|
عاوزين نلاقى حل لبتوع الموتسيكلات والله حرام عليهم؟
وانا راكن امبارح لا بيا ولا على لا قيت واحد حمار سايق الموتسيكل وماشى عكس الاتجاه راح حاككلى أكصدام العربيه من ورا وانا للأسف بفكرو يادوبك سند على العربيه بايدو واأتريه حكلى الاكصدام وانا ما شوفتوش غير اول ما روحت
اصلو مشى علاطول ولا كأنو عمل حاجه بصراحه حاجه تخنق؟ ده أنت بتلاقى الواحد من دوول سايق الموتسيكيل أكنو سايق دبابه وماشى بمبدأ اللى خايف على عمرو يوسعلى. بس أنا خدت قرار أمبارح انى لما ألاقى واحد من الكلاب دول بيسطعبط على مش هيهمنى وهديلو شلللللللوط بالعربيه بدل أنا مش غلطان ويورينى حيعمل ايه؟ ده أنا من ساعه الثوره مبعملش حساب غير للجزم اللى سايقين الموتسيكلات بالذات الموتسيكلات الصينى عشان يقعدو يعملو غرز حلو ويروشو الواحد واصلا الشارع ما بيكونش مستحمل واحد يمشى على رجلو. حسبى الله ونعم الوكيل أصل دى مش أول مره وسامحونى على الأطاله |
رد: عاوزين نلاقى حل لبتوع الموتسيكلات والله حرام عليهم؟
اولا ياباشا صلي على النبي كده واهدى
ثانيا لو حك الاكصدام او عمل حاجة خفيفة كده يبقا تحمد ربنا انو ماخبطكش او عمل حادثة معاك ثالثا بقا لو حد معاه موتوسيكل وعمل حاثة معاك اتصل بالشرطة واعمل محضر وبهدله في اقسام البوليس علشان يتعلم وربنا يحفظك انتا وعربيتك |
رد: عاوزين نلاقى حل لبتوع الموتسيكلات والله حرام عليهم؟
هدئ نفسك لأن مش كلهم وحشين فى ناس غلابة اوى واغلب من الغلب بشوية :fun_10_1_124[1]:
|
رد: عاوزين نلاقى حل لبتوع الموتسيكلات والله حرام عليهم؟
يا رجاله هى البلد دى فيها حكومه
ولو لو يعنى فيها حكومه بعد الشر عليهم ليه سايبين الدنيا خربانه والله أنا فى الأول والأخر بقول الحمد الله اصلهم مستفزيين بصراحه |
رد: عاوزين نلاقى حل لبتوع الموتسيكلات والله حرام عليهم؟
الموتسيكلات ديه بقيت فظيعه يمشى يحك فى العربيات ولو اتكلمت مش بعيد تلاقيه معاه مطوه ونازل يتخانق معاك دول مفروض يتلمو ده غير ان اغلب السايقهم شويه عيال صغيره وتلاقيه والمصيبه الكبيره التروسيكل تلاقيه ماشى بيدى غرز فى الزحمه ومش همه اى عربيه يخبطها او يحكها
|
رد: عاوزين نلاقى حل لبتوع الموتسيكلات والله حرام عليهم؟
للاسف الناس عايزين يريحونا بس احنا الى بنستخدم الحاجة عكس مصلحتنا
يعنى المتوسيكل الصينى دة فكرة جميلة جدا ورخيصة وفى ناس غلابة بتشتغل بيه وكمان بيسهل على الغلابة بدل قرف المواصلات انما تقول اية بقى على ( شباب البلطجية والصيع ) المرض الى ربنا ابتلى بيه البلد بسبب حسبى الله ونعم الوكيل فيه حسنى مبارك و التانى حبيب العادلى اولا : كمية الاستيراد بشكل غير مدروس ثانيا : عدم الرقابة من وزارة الداخلية على تراخيص الموتوسيكلات و السائقين والكلام دة ادى لاية استخدام البلطجية الموتوسيكلات نظرا لرخص ثمنها دا طبعا اذا مكانوش سارقينها اصلا وشباب الصيع الى تلاقية لابس كوفية على بدى حمالات على نظاره شمس فى عز الليل وللاسف تستخدم هذة الموتوسيكلات فى العديد من الجرائم لعدم وجود رخصة بها وذلك يؤدى لصعوبة اقتفاء اثر المجرم ======================== وفى النهاية الضرر يقع على المجنى عليهم وعلى الغلابة الى مرخصين وعاملين كل حاجة بس بسبب سوء سلوك المجرمين فى استخدام الموتوسيكلات اصبحت النظرة السيئة للعموم وليس لطائفة البلطجية ( يعنى اى حد راكب موتوسيكل صينى بيشكوا فية انه بلطجى ) |
رد: عاوزين نلاقى حل لبتوع الموتسيكلات والله حرام عليهم؟
بس ارحم من التوكتوك حسبى الله ونعم الوكيل فى اللى جاب البلاوى دى مصر
|
| الساعة الآن 08:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017