كيا ريو اتخبطت هل التامين يعمله عادي لو العربيه معلقتش نمر لسه ؟
 

السلام عليكم و رحمة الله و بركاته


عيد مبارك عليكم يارب

انا لسة مستلم عربيه كيا ريو خليجي كاملة
و مأمن عليها تامين شامل في مصر للتأمين
و لسة معلقتش النمر :(
و امبارح ماشي لا ليا ولا عليا واحد خد من جمبي غرزة راح خابطلي الرفرفر الامامي ناحية السواق

السؤال هنا .. هل التامين يعمله عادي لو العربيه معلقتش نمر لسه ؟
ولا هيبقى الوضع ازاي ؟؟ و ايه اقرب مركز صيانة معتمد لكيا في الهرم ؟


و دي صورة للخبطة لو حد عارف تكلف كام تقريباً
http://i45.tinypic.com/34hx7o1.jpg

رد: هاام جدا جدا جدا
 

اولا الف مبروك و ربنا يباركلك فيها و يكفيك شرها

موضوع التامين هيصلح لو علقت نمر و لا لا ما اقدرش افتيك فيه اوى لكن مصر للتامين بتصلح فى التامين الشامل بدون محضر شرطة لحد مبلغ 10 الاف تقريبا و على ما اظن فى الحالة دى الموضوع بسيط و لو انى افضل انك تستنى لحد ما تركب النمر و تروح تعمل المعاينة فى مصر للتامين و تتطلع على التوكيل و تغير الرفرف خالص العربية لسه جديدة مع ان تصليح خبطه زى دى بالبوية الاصلية لا يتعدى 300 جنيه انشاء الله

رد: هاام جدا جدا جدا
 

قلبى ....
قدر الله و ما شاء فعل

رد: هاام جدا جدا جدا
 

لازم النمر والله أعلم

رد: هاام جدا جدا جدا
 

هو موضوع النمر دة مش مشكلة
بس انصحك تروح تعمل النمر الاول وتستنى شوية على الخبطة دية لسببين
الاول ان مصر للتأمين بتحملك ب500 جنية ألى هم تمن التصليح غير شرووط الوثيقة يعنى علشان تروح تصلحها تبع التأمين مش حيدوك فلوس دا انت حتطلع مديون
و تانى الخبطة دية خدت العين خليها شوية علشانالعربية لسة جديد و حتبقى عين عليها كتير و ربنا يحفظك

رد: هاام جدا جدا جدا
 

اشكركم على ردودكم و انا لحد دلوقتي سايب الخبطة .. و بأذن الله يوم الحد حعلق النمر .. و بعد معلقها حطلع على المعادي
على مركز كيا سيرفرس اتربيل ايه علشان يعاينو الخبطة و احتمال اسيبها عندهم يصلحوها و مش حتفرق التامين يعملها او لا
حعملها على حسابي لان مش شايف انها حتكلف رقم كبير .. و شكرا ليكم لتاني مرة

رد: هاام جدا جدا جدا
 

السلام عليكم،
انا عايزة اعرف اذا كان ممكن العربية ما تدورش و لا تشتغل الا بوجود ال smart key، ولا ممكن بمجرد الضغط علي مفتاح البصمة انها تدور حتي اذا الsmart key مكنتش فيها. شكرا.