مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- سيارات حواء (https://www.masrmotors.com/vb/forumdisplay.php?f=181)

- - كلاكيت تاني مرة (https://www.masrmotors.com/vb/showthread.php?t=91070)

كلاكيت تاني مرة

بعد موضوع "ياخسارة اللادا"
في موضوع تاني يثبت قطعيا ان الستات مبيعرفوش يسوقوا
هوا الموضوع بمعنى ادق "مش بيركزوا في السواقة"
كنت انا والحاجة في البنك بنسحب فلوس وكان البنك على الكورنيش وطبعا في سوهاج الكورنيش في الفترة دي زحمة موت
بعد ما خلصنا المراد كنا عايزين نعدي الشارع رحت لقيت عربية لانسر كرستالة من بعيد وواحدة ست سايقة العربية وكانت المسافة بيني وبين العربية 30 متر تقريبا
بصيت ع العربية لقيت الست بتبص ورا !!!!
ايه دا بالضبط ؟؟
لقيت العربية بدون اي مقدمات بتسرع جامد والحاجة كانت هتعدي راحت الست في اخر لحظة فرمللللت
والعربية وقفت والحمد لله قبل ما الحاجة تتخبط
ونزلت الست من العربية ووشها احمر :shyy:
وبتقولي انا اسفة مخدش بالي
قولتلها حصل خير مش مشكلة
بس انا مستغرب اوي
للدرجاتي الاهمال واللامبالاة والاستهتار بارواح الناس
في حد يسوق لقدام ويبص لورا !!!
والالعن من كده تزود بنزين وهيا بتبص لورا !!!!
اللهم احفظنا من سواقة الستات يارب

رد: كلاكيت تاني مرة

ده العادى من سواقه الحريم يا معلم
طيب احكيلك حاجه حصلت من ساعتين بس
واحده ست سايقه 131 وطالعه من شارع جانبى بسرعه شديده كانها خارجه من باب شقتهم
ولحقت الم وش العربيه بعيد عنها بالعافيه (عربيتى فيرنا 2012) يعنى لا قدر الله لو حصل حاجه كنت انا اللى هتروق طبعا عشان المدرعه اللى هى سايقاها
المهم الست نزلت تدينى محاضره وتقولى فتح يا اعمى اقولها انتى طالعه من جانبى لرئيسى والاولويه للقادم وخلى الطريق صديق وهى ولا هنا
وفى الاخر قعدت تقول انتو بتقولو ان الستات ما بيعرفوش يسوقوا وعاوزين ناخد فرصتنا
المضحك بقى انها قالت كل الكلام ده وعربيتها خارجه من الجانبى وسده الرئيسى خالص وانا كنت ركنت قدام شويه
وفى الاخر واحد ملتحى خرج عن شعوره وقالها كلام تيييييت لحد ما عيطت بالدموع
وربنا يسترها من سواقه الستات

رد: كلاكيت تاني مرة

ههههههههههههههههههه

رد: كلاكيت تاني مرة

احم احم ايه الفضايح دى بهدلتوو سمعتنا فى السواقه:crying:

رد: كلاكيت تاني مرة

اقتباس:

المشاركة الأصلية كتبت بواسطة sherifabden (المشاركة 707816)

قدر الله وماشاء فعل ماتعرفش هيا كانت بتبص وراها ليه يمكن يكون فيه واحد بيعاكسها ولا حاجة زى ماحصل قبل كده لقيت واحدة بتجرى وبتقوللى الحقنى واحد بيعاكسنى روحت قافل عليه الطريق وكنت هطلعه فوق الرصيف وعملتله اشارات مش كويسة وخليته ركبه تقع فى الأرض وطبعا الست هربت علشان مايضايقهاش تانى

اقتباس:

المشاركة الأصلية كتبت بواسطة ehab_nnnn (المشاركة 713295)

حصل معانا الكلام ده قبل كده المجنونة كانت هتجيب لصاحبى القايم اللى فى الجنب بس الحمدلله لحق نفسه ، انا مشعارف جوزها ركبها العربية دى ازاى حسبى الله ونعم الوكيل

ال131 ولا مدرعة ولا حاجة دى عربية زى الزفت وصاجها ورق وماتصدقش كلام الناس اللى بتقول انها عربية جامدة

رد: كلاكيت تاني مرة

اقتباس:

المشاركة الأصلية كتبت بواسطة evee (المشاركة 713525)

احم احم ايه الفضايح دى بهدلتوو سمعتنا فى السواقه:crying:

والله مش كل الستات اللي بتسوق يعني :fun_10_9_206[1]:
وبعدين والله الست تسوق أرحملها مييييييييت مرة من الرزالة اللي في المواصلات وفي الشارع .. بجد لو الستات بيسوقوا وحش فالناس كمان اغلبتهم ما بقاش عندهم دم والله ....
طيب أنا هاقولك على موقف .. مودية ابني التمرين في النادي ومروحين في أمان الله في مدينة نصر وقفنا على ناصية الشارع عشان نشوف مواصلة تنقلنا البيت ... ست محتشمة الحمد لله ومعاي ابني في ايدي وأقسم بالله قلة الادب المتناهية في كم العربيات اللي تقف تشاور وتهدي وكلاكسات ونظرات وكلمات ايه القرف ده :01A0FF~139:ده انا حتى ابني في ايدي ازاي يعني في ناس عندها الجرأة دي باقيت بقول والله يارب ارحمني بقة وأجيب عربيات كتتير وكل يوم اختار هاركب مين فيهم :) ارحم بكتير من موضوع عربية واحدة في البيت اتشغلت يبقة على الطرف الأخر معاودة ركوب الامواج (المواصلات يعني)

رد: كلاكيت تاني مرة

اقتباس:

المشاركة الأصلية كتبت بواسطة noura_taman (المشاركة 713531)

والله نفسي مصر تبقى زي السعودية ويعملوا قانون يمنعوا فيه الستات من السواقة POLICEE
بس طبعا حروق المراة والغلل المتحدة هيعملوا مشاكل وبلاوي هههههههه