|
تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
السلام عليكم ورحمة الله وبركاته اغلبنا ان مكنش كلنا بنسأل هى ليه الناس اللى بتنتج لانوس وفيرنا شكلهم متغيرش من سنين ومازال بينزل لهم موديل السنه بدون اى تعديل وحتى لو نزل تعديل بيكون تعديل طفيف اوووى مثال مثلا تعديل الفوانيس بتاع اللانوس 1 و2 كل اللى اتغير شكل الفوانيس الخلفية بس العربيه زى ما هى فى كل حاجه طيب ليه الشركات ديه مش بتغيرهم وبتنزل حاجات احسن اقولكم ليه دلوقت لو نلاحظ ان اللانوس و الفيرنا سعرهم فى حدود 70 الف جنية مظبوط لو نلاحظ مش هنلاقى عربيه تانية فى نفس حجم اللانوس او الفيرنا بالسعر دا( ما عدا اللوجان طبعا لانها واخده اعفاء جمارك بس لو اتشالت الجمارك هتبقى اعلى من كدا بكتيير) بمعنى اخر فين عربيه كورى عائلية تشيل 5 افراد و قطع غيارها متوفره ورخيصه جدااا و صيانتها مفيش اسهل ولا ارخص من كدا غير اللانوس والفيرنا طيب ناس تسأل يقولك ليه ميغيروش الشكل شوية احنا زهقن من شكل العربيات اللى بقالها كتيير متغيرش ديه اقولهم فعلا العربيات ديه طلع لها خليفة بمعنى ان اللانوس مثالا خليفتها هى الافيو بس شوف الافيو بكام تعتبر فى الفئة السعرية 80 الف جنية و الفيرنا طلع لها خليفة الى هو النيو اكسنت بس شوف النيو اكسنت بكام اعتقد تتبع الفئة السعرية 100 الف (اقل او اكثر بقليل على ما اعتقد) بمعنى اخر ان لما بيجوا يتغير فى الشكل لعربيه ما فى السوق اى كانت العربيه فالتغير ده بيتكلف فلوس ومصممين وتكنولوجيا وتعديل مصانع ليمكنها انتاج الموديل الجديد فبالتالى عمر ما هينزل الموديل الجديد بنفس السعر القديم ابدا مهما نعمل لان فيه فلوس اتصرفت زى ما قولنا على التصميم والتكنولوجيا الجديده علشان نطلع العربيه الجديد فكده بيكون السعر غلى اكتر وغير كدا صعب نعمل شعبية واسعه لعربيات زى الفيرنا واللانوس اللى يستحقوا بلا مبالغه سيارة الشعب المصرى غير كدا الشعب المصرى بطبيعة الحال ماشى بمبداء (اللى تعرفوا احسن من اللى متعرفوش) بمعنى ان انا واحد عارف ان اللانوس او الفيرنا حاجتهم موجوده فى السوق ويوم ما هيحصل حاجه مش هغلب فى تصليحها غير كدا العربيتين فعلا وعن جدارة يعتبروا اعتماديين لاعلى حد فعلا لو تم عمل الصيانه الدورية لهم صعب جدا يعطلوا او يعملوا موقف مش كويس وفى نفس الوقت الوكيل الخاص باللانوس والفيرنا نفسوا مش هيخرب على نفسوا ويمنعهم ويضيع كمية المبيعات الرهيبه ديه كلها للعربيتين اللى بياكلوه الشهد ويجرب حظه فى عربيتين جداد ميعرفش الشعب هيتقبلهوم وهيتقبل سعرهم الجديد ولا لا فبالتالى بينزل الخليفة بتاع العربيتين دوول مع العربيتين نفسهم ويجس نبض السوق لقا العربيتين الجداد ميشى الحال معاهم واخدوا سمعه كويسه خلاص هيمنع الموديلين دول مع انى اشك ان فيه موديلين عند الوكيلين صاحبى اللانوس والفيرنا يقدروا ينتزعوا عرش المبيعات بتاعهم وذلك لان زى ما قولنا يعتبروا اخر عربيتين كورى فى فئة ال 70 الف نمط السيدان بيشيلوا 5 افراد وبيتمتعوا باعتمادية و رخص قطع غيار وسهولة صيانه زى اللانوس والفيرنا فبالتالى التوكيل الخاص بكل سيارة لغاية 2013 مازال بينزل الموديل الخاص به لانه زى ما قولت هما دووول اللى بيبقى لهم مبيعات عالية و فى نفس الوقت فعلا يعتبر لهم دووور كبير اوووى فى مكسب الوكيل يعنى نقدر نقول مثالا ان اللانوس ممكن هى اللى بتجيب لتوكيلها فى العربيات الملاكى مكسب 50% وباقى العربيات مجتمعه بتجيب ال 50% الباقين والموضوع عامل زى شركات التليفون المحمول دلوقت بينزلوا موبيلات بكاميرا و جى بى اس وبلوتوث وكارت ميمور وNFS وكدا ويكون التليفون ب 2000 او حتى 4000 جنية بس فى نفس الوقت مازال بينزل تليفونات عادية التكنولوجيا بتاعتها هى هى من يوم ما نزلوا الموبيل ولكن الحجم فقط بقى اصغر ولكن بدون اى امكانيات او بامكانيات بسيطه زى ان التليفون يكون فيه كاميرا وبلوتوث فقط ليه لان مكسب الشركة اللى بتنتج التليفونات مكسبها الاكبر فى التليفونات ذات السعر البسيط و المكانيات البسيطه او المعقولة مش بيكون مكسبها من التليفونات الغالية لان التليفونات ذات الامكانيات العالية جدا تعتبر للتباهى بما تنتجه الشركة من اجهزة تثبت للشركات الاخرى والمستهلكين ان الشركة قادرة على مواكبة التطور وانتاج كل ما هو جديد وبيكون حتى الانتاج للموديلات عالية الامكانيات بيكون باعداد محدوده غير طبعا الموبيلات التانية اللى بيتم انتاج الملايين منها وبيتم كسب الكثير من الاموال من ورائها وفى نهاية الموضوع ارجوا ان اكون وضحت من خلال نظرتى للجميع لماذا اللانوس والفيرنا مازال يتم انتاجهم اللى الان بدون اى تغير او تعديل و ان المنتجين للانوس او الفيرنا مش ناس بتضيع سمعتهم وفلوسهم فى الهوا وانهم اول ما يحسوا ان العربيات ديه مبقاش لها لازمه خلاص فبالتاكيد لن يبقى للسياراتين وجود و السلام عليكم و رحمة الله وبركاته :Wkiss5::Wkiss5::Wkiss5: |
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
تفسير منطقي جدا وتشكر على الموضوع
|
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
كلام زى الفل
|
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
الف شكر ليك يا باشا على الموضوع بس انا عاوز اضيف ان فى نفس الفئه السعريه عندك البروتون ساجا و الاسبيرانزا a516 دول فى حدود ال 70 الف غير اللوجان |
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
نسيت حاجة صغيرة ان غبور هيوقف تجميع الفرنا في 2013، وبيدور علي عربية صيني يجمعها.
|
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
اقتباس:
بالنسبه للبروتون ساجا فللاسف مش منتشرة ومالهاش سوق فى مصر غير كدا لما نيجى نقارن اسعار قطع الغيار و مصاريف الصيانه فهى لا تقارن بالفيرنا و اللانوس اما بالنسبه للاسبيرانزا فالصينى كله بيقلق منه غير كدا الصينى عموما فيه منه انواع كتير سعرها كمان اقل من 70 الف ولكن للاسف لا يقدم الاعتمادية العالية مثل اللانوس والفيرنا ولو اللانوس والفيرنا اختفوا من فئة ال 70 الف فلن يقدر ان ينافس عليها الا الصينى ولكن زى ما قولت الاعتمادية بتاعت الصينى لا تقارن باى حال من الاحوال باعتمادية اللانوس والفيرنا الكورى اما بالنسبه للوجان فعلا هى ب 70 الف ولكن السعر ده لانها بدون جمارك ده اولا غير كدا مهما كان مناصرى اللوجان بيقولوا ان اسعار قطع غيارها بقيت رخيصه الا انها لات تقارن نهائيا وابدا باسعار قطع غيار الفيرنا واللانوس حتى الصيانه مش اى حد يعرف يعمل صيانه اللوجان ولو لقيت الميكانيكية بتوعها بيبقوا اسعارهم غالية غير كدا لو نبص من نظرة اخرى الفيرنا واللانوس وخصوصا اللانوس لان اسعار قطع غيارها ارخص حتى من الفيرنا وذلك يرجع الى اكثر من سبب السبب الاول ان اللانوس انتاجها من سنة 1998 يعنى يعتبر بقالها 15 سنه فعملت قاعده عريضه من ملاكها وبالتالى قطع غيارها فيه كل حاجه فيه صينى و كورى ويبانى و جنرال موتورز ولو الفلوس مقصرة فى حاجه ممكن تجيب استيراد والاستيراد بتاعها متوافر جدا وفعلا بقت اسعار قطع غيارها ارخص من ال 128 نفسها بلا مبالغه شوف مساعدين اللانوس الصينى بكام هتلاقى الجوز ب 180 جنية فى حين ان ال 128 مساعدينها الصينى ب 250 والفيرنا نفس الكلام زى اللانوس بس اسعار قطع غيارها اغلى سنه بسيطه بس برضوا تعتبر من اسعار قطع الغيار المنخفضه جدا مقارنه بباقى السيارات كلها بلا استثناء وغير كدا الناس بيسئلوا اشمعنى اللاوس والفيرنا هما اللى شكلهم مش بيتغير فانا كنت بجواب على الفيرنا واللانوس خصوصا تحياتى لك :Wkiss5: |
رد: تعالوا اقولكم ليه اللانوس والفيرنا صعب يتغير شكلهم على الاقل على المستقبل القريب!!!
اقتباس:
الف شكر ليك يا باشا على التوضحيح :Wkiss5::Wkiss5::Wkiss5: |
| الساعة الآن 11:05 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017