شرح عدادات
 

السلام عليكم ورحمة الله
الأخوة الأفاضل ملاك اللادا الروسي 2107
ممكن شرح للعدادات الموجودة بالتابلوة الخاص بالسيارة والزراير مع الصور الخاصة بكل عداد
بارك الله فيكم

رد: شرح عدادات
 

52 مشاهدة ولا يوجد رد أو شرح

رد: شرح عدادات
 

شوف يا أخى الكريم بعد كل سنة وأنت طيب
التابلوة فيه 6 عدادات 4 صغيرين وأتنين كبار .
نقسمهم كالأتى :-
1- الصغير يمين فوق دة بتاع البنزيين التانك يعنى بيقولك الكمية المتبقية قد أيه .
2- الصغير يمين تحت دة البطاريه الخاص بالشاحن أو الدينمو.
3- الصغير شمال فوق أسمة أيكون دة خالص بأستهلاك البنزين بمعنى أنك دايس زيادة على الدواسة وكدة.
4-الصغير شمال تحت دة خاص بالحرارة بتاع العربية .
5- الكبير يمين دة لسرعه العربية وفيه عدادين رقميين واحد فوق وواحد تحت ودة بيقولك المسافة قد أيه بالكيلوا مترات لمعرفة المسافة ألى أستهلكتها وأيضا عشان تغيير الزيت وغيرها من الصيانة.
6-الكبير شمال ودة أسمة RBM أو الخاص بعدد لفات المحرك بتاعك.
أما بخصوص المفاتيح فهيا كالأتى :-
1- المفتاح شمال دة أربع تكات دة للأنارة .
2- المفتاح الوسطانى عشان السخان بتاع الزجاج الخلفى .

وأى حاجة أنا تحت أمرك ويارب أكون أفادتك

رد: شرح عدادات
 

ممكن كمان لو تتكرم شرح تابلوة للادا 2105 مع الصور إن أمكن
ولك خالص الشكر والتقدير

رد: شرح عدادات
 

وانا ايضا اتمنا ذلك من خبراء لادا لان مفيش شرح 2105 خالص وهل فى فرق فى العدادات بين 2105 و 2107 وشكرا جزيلاً

رد: شرح عدادات
 

يا جماعه اللي طالبين شرح التبلوهات ممكن تصورو طبلهاتكو صور واضحه وتحطوها هنا وهلاقو ناس كتير تشرحها بسراملهم صور تكون واضحه

رد: شرح عدادات
 

http://www7.0zz0.com/2012/08/17/23/793569580.gif

1- شحن الدينامو
2-عداد السرعة
3-عداد المسافات اللى قطعتها العربية
4-عداد لفات المحرك rpm
5- الحرارة
6- استنى شوية حاقولك غلية فى اخر الرد
7- العلامات بالترتيب من فوق لتحت
a-الاشارات
b-المفروض لمبة التشيك مش عارف محطوطة N لية (ممكن تكون دى اوتوماتيك)
c-البطارية
d-النور الامامى
e- النور العالى
F-لمبة الزيت
g-الهاند بريك

8-عدادت مسافات
9-اللمبة اللى بتنور اما التانك يقرب يفضى
10-مؤشر البنزين

رقم 6 دى بقى بصراحة محيرة شوية بس انا اعتقد انة المفروض يكون عداد يبينلك العلاقة بين اسلوب سواقتك واستهلاك البنزين حتى هتلاقى مكتوب علية econ اللى هيا المفروض اختصار ل economy او fuel economy (اى الاقتصاد فى استهلاك الوقود)
حتى هتلاحظ ان العداد دة متقسم 3 جوانب جانب ابيض او اصفر صغير فى الشمال ودة بيبقى المؤشر علية على السلانسية وجانب اخضر كبير فى النص ودة المؤشر بيتحرك علية صعود وهبوط وفقا لل ار بى ام
وجنب احمر صغير فى الاخر ودة المؤشر بييجى علية اما تحرق على غيار مثلا او تعلى عدد لفات الموتور عن 3
يعنى كل ما تحرق على الغيارات هتلاقى العداد دة بيطلع معاك للاحمر


وممكن يكون العداد رقم 6 دة وظيفتة حاجة تانية خالص زى اللى فى الفيديو دة
هتلاقى علامة الزيت على العداد وممكن يكون دة عداد لقياس ضغط الزيت والله اعلم :shyy:
http://www.youtube.com/watch?feature...&v=QKSJdkHhErQ