مساعدة في اختيار سيارة أتوماتيك بحدود 120 ألف جنيه
برجاء من السادة الأفاضل المحترمين خبراء هذا القسم والمنتدى عامة إفادتي – حيث أنني عضو جديد – في اختيار أفضل خيار مناسب لسيارة أتوماتيك في حدود 120 ألف جنيه مصري على أن تكون التوصية قد راعت الاعتبارات الأتية :Wkiss5:1 – السرعة والقوة والثبات والأمان ( علما بأن أخري في الجري 130 كم) 2 – الراحة والرفاهية الداخلية 3 – الشكل الأنيق الرياضي خارجيا وداخليا 4 – رحابة الصالون وصندوق الأمتعة 5 – علو السيارة عن الأرض – انتو عارفين اننا واخدين كاس العالم في المطبات طبعا !!! 6 – جودة التوكيل والصيانة 7 – سعر جيد في إعادة البيع علما بأنني رب أسرة صغيرة زوج وزوجة وطفلة وشكرا جزيلا لكم جميعا إخواني الأعزاء |
رد: مساعدة في اختيار سيارة أتوماتيك بحدود 120 ألف جنيه
السيارات في حدود ال120 الف
كيا سيراتو عربية حلوة وعملية ومتورها قوي وثباتها ممتاز وشكلها رياضي فخمة داخليا وخارجيا وتقفيلها ممتاز وواسعة جدا من جوه وتوكيلها محترم جدا وقطع غيارها متوفرة ورخصة واعادة بيعاها ممتازة ويعيبها نشوفية العفشة مع الجنط 17 لكن لو جنط اقل من كده العفشة هتبقا ناعمة هيونداي اكسنت عربية حلوة ومتورها جبااااااار وثباتها ممتاز لحد 120 وشكلها جمييل جدا سواء داخليا او خارجيا وتقفيلها ممتاز وخاماتها معقولة وواسعة ويعيبها ان الصاج الخرجي ضعيييف جدا وبيتاثر من ابسط صدمة وكمان العربية لو حملت ركاب بتحك في المطبات والالعن من كده االتوكيل بتاعها توكيل سئ جدا جدا جدا هيونداي الالنترا نفس عيوب الاكسنت بالاضافة ان حجمها الخارجي كبير نسبيا كيا كارينز عربية حلوة وعملية وواسعة جدا وثباتها حلو وشكلها عائلي وتقفيلها معقول جدا ويعيبها ان الموتور مش مناسب لحجم العربية خااالص وكمان حجمها ضخم جدا ميتسوبيشي لانسر البومة عربية حلوة وعملية وقوية واعتمادية وقطع غيارها متوفرة ورخيصة وتوكيلها ممتاز وعالية عن الارض ويعيبها قلة الكماليات وشكلها الغير محبب انا رايي انك تفكر في السيراتو فيها كل اللي حضرتك عاوزه |
رد: مساعدة في اختيار سيارة أتوماتيك بحدود 120 ألف جنيه
اقتباس:
|
رد: مساعدة في اختيار سيارة أتوماتيك بحدود 120 ألف جنيه
اضم صوتي لصوت العضو sherifabden شوف السيراتو ... من وجهة نظري عربيه كويسه و بلاش جنط 17
|
رد: مساعدة في اختيار سيارة أتوماتيك بحدود 120 ألف جنيه
عندك سكوا اوكتافيا موديل 2007 اوتوماتيك اذن افخم منها مش عتلاقي ولا انا غلتان:Wkiss5: وتقبل تحياتي
|
رد: مساعدة في اختيار سيارة أتوماتيك بحدود 120 ألف جنيه
رقم 1 و 5 و 6 و 7 هتلاقية فى الانسر البومة دة فى حالة الجديد اما لو استعمال فعند حضرتك سكودا اى فايف مع شرط طبعا الحالة. فى واحد قريبى لسة شارى اى فايف 2007 ج.ك اتوماتيك الفئة اللى قبل الفتحة السقف و كانت فابريكة ما عدا رفرف و ماشية 34 الف ب 106
|
رد: مساعدة في اختيار سيارة أتوماتيك بحدود 120 ألف جنيه
انصحك باللانسر البومة ، لانها اقتصادية شوية و فيها غالبية متطلباتك ، و يليها الاكسنت ، هيا ايضا مناسبة جدا ، و هتلاقيها فيها كماليات كويسة جدا بالسعر دا .اما لو عاوز عربية مستعملة بس تكون نضيفة و المانى و معمرة جدا فى قطع الغيار و امكانيات و ثبات عالى ، تبقى الاوكتافيا اى 5 هى الانسب .
|
الساعة الآن 07:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017