يعنى أشترى كليو ولا لأ
بعد بحث طويل فى المنتديات عن انسب عربية مستعملة ممكن اجيبها استقريت على الرينو كليو.
المشكلة انى لقيت ان كتير من اعضاء المنتدى اللى معاهم الكليو بيشتكو منها جدا, وكتير برضو معاهم العربية دى بيشكرو فيها. حاجة تجنن :) فياجماعة, هل المشكلة فى العربية نفسها ولا فى طريقة استخدامها, وهل الكليو مقلب فعلا فابعد عنها ولا عربية كويسة بس محتاجة استخدام نضيف ورعاية خاصة؟ افيدونى جزاكم الله خيرا |
رد: يعنى أشترى كليو ولا لأ
السلام عليكم ... انا مهدي من الجزائر و حبيت اجاوبك على سؤالك
انا عندي سيارة Clio Campus منذ 2008 و عمرها ما عملتلي مشاكل ميكانيكية لا في الكهربا و بخصوص استهلاك البنزين فهو بمعدل 7.5 لتر لـ: 100 كيلو و ان شاء الله تتوفق |
رد: يعنى أشترى كليو ولا لأ
نصيحة لوجة الله لو انت فى محافظة بعيد عن القاهرة ابعد عن الكيليو
========================= ================ مش هتلاقى قطع غيار ولا صيانة ليها الا فى القاهرة |
رد: يعنى أشترى كليو ولا لأ
اقتباس:
هو انا فعلا من القاهرة, بس عايز اعرف هو قطع غيارها وصيانتها سهل عملها فى القاهرة فعلا ولا لأ وبالنسبة للعربية نفسها, هل فيها مشاكل كتير فابعد عنها احسن؟ ياريت تفيدونى عشان انا نفسى اشتريها بس متردد |
رد: يعنى أشترى كليو ولا لأ
العربية ممتازة ورخيصة بالنسبة للفئة بتاعتها
--------------------------------------------------------------- عيبوها ===== - قله المتخصصين فى صيانتها ( اكيد فى القاهرة مش هتغلب ) - ندرة قطع الغيار ( اكيد فى حل لكل حاجة وومن تتبدل بقطع غيار عربية تانية ) - مشكله اعادة البيع بسبب العيبين الى انا ذكرتهم |
رد: يعنى أشترى كليو ولا لأ
العربيه ديه مناسبه جداً للفئه السعريه بتاعتها والمنافسه في الفئه ديه كلها لصالحها
أقل إستهلاك بنزين ( ممكن يوصل ل 300 كيلو في الصفيحه ) أسعار قطع الغيار عاديه ومش عاليه عاليه جداً عن الأرض إعتماديه جداً عيوبها التكييف ضعيف في الزحمه والحر الشديد الصالون بتاعها ضيق ( وديه حاجه نسبيه من شخص لأخر ) رأيي الشخصي أركب العربيه وأمشي بيها وشوف إنت مستريحلها ولا لأ ومينفعشي تقارنها بعربيات أعلي منها في الفئه بتاعتها لإن المبلغ اللي معاك هو اللي بيحدد إنت ممكن تركب أيه |
رد: يعنى أشترى كليو ولا لأ
انا كانت معايا كليو 2003 زيرو قبل ما اجيب لانوس زيرو بردو فى 2005 ..عيب الكليو معايا ان تلاقى الموتور مرة واحدة الحرارة بتعلى جامد فكنت بضطر تبطل و تقعد شوية و بعدين تدور ...يعيبها كثرة الاجزاء الالكترونية المتركبة على موتور العربية...لكنها كانت تتميز بثباتها الرائع و اقل استهلاك للبنزين و الى حد ما مش صغيرة قوى بس طبعا الانوس اوسع..
|
الساعة الآن 01:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017