|
هل يصح السير بالسيارة منذ استلامها من المعرض وحتى استلام ورقها؟
السلام عليكم ورحمة الله وبركاته
أعضاء المنتدى الكرام أود أن أسأل سؤال الواحد لما بستلم العربية من المعرض ويقولوا تعالى بعد يومين خد ورقها والإفراج الجمركي بتاعها اللي طالع باسمه.... قانونا هل يصح أن يسير الواحد بالسيارة في الشارع .... وهل تتسحب الرخصة واللا ايه الأحوال؟ |
رد: هل يصح السير بالسيارة منذ استلامها من المعرض وحتى استلام ورقها؟
لا سبها فى المعرض لحد ما تسشتلم ورقهابعد ما تستلم ورقها سير بيها فى الطرق عادى
|
رد: هل يصح السير بالسيارة منذ استلامها من المعرض وحتى استلام ورقها؟
اقتباس:
ايه الضامن ليا؟ |
رد: هل يصح السير بالسيارة منذ استلامها من المعرض وحتى استلام ورقها؟
خد العربيه وهى اكيد معلقا لوح تجاريه واكيد معاك العقد يبقى كده ممكن تماشى بيها عادى ولو حد سالك قولة لسه مستلمها حالا
|
رد: هل يصح السير بالسيارة منذ استلامها من المعرض وحتى استلام ورقها؟
بالظبط قانونا مينفعش تمشى بيها الا باللوح التجارية
بس مش كل الناس بتلتزم يعنى انا قعدت بعربيتى اسبوع من غير نمر ومعايا محضر الاستلام بس (وان كان ده غير كافى قانونا) واللى كان بيقابلنى بضحك فى وشة واقولة عقبال ما تجيب وهههه ومشى حالك عامة خد بالك انت لو شارى تقسيط لازم المعرض هو اللى يجري وراك علشان يسلمك العربية ويخلصلك تراخيصها لانه مش بياخود فلوسة من البنك الا لما يديى للبنك صورة الرخصة وعليها الحظر لو كاش يبقى استلم العربية الاول وبعدين تدفع الفلوس وتمضى محضر الاستلام وخدها وامشى وربنا يستر كده اهون ما يتنصب عليك او ينشفوا ريقك اسبوع ولا حاجة على ما باقى الورق يجى ويذكر فى محضر الاستلام الحاجات الناقصة اللى مستلمتهاش |
رد: هل يصح السير بالسيارة منذ استلامها من المعرض وحتى استلام ورقها؟
السلام عليكم، أعزائي، أنا اشتريت العربية ودفعت فلوسها كاش النهارده الصبح، التوكيل قالي ممكن أستلمها بكرة بس ناس قالولي يفضل إني ماستلمهاش لغاية اليوم اللي هاروح أرخص العربية عشان دة مش قانوني، بس التعليق اللي فوق من الأستاذ خللاني أفكر تاني عشان هو كان مقلق يخللي العربية عند التوكيل بعد ما دفع فلوسها، معلش عشان أنا مش عايش في مصر وماعرفش أسلوب التعامل، هل في داعي أقلق من التوكيل بعد ما دفعت فلوس العربية كاش والعربية لسة ما استلمتهاش؟ أنا المفروض أستلمها بعد بكرة الصبح عشان أرخصها، أفيدوني أفادكم الله.
مع جزيل الشكر... |
رد: هل يصح السير بالسيارة منذ استلامها من المعرض وحتى استلام ورقها؟
لو حضرتك اشتريت من توكيل او معرض محترم ومعروف ومعاك مايثبت دفع قيمة السيارة (ايصال استلام نقدية مثلا) وممضيتش محضر استلام او اى شىء يفيد استلامك للعربية يبقى متقلقش نفسك ومبروك مقدماً
|
| الساعة الآن 05:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017