المطبات وسننها
 

اول الكلام العربية ماتركس 2001

كنت فى سفرية على طريق زراعى بين قرى. المسافة 30 كيلوا تقريبا. كان كل 200 او 300 متر مطب والأسفلت معظمة مكسر وفى نقر وزوائد فى الأرض نتيجة رمى الطمى ومواد البناء على جوانب الطريق. وكان فى مسافات مش فيها مشاكل وناعمة. انا بقة كنت مش عارف اسوق ازاى فى الموقف دة وكان لى اسلوب لم يعجب الوالد.

أنا من انصار انى اتحكم فى العربية عن طريق شيل رجلى من على البنزين. يعنى ساعة ما يقرب مطب أروح شايل رجلى خالص من البنزين واسيب العربية تبطئ لوحدها تدريجى لحد ما قبل المطب تكون السرعة بسيطة جدا بين 10 إلى 15 كيلوا. واسيب العربية تاخد المطب بدون ما ادوس ولا فرامل ولا دبرياج ويكون الفتيس على الثانى. وبمجرد ما العجل الامامى ينزل الارض ادوس بنزين. ساعات كانت الحركة بتكون مثالية ومش بأشعر بالمطب خالص وفى بعض الأوقات تكون العربية سريعة شوية يعنى فى حدود 20 مثلا فأجد العربية بتتنطط شوية والناس اللى معايا تنطط على الكراسى. وساعات كنت مجبرا فى السيطرة على السيارة بالدبرياج والفرامل علشان اعدى المطب. وكمان كنت بسوق بسرعات مختلفة يعنى شوية 45 وشوية 60 على حسب الطريق والفتيس على الثالث ولكن كذا مرة كنت بأفاجأ بالمطب فأدوس فرامل مفاجأة ودبرياج وهذا كان بخوف اللى معايا من المفاجأة.

أما الوالد فهو من أنصار أنى اسوق على سرعة لا تزيد عن 40 وقبل المطب بمترين ثلاثة لازم أدوس على الفرامل والبرياج وأخلى العربية فى حالة أشبة للتوقف حتى اخد المطب بسرعة اقل من 5 كيلوا مثلا وأخد الأول بالفتيس وأتحرك من جديد بالسيارة كما لو كنت أتحرك من وضع وقف. فلا أؤثر على العفشة ولا على الناس إلى معايا. هو من انصار كلبشة السيارة كل الوقت بالدبرياج والفرامل فى أوقات المطبات...

أىهما اصح؟ ما هى الطريقة الصحيح التى يجب أن اسير بها فى مثل هذة الظروف؟ ما هو الحل الامثل الذى يحافظ على السيارة من حيث العفشة وكذلك لا يضر بالدبرياج.


شكرا على الرد

رد: المطبات وسننها
 

طبعا طريقة الوالد هى الافضل للحفاظ على العفشة وهى الطريقة المفضلة لى للحفاظ على العفشة وعلى جسم العربية من الاسفل

رد: المطبات وسننها
 

شكرا على الرد ولكن بهذا الاسلوب سوف استعمل الدبرياج والفرامل والفتيس أكثر من 40 او 50 مرة فى الطريق. ولو ماشى على اسفلت مكسر هكون مكلبش العربية بالدبرياج معظم الوقت. أليس هذا مضر أكثر؟

رد: المطبات وسننها
 

بص يا باشا طريقة الوالد افضل طبعاً و الكلام ده لو قبل مطب او نقرةة فى الارض انما لو الطريق اسلن مكسر مش هتستخدم فرامل خالص انما انت مش هتعدى التانى و متدوسش بنزين كتير عشان العربية متجريش و تقبل تحياتى ROSE4U

رد: المطبات وسننها
 

لا طريقة الفرامل والدبرياج هي الصح قبل المطبات بس الفكره انك لما تكون ماشي بالعربيه في الاوقات العاديه والطريق ماشي متريحش رجلك علي الدبرياج وعلي فكره هتلاقي في الكتالوج نفسه كمان كاتبين كده من ضمن الارشادات

رد: المطبات وسننها
 

والله يا باشا انتو الاتنين صح هوا بتفرق بس من الطريق والمطب اللى قدامك عامل ازاى

تقبل تحياتى

رد: المطبات وسننها
 

أنا عن نفسى بستعمل الإنجين بريك لما أكون ناز من كوبرى و أدوس سنة فرامل عشان الفوانيس الخلفية تنور و اللى ورايا يعمل حسابه أما لو كنت ماشى على الطريق باتبع الطريقتين الإنجين بريك و الفرامل أو الفرامل مع الدبرياج
و ده حسب سرعة العربية و حسب المسافة بين العربية و المطب
:010104~171: