|
سعر النترا 2007 بالمواصفات دي يكون كم؟
السلام عليكم،
أرجو أن لا يكون هذا المكان الخاطيء لموضوعي و لكن واللهي دورت في المنتدى كامل ملقتش مكان تاني أنسب ..ربما أكون خطأ. عندي مشكلة . أختي و أعز صديق ليا في مصر عايزين يشتروا عربيتي و أول مسمعوا مني سعر وافقوا على طول و أنا شاكك بالموضوع.. ممكن حد يقوللي سعر العربية يكون كم في مصر.؟ أنا مقيم بالخارج. السيارة النترا فل اوبشنز من غير فتحة سقف. جنوت رياضية مكيف تاتش و فل اتوماتيك. فضية عاملة في حدود 9 أو 10 الاف كيلو لأني كنت أركبها فقط في اجازة الصيف يعني حوالي شهر و نص في السنة و بقية الوقت في جراج . محدش لمسها طبعا غير الوكالة غبور للصيانات اللي تبع الضمان و مركبتهاش من سنتين و دي التالتة. مش محتاج أقول أنها بأكياسها :) ها؟ كم سعرها في مصر من غير مظلم حد و لا حد يظلمني؟ و شكرا. ياريت حد يساعدني في أسرع وقت لأنه فاضل 7 ساعت و مسافر بلد تاني. شكرا |
رد: سعر النترا 2007 بالمواصفات دي يكون كم؟
حضرتك كنت جيبها بكام ....وعرضها للبيع على كام |
رد: سعر النترا 2007 بالمواصفات دي يكون كم؟
أولا شكرا على الرد. انا مش عارضها للبيع. أنا بس طالب أعرف قيمتها لو أنباعت في مصر تجيب كام . هما شافوني حاططها في جراج و بدفع عليها فلوس فقال يعني خايفين على فلوسي و بينصحوني أبيع. السعر اللي اتكلموا عليه 75 و انا حاسس انه بسيط. أنا جبتها بكم مش فاكر الصراحة لأن كان في أقساط من سيتي بنك و بعدين خلصتها تاني سنة..معلهش انا عندي فقدان ذاكرة شوية ففعلا مش فاكر بس كانت فوق ال 100 وورقها كله بمصر.
|
رد: سعر النترا 2007 بالمواصفات دي يكون كم؟
80000 : 90000
ولا تقل عن 83000 :CONGRA~238::010104~171:: CONGRA~238: |
رد: سعر النترا 2007 بالمواصفات دي يكون كم؟
معقولة؟ يعني الناس بقت كدة؟ مينصحوش الواحد بل العكس عايزين يضحكوا عليه؟ على فكرة انا قلت هما قالوا 75 بس الحقيقة قالوا 70 يعني كانوا حيضحكوا عليا جامد...انا مضايق جدا الصراحة بس عشان الناس بقت وحشة... شكرا.
|
رد: سعر النترا 2007 بالمواصفات دي يكون كم؟
السلام عليكم ورحمة الله
يا استاذ هيثم عربيتك ماشاء الله حسب كلامك حالتها حلوه جداً وهى اسعار العربيات اليومين دول مبالغ فيها جداً . عموماً انا لسة شايف عربية النترا من حوالى شهر وكانت موديل 2008 كاملة اوتوماتيك وفتحة سقف وكان صاحبها طالب 72000ج وقالى ان جاله فيها من تاجر 69000ج بس هو مارضيش يعنى كان ممكن تخلص على 70000ج بس انا بصراحة معجبتنيش العربية يعنى حالتها كانت جيده فقط مش ممتازة زى حالة عربيتك. واحد من اعز اصدقائى كان عنده واحده النترا مو اخر 2009 وعامله 9000ك فابريقة تماماً وباعها فى 2010 بـ 89000ج وكان عارضها عليا بس انا كنت عايش بره ومش محتاجها. وكمان الاقبال على الالنترا الشكل الجديد 2012 كبيير جداً وبدورة اضعف سعر الشكل القديم قليلاً لدرجة إن الزيرو بتاع 2011 الشكل القديم كان بيتباع تصفيه فى بعض المعارض من 100 الى 105 الف جنية.كده بقى ممكن تقدر تعمل حسبة بسيطة تسعر بيها عربيتك على حسب تغيرات سعر السوق وموديل السنة كالتالى:- موديل 2011 بـ 100000 وتخصم مبلغ 5000 ج عن كل سنه لغاية موديل 2007 يعنى اجمالى الخصم 25000ج .وبكده يبقى سعر عربيتك طبقاً للحسبة المنطقية 75000ج وطبعاً اختك هيبقى لها سعر تانى. وربنا يوفقك للى فيه صالح لك. تقبل مرورى وتحياتى |
رد: سعر النترا 2007 بالمواصفات دي يكون كم؟
أشكرك على التوضيح............ شكلي أتسرعت و لخبطت مع أختي و جوزها شوية..............يعني لو قلنا عربيتي وكالة بس موديل 2007 مش حتجيب غير 75؟ صح؟ أروح أحاول أصلح اللي انا عملته........:(
|
| الساعة الآن 01:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017