مصر موتورز مجتمع السيارات - علاقة عداد RPM بعداد السرعة وكيف يمكن الربط بينهم

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - علاقة عداد RPM بعداد السرعة وكيف يمكن الربط بينهم (https://www.masrmotors.com/vb/showthread.php?t=94790)

علاقة عداد RPM بعداد السرعة وكيف يمكن الربط بينهم

السلام عليكم ورحمة الله
الأخوة الأفاضل
ممكن شرح لعلاقة عداد RPM بعداد السرعة وكيف يمكن الربط بينهم بالتفصيل مع رفع صور لذلك

رد: عداد RPM

مفيش علاقة بينهم عداد الار بي ام دا عداد لفات المحرك في الدقيقة انما عداد السرعة دا عداد سرعة العربية بالكيلومتر لكل ساعة وممكن تمشي بسرعة 30 كم والار بي ام على 3 وممكن كمان تكون على 120 وعداد الار بي ام على 3 برضه اللي بيفرق في الحكاية دي الغيار يعني لو العربية على غيار عالي الار بي ام يكون منخفض والعربية سريعة انما لو العربية على غيار منخفض الار بي ام ممكن يكون منخفض وسرعة العربية بطيئة برضه

رد: عداد RPM

اولا شرح العدادين
RPM دا عداد لقياس عدد لفات الموتور فى الدقيقه
بمعنى انه بيقيس عدد لفات عمود الكرنك فى الدقيقه الواحده
وبشتغل ايضا وانت ماشى بالعربيه ووقتها بيعرفك ان عمود الكرنك (الموتور ) ماشى بسرعة كام

اما عداد السرعه فدا وظيفته انه بقيس سرعة العربيه من خلال حساس راكب على الفتيس وبيقيس سرعة العربيه وانت ماشى ودا طبعا بيقى بالكيلو متر وفى بعض العربيات الرياضيه بيبقى بالميل

والعدادين دول بيشتركوا فى حاجه واحده
انهم ليهم علاقه ببعض اثناء المشى بالعربيه
فمثلا وانت ماشى بسرعة 60 على الغيار التالت تلاقى عداد RPM على 3 او 4 ولو جبت الغيار الرابع على نفس السرعه اللى هى 60 كيلو هتلاقى RPM انخفض وبقى 2 او 2.5
والعكس لو جبت الغيار التانى على 60 كيلو هتلاقى RPM بقى على 4 او 5
هى دا العلاقه مش اكتر

رد: عداد RPM

فيه علاقة طبعا

العلاقة موجودة عن طريق الفتيس والكورونا + الكاوتش

في بعض كتالوجات العربيات... بيبقى مكتوب نسب تخفيض التروس بتاعة الفتيس والكورونا، ووبناء عليها بيتعمل عداد السرعة
http://www.kiasoulforums.com/attachm...ratios-us-.jpg

طبعا القيم دي بتختلف من عربية للتانية

مثلا:

لو عندك نسبة تخفيض النقلة التانية = 2.5 .... دي معناها إن الموتور بيلف عدد لفات 2.5 ضعف عدد لفات العمود اللي طالع من الفتيس
http://www.procarcare.com/images/sha...a/8852JG06.gif http://shivanandmathapati.webs.com/AUTO27.JPG

الكورونا بتاخد الكلام ده وتعمل تخفيض تاني في السرعة وتوصله للعجل

http://faq.ford77.ru/trans/image/dif...ential-fwd.gif http://static.ddmcdn.com/gif/differential-rwd.gif http://www.musclecarclub.com/library...images/dr1.gif http://www.cdxetextbook.com/images/3...layout_01m.jpg http://www.globaldrivetrainsupply.co...fferential.jpg

عادة .. نسبة التخفيض في الكورونا بتبقى 4 .... يعني عدد لفات العمود اللي طالع من الفتيس هي 4 أضعاف العمود اللي واصل على العجل

فلو الموتور بيلف 3000 RPM على النقلة التانية

يبقى العجلة هتلف كام RPM؟؟؟

العجلة هتلف 3000 / 2.5 / 4 = 300 RPM

الـ 300 RPM دول لما تضربهم في محيط العجل يديك القيمة اللي بتطلعلك في عداد السرعة لما يبقى عداد الـRPM على 3000 وانت ماشي على التاني
http://www.breezebyyou.com/files/252...d/picture5.jpg

وبالطريقة دي.... تقدر تعرف أقصى سرعة لكل غيار

عشان كده .... لو حبيت تغير مقاس الكاوتش وتجيب كاوتش أعرض ... مهم جدا إنك تحافظ على القطر الخارجي للكاوتش زي ماهو الأصلي... عشان ما يخلفش معاك عداد السرعة
http://www.ratingstire.com/Images/TireSizes.jpg http://www.dimensionsinfo.com/wp-con...Conversion.jpg

العلاقة دي ممكن تبوظ في حالتين....

إن اسطوانة الدبرياج تكون بتفوت ... أو ... في حالة العربيات الأوتوماتيك لما يبقى محمل عليها جامد

رد: عداد RPM

اقتباس:

المشاركة الأصلية كتبت بواسطة محمدصلاح القاضى (المشاركة 737311)

بارك الله فيك

رد: عداد RPM

اقتباس:

المشاركة الأصلية كتبت بواسطة borio1704 (المشاركة 737778)

جزيل الشكر
طيب لو سمحتم بالنسبة للسائق العاادي هل من المهم أن ينظر إلي هذا العداد وهل هناك مشكلة إن لم يراقبة
بارك الله فيكم

رد: عداد RPM

اقتباس:

المشاركة الأصلية كتبت بواسطة محمد 2001 (المشاركة 737922)

جزيل الشكر
طيب لو سمحتم بالنسبة للسائق العاادي هل من المهم أن ينظر إلي هذا العداد وهل هناك مشكلة إن لم يراقبة
بارك الله فيكم

عادي طبعا بس مايقعدش باصص عليه لحسن يعمل حادثة لا قدر الله انتا لو سايق وحسيت بصوت العربية بدا يعلى تبقا ادي الغيار التالي وممكن يدوب تلمح عداد الار بي ام وبعد كده ادي الغيار التالي واي استفسار انا تحت امرك