مصر موتورز مجتمع السيارات - سمكري ولا توكيل...؟؟؟

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - سمكري ولا توكيل...؟؟؟ (https://www.masrmotors.com/vb/showthread.php?t=91252)

سمكري ولا توكيل...؟؟؟

قدر الله وما شاء فعل...

ميكروباص الصبح كان عاوز يمشي عكس فخبطني خبطة قوية شوية في الرفرف اليمين قدام

السؤال دلوقتي.. أنا لقيت اني ممكن أعملها رد على البارد عند سمكري و هتكلف 160 من غير الفانوس الاشارة اليمين...
بس أما سألت في التوكيل لقيت انها ممكن تكلف 550 سمكرة ودهان ده غير اني اذا اضطريت اني أغير الرفرف هدفع ثمن رفرف جديد وهو حوالي 650 بالضريبة...
يعني اجمالي 1200

فأنا عندي سؤال هل يعيب العربية اني أعملها عند سمكري محترف ولازم اني أعملها عند التوكيل يعني؟؟

كمان حاجة ثانية منين ممكن أشتري الفانوس الاشارة بتاعها الأصلي؟ وايه هوة رقم اللون النبيتي بتاعها؟

ومنين أقدر اني أشتري طاسة أصلية واحدة بس ليها؟ حتى لو استيراد بس تكون نفس الشكل..؟؟؟

رد: سمكري ولا توكيل...؟؟؟

طول ما السمكري مش هيلعب في الضفيرة الكهربائية والكمبيوتر والمتور وهيرد ع البارد يبقا اعملها عند السمكري
اما بخصوص الحاجات التانية دي
في محل في جسر السويس اسمه المهندس بتاع قطع غيار الرينو هتلاقي عنده كل حاجة
وتقبل تحياتي

رد: سمكري ولا توكيل...؟؟؟

اقتباس:

المشاركة الأصلية كتبت بواسطة sherifabden (المشاركة 709386)

جزاكم الله خيراً يا شريف باشا.. :)
أنا هتوكل على الله وأعملها عند السمكري... وان شاء الله ترجع عروسة..

سؤال تاني.. أنا بفكر أعدي على الخرابيش الي على العربية من ولاد الحلال أصحاب المفاتيح بفرشة رسام مع دهان العربية عشان أخلي شكلها أحسن.. فهل ده يعيب العربية؟؟؟؟

رد: سمكري ولا توكيل...؟؟؟

مش هيعيب العربية خالص لكن لازم يكون اللون مطابق للون العربية الاصلي بالمللي وتقبل تحياتي

رد: سمكري ولا توكيل...؟؟؟

هو يعنى اللى شغال فى التوكيل مش سمكرى برضو ولا لواء اركان حرب

يا باشا فى مراكز تجديد سيارات بتطلع شغل احسن مليون مرة من التوكيل فعموماً السمكرة والحاجات لا ينصح بعملها فى التوكيل اصلاً

كمان قطع الغيار اكيد هتلاقيها بتتباع بره وممكن تجيب رفر اسيتراد وترشه فيه حلول كتير متقلقش

رد: سمكري ولا توكيل...؟؟؟

يا عمنا سمكرة ايه اللي ب 160ج دا انا كان الرفف الشمال واحد ابن حلال عملهولي استريت واترد علي البارد ب 30ج هو متعب شوية عشان الصاج ناشف حبتين فعبال مابيرجعة زي مكان باخد معاه شوية وقت بس مش لدرجة 160ج كده كتير

بالنسبة للفانوس الصغير دا باذن الله مش حتلاقيه غالي بس قولنا انت منين عشان نقدر نقولك علي واحد بتاع قطع غيار رينو قريب منك

رد: سمكري ولا توكيل...؟؟؟

اقتباس:

المشاركة الأصلية كتبت بواسطة akerima (المشاركة 709924)

ال160 ديه يا باشا كانت بالرش :)
وأنا رديته بس انما خايف أرشه... وبالنسبة للفانوس أنا هجيب الديبو التايواني وربنا يستر ويبقى شبه الأصلي عشان مبحبش أحس ان العربية فيها حاجة مختلفة...

اقتباس:

المشاركة الأصلية كتبت بواسطة sherifabden (المشاركة 709799)

مش هيعيب العربية خالص لكن لازم يكون اللون مطابق للون العربية الاصلي بالمللي وتقبل تحياتي

ماهو أنا خايف من الحتة ديه... خصوصاً ان السمكري كان عاوز يعملهولي تلقيط مش رش كامل.. عشان يداري اللون الفضي بتاع الصاج... فأنا حاسس انه ده هيبقى باين برضه...

اقتباس:

المشاركة الأصلية كتبت بواسطة AbOnOrA (المشاركة 709847)

الحمد لله محتاجتش رفرف استيراد وفعلاً ما شاء الله الرفرف على البارد رجع بنسبة من 95 ل 100 في ال100 من الشكل الأصلي.. مشكلته بس وجود بعض التكحيتات مكان اكصدام الاالترامكو... وديه الي أنا خايف أرشها لتعيب شكل العربية...