سؤال عاجل جدا بخصوص كاسيت 6600 ..
 

من زمان وانا بفكر فى كاسيت 6600 علشان اركبه فى الأفانتى .. بس كنت مستغلى تمنه شويه ...

هو منتشر هنا فى بورسعيد جامد جدا وخصوصا فى التاكسى .. لان طبعا للى ما يعرفش تاكسيات بورسعيد بيوضبوا احسن من الملاكى واغلبهم بيركب عده صوت واغلب اللى مركبين عده صوت عندهم الكاسيت ده ..

http://www.pioneer.eu/images/product...detailpage.jpg



http://www.turbovtec.com/images/crx/int/ice8.jpg




الكاسيت ده كل ما اسأل عليه عند حد من بتوع العدد وكده يلخبطنى اكتر وخصوصا ان خبرتى قليله فى العدد والكاسيتات وكده ..

بس اللى فهمته لغايه دلوقتى ان فى 3 موديلات من الكاسيت ده ..

carrozzeria عادى

carrozzeria ريكود

pioneer زى اللى فى الصوره وده حسب اللى اتاقلى هو اعلاهم ..

طبعا كلهم شكل واحد الفرق ان الريكورد بيكون فيه خرج زياده للوفر .. يعنى بمعنى اصح ممكن يركب عليه اى عده .. وبيكون فيه زرار احمر ..

والعادى والريكود بيكونوا سيديهات بس اسمها md ومش عارف يعنى ايه وبيكون كارروزيرا ..

اما النوع التالت زى اللى فى الصوره بالظبط وده بيشغل سيديهات md وشرايط .. واتقالى انه فى حاجة صغيره زياده فى خرج الصوت .. مش عارف بصراحه مدى صحه الكلام ده ....

دلوقتى انا عندى كام استفسار ...

انا عاوز افهم بالظبط وبدقه ايه الفرق بين الثلاث موديلات دول ..

علما بان العادى سعره من 700 - 800 جنيه

والريكورد سعره من 800 - 900 جنيه

والبايونيير السيديهات وشرايط سعره حوالى 1000 جنيه وقدامى واحد فعلا بـ 1000 جنية ....

هل فعلا الافضل هو البايونيير ؟؟

وهل بيشغل سيديهات اوديو بس ولا بيشغل mp3 كمان ؟؟

وهل ممكن يشتغل على 4 سماعات عاديين (2 فبريكه فى الابواب واتنين بايونيير 400 بس صينى) مؤقتا لغايه لما اظبط سماعات كويسه ؟؟

وتركيبه بيبقى ازاى هل بيركب على طول مكان الفابريكه ولا بيتعمل تعديلات فى ضفيره الكاسيت علما بان مكانه موجود فى التابلوه مكان الكاسيت الاصلى 2 din ؟؟؟



اتمنى اللى عنده معلومه يفيدنى بأسرع وقت علشان هشترى خلاص ومحتار ...

اسف للإطاله .........
اتاقلى ان الفرق بين العادى

رد: سؤال عاجل جدا بخصوص كاسيت 6600 ..
 

ياااااااااااه كل دى ردود ...

انا مش مصدق ان محدش عبرنى كده .. متشكرين يا جدعان :sd:

رد: سؤال عاجل جدا بخصوص كاسيت 6600 ..
 

محدش ناوى يجاوبنى بقى ؟؟!!!!

رد: سؤال عاجل جدا بخصوص كاسيت 6600 ..
 

ارجو الاجابه يا جماعه

رد: سؤال عاجل جدا بخصوص كاسيت 6600 ..
 

رد: سؤال عاجل جدا بخصوص كاسيت 6600 ..
 

عموما شكرا لكل اللى حاول يساعد ومعرفش وشكرا برضو لكل اللى كان يقدر يساعدنى وطنش ...

ما علينا ...

انا ركبت امبارح الكاسيت البايونير اللى فيه سيديهات وشرايط زى اللى فى الصور اللى انا نزلتها بالظبط ...

وعرفت بقى الفرق ما بين موديلاته التلاته ..

ال6600 العادى ده بيكون فيه مخارج للسماعات بس بدون مخارج للصب او البازوكه او الجى ام .. وبياخد اسطوانه عاديه او اسطوانه MD اللى هى السى دى الصغيره (ولا ليها اى لازمه نهائى) ...

اما ال6600 الريكورد بيكون فيه مخارج للعده وبيكون فيه ميزه انه يطبع الاسطوانه الـ MD(ولا ليها اى لازمه بما انها ملهاش استخدام اصلا) وبيكون فيه زرار احمر بتاع الريكورد ...

الاتنين دول بيبقى ماركتهم carrozzeria ...

اما اللى انا جبته ماركته بايونيير .. وده بيشغل سيديهات عاديه وشرايط .. ده غير ان فيه جميع المميزات من مخارج صوت وخلافه .. وكمان هو اغلاهم فى السعر ...

قعدت ادور عليه كتير لغايه لما لقيت واحد عامل 1000 جنيه حالته نضيفه جدا ومفهوش خدش (طبعا بيبقى مسعتمل استيراد) .. وتوكلت على الله وركبته فى الافانتى .. هو الكاسيت صوته بيقى خرافى وميزه ال DSP اللى هى الصوت المجسم الصدى تحفه .. ولكن محتاج سماعات عاليه وانا عندى سماعتين بايونيير 400 بس صينى ..وسماعات باب فبريكه .. فتعبانين خالص طبعا ..

بس فى حاجه مضيقانى ومخليانى احتمال ارجع الكاسيت .. انه احيانا بيقعد يقطع جامد وميقراش كويس .. وحاسس انه ممكن تكون العدسه بتاعته ضعيفه .. هو عمل كده عند الراجل قام قعد يقولى العيب من الاسطوانه وكده .. لحسن الحظ كان معايا واحد صاحبى ومعاه عربيته فيها نفس الكاسيت بتاعى .. والاسطوانه نفسها شغاله عنده تمام .. فاتفقت معاه هجربه فى العريد لو استمر على كده هرجعه او يجيبلى واحد تانى ...



حبيت انقل تجربتى مع الكاسيت ده وبما ان محدش قدر يفيدنى يبقى افيد انا باللى انا عرفته عن الجهاز الرائع ده ...

رد: سؤال عاجل جدا بخصوص كاسيت 6600 ..
 

1000 جنية واديو وشرايط يا راجل دة اقل من السعر دة عندى جهاز سونى احدث منة بمراحل وفية جميع الامكانيات دبل دن سونى موديل wx_gt77u