اولسيه الكارونه
 

انا عندي عربية شاهين ولاحظت ترشيح زيت كدا بسيت من الكارونه فقلت اجيب اولسيه كارونه واغير الاولسيه المهم رحت للميكانيكي نغير الاولسيه ففك الكردان من ورا وظهر الاولسيه والمفاجأةالاولسيه مش راضي يتفك خالص
وودينا العربية مغسله والميكانيكي نزل ومعاه اللقمة الي بيفك بيها وايد وركب ماسورة كمان والاولسيه مش راضي يتفك
هل الاولسيه ده بيتفك من مكان تاني ولا حاجه والميكانيكي مش فاهم ولا عشان الاولسيه متفكش قبل كدا فجامد
خد يفهمني

رد: اولسيه الكارونه
 

حد يعبرني يا جماعة

رد: اولسيه الكارونه
 

للأسف عربيتى الى فكيت اويلسيل الكارونة مش شاهين ... الى اعرفه ان كل اويلسيل لازم يتشال بطريقة معينة علشان متبوظهوش او تبوظ مكانه .... ربنا يوفقك
متابع باهتمام

رد: اولسيه الكارونه
 

انا مش عارف هل فيه طريقة تانيه يتفك بيها دا هو اولسيه مدور كدا الصنايعي بيدخل فيه اللقمة وبيلف بس علي كلام الصنايعي انه جامد اوي ومتبرشم
دا حتي دق عليه شويه علي اساس يفك معاه وكدا كدا انا جبت اولسيه جديد بس مفيش فايدة برده

رد: اولسيه الكارونه
 

اعذرنى انا مش معايا شاهين دلوقتى ... و لما كانت معايا مغيرتش الاويلسيل بتاع الكارونة ... انا بحاول اقيس على عربيتى
اعتقد ان الى الميكانيكى بيحط اللقمة فيه ... دى صمولة فلانشة الكارونة ( مش عارف اسمها ايه بالظبط ) .. و اعتقد برضو ان الصامولة دى لازم تتفك علشان الفلانشة دى تخرج و بعدين الاويلسيل يتفك و يتغير

رد: اولسيه الكارونه
 

اولا انا بشكر حضرتك جدا لاهتمامك
ثانيا هو فعلا الصنايعي حط اللقمة في الصامولة علي اساس انها تتفك عشان ينزل الاولسيه الي المفروض نغيره
كلام الصنايعي ان الصامولة دي جامده جدا ومش عارف يفكها وعمل كل المحاولات مفيش فايده
انا بقول يمكن يكون لها طريقة تانيه في الفك لان مش داخل دماغي حكاية انه مش عارف يفكها دي خصوصا انه صنايعي طول بعرض يعني
المشكلة ان الزيت بيسرب بسيط بس بيسرب يعني لازم الاولسيه يتغير

رد: اولسيه الكارونه
 

فك الأولسية لو أول مرة بيحتاج قوة بدنية
أنا روحت لميكانيكى علشان اغيره وسيبته ومشيت علشان كان ورايا شغل
ورجعت بعد نص ساعه قالى اتغير وكله تماما
وبعد شهر اتفاجأت ان فيه زيت لسه بيسرب
وروحت لميكانيكى تانى واكتشفت ان الأولسيه متفكش وكان عليه برشام الفابريكة
الميكانيكى الأولانى جسمه صغير ومعاه صبى طفل ومعرفش يسلك فيه

الميكانيكى التانى معرفش يفكه لوحده وحط ماسورة وجاب الصبى بتاعه شاب كبير
وضغطوا عليها بكل قوتهم وبأرجلهم على ما اتفكت

بالنسبة للزيت لو الكارونة حالتها كويسة وممتازة ومفيهاش مشاكل ممكن تحط زيت 90
أو 140 مش هتفرق كتير
عن نفسى زودت زيت تروس التعاون 140 لإنه كان عندى فى البيت بظروفها
بالنسبة للفتيس لو حالته كويسه بلاش 140 حط 90 احسن علشان ميتقلش معاك فى الشتاء بالذات
بسمع ان زيت موبيل 90 كويس بس هاته من محطة بنزين موبيل مضمونة