تعريق البوجيه
 

السلام عليكم الدنيا زحمه قوى قبل رمضان بيوم مشوار مابياخدش ربع ساعه داخل المدينه اخد منى ساعتين والسكه واقفه -عربيتى فيليشيا 97- الحراره لم ترتفع عن 90 طوال السكه واول ما اتحركت بعد ساعه من الوقفه والعربيه دائره لقيتها مكعبله والسحب مافيش حسيت انها متلته -وصدق على كلامى الميكانيكى -البوجيه الاول بجوار الاسبراتير قاطع من تعريقه الزيت راح مغيره وقال لى حنصبر اسبوع لو تكرر حنحتاج طقم شنبر افيدونى فى صحه هذا لكلام بالله عليكم وتتكلف حوالى كام وايه الاشياء التى ساشتريها وكل عام و انتم بالف خير

رد: تعريق البوجيه
 

رد: تعريق البوجيه
 

فى دخنة فى الشكمان ولا دخنة من فايظ الموتور؟؟؟؟

رد: تعريق البوجيه
 

م الاخر كده طالما الزيت زصل للبوجيه يبقي مش هينفعك غير طقم شمبر بدل ما كل شوي بوجيه يقطع و ينقل غلي البعده طقم شنبر انا عملته للفورد فيستل كلف 1200 جم ممكن يقل في السكودا ل900 جم بس شوف ميكانيكي امين

رد: تعريق البوجيه
 

شكرا لاهتمامك بالرد فلا يوجد دخنه بل الدخنه بتكون بيضاء عند بدء الدواره صباحا وتختفى بعدها مباشره ولكن الشىء
العجيب انه عند تغيير الزيت غيرت معاه فلتر الزيت الميكانيكى وضع الجركل ال 4 كيلو شل الاصفر بالكا =مل فى الموتور والمؤشر لم يصل الى max وانا حتى الان اتابع المؤشر ولا زال منخفضا عن الحد الاقصى

رد: تعريق البوجيه
 

رد: تعريق البوجيه
 

بص اهم حاجة حضرتك انك اما تقيس الزيت لازم تكون على ارض مستوية تماما لأن المقاس بيفرق لو العربية مايلة

وتابع المؤشر لو لاقيت الزيت بينقص بشكل كبير ممكن يبقى من

الطبة مش مربوطة كويس وبتجيب زيت او الفلتر برضة مش مربوط كويس

غير كدة ممكن يكون فقد الزيت من

1-جوان كارتيرة الزيت ممكن يكون ضارب وبيعرق زيت
2-غطا الزيت اللى بتزود منة ممكن يكون بيعرق زيت برضو
3-اويل سيل الكرنك ممكن يكون ضرب وبيجيب زيت ودة مش هيبان الا اما تحل غطا التقسيمة
4-جوان غطا التاكيهات ممكن يكون بيعرق زيت

خلى الميكانيكى يشيكلك على الحاجات دى فى السريع كدة وان شاء الله بسيطة