عايز اشتري لوجان وخايف
 

عايز اشتري اللوجان كسر زيرو بس انا قلقان من التكيف بتاعها وادائة علي سحب العربية وكمان من قطع الغيار ومدي توافرها والصنايعية الي بيشتغلو فيها علشان انا ناوي ماتعملش ف التوكيل وكمان عايز اعرف اداء العربية وسحبها مع التكيف وبدون وف الاخر عايز مشورتكم الكريمة اجيب العربية دي ولاهتندم لو جبتها مع العلم هي هتبقي استخدام شخصي وعلطول ف سفر ، واسف لو طولت عليكو بس سعدوني ف اختياري

رد: عايز اشتري لوجان وخايف
 

أنا كمان عايز أشترى اللوجان وعندى نفس التخوفات وخصصوا قصة سحب العربيه لأنى من النوع اللى بيجرى وطريق شغلى دائرى ومحور يعنى مش أقل من 110 كم/ ساعه وكما حتة قطع الغيار والميكانيكيه اللى بيعرفوا يشتغلوا فى اللوجان كتير ولا لأ مهمه جدا برده ...وفى حته زياده قالقه الواحد وهى قصة سعر اعادة البيع وهل الواحد هايخسر كتير فيها لو حب يبيعها ... ياريت حد من الشباب اللى معاه اللوجان يقدر يفيدنا فى التساؤلات دى وشكرا لأحلى أعضاء

رد: عايز اشتري لوجان وخايف
 

بخصوص حكاية التكييف هوا فعلا بيبقا ضعيف لكن لو اتشحن بالفريون في التوكيل الموضوع هيتحل وثانيا اي عربية في العالم التكييف بياثر على السحب وهوا فعلا بياثر في سحب اللوجان بس مش للدرجة يعني .... بخصوص موضوع قطع الغيار هيا انتشرت الفترة دي بالذات ان العربية اصلا انتشرت افكيد قطع الغيار هتنتشر .. بخصوص موضوع الصنايعية اللوجان اصلا مش معقدة ابدا بالعكس موتورها بسيط وسهل اي واحد يشتغل فيها بس انا رايي انك متبعدش عن التوكيل يعني اعمل الصيانات الدورية في التوكيل حفاظا على العربية وعموما هيا عربية ممتازة وحلوة ومبروك مقدما

رد: عايز اشتري لوجان وخايف
 

رد: عايز اشتري لوجان وخايف
 

التكيف بيأثر علي السحب يا جماعه عشان موتور اللوجان 8 صمام فققط 90 حصان ده المانيوال منها فلازم يكون بياثر بقوه

رد: عايز اشتري لوجان وخايف
 

يا ريت الملاك يفيدونا

رد: عايز اشتري لوجان وخايف
 

فعلا غريبة كل إللي رد معاهوش لوجان، طبعا إحترامي لكل الردود وأصحابها بس إزاي أقدر أقول رد دقيق وأنا مش معايا العربية أصلا؟

التكيف، مع كلمة فوق المتوسط، وأقول هو تحت الممتاز، والممتاز في نظري هو تكييف الياباني، مش عارف بس أنا طالما التكيف بيضبط الجو ويخليني اسقع في عدم أوقات الذروة ويقضي على الحر والعرق في أوقات الذروة وكل ده وهو مش على آخر الساقع وسرعة مروحة لاتتعدي 2 في أوقات الذروة و 1 باقي الوقت، يبقى تكيف ممتاز وده إللي بيعمله تكيف اللوجان، فلو حد عنده تكيف اللوجان مش كده يبقى غالبا محتاج ضبط، اليباني بقى ممكن يتفوق في درجة التبريد شوية بس إيه لزومه لو فوق درجة التحمل؟ وممكن يبرد أسرع بس تفرق غييه دقيقه من دقيقتين؟ يعني الفرق مش مؤثر بالدرجة في ظروف التشغيل الطبيعية.

تأثيره على السحب، بالنسبة للأوتو عندي، تأثير ضئيل وغير مؤثر على متعة القياده وده في الطلعه بس كمان يعني في السفر زي الفل، ساعات ممكن أنسى إني مشغل التكيف، فعلا التأثيثير ضئيل، وأعتد ن نفس الوضع في المانوال حسب ما بقرأ والله أعلم.