبة للرجة ترصيص
وبالنسبة للمراجيح عفشة
وانت كنت فين وانت بتشتري لما فيها الحاجات الظاهرية دي:shyy:

رد: ده باينله مرار طافح :(
 

عامل ظبط زوايا و اتزان و ترصيص ,
طب حد يعرف ميكانيكي كويس في مدينة نصر؟

رد: ده باينله مرار طافح :(
 

أخبار حالة الكاوتش ايه؟؟
وياريت تكشف اذا كان هناك اعوجاج فى الجنوط

رد: ده باينله مرار طافح :(
 

ألف مبروك لأنك اصبحت من ملاك الكريستالة
هتحتاج تصرف عليها حوالى 10 او 15 الف علشان ترجعها لحالتها الأصليه
وطبعا البياع اللى باعهالك كان بيقولك انها مش محتاجة مسمار

المهم خليك وراها وخلى واحد بس يكون كويس وبيفهم فى اللانسر هو اللى يظبطهالك

العربية دى موتورها حالته مش كويسة ، واوعى تشغل التكييف لما تسمع التنقير الصبح
وروح لواحد شاطر يظبطلك التاكيهات قبل ما الكامة تبوظ

ورجة العربية على السرعات دى علبة دركسيون-ترصيص جنوط او إستعدالها ، ده غير موضوع الجلب والذى منه ، وعلبة الدركسيون ممكن تكون عاوزة تتصلح او عاوزة تتغير انت وحظك

انا عندى علبة جديدة باور ، لو عاوزها كلمنى على الخاص