اسئلة بخصوص فيرنا ٢٠٠٨
 

السلام عليكم
لسة من كام يوم شاري فيرنا ٢٠٠٨ ، و عندي بعد الاسئلة
١- لما السرعة بتزيد عن ١٠٠ كيلو ، بحس برعشة في الدركسيون ، يا ترى دة من أيه ؟
٢- لو عايز اركب سنتر لوك ، اركب فين و يتكلف كام ؟
٣- هل فيه مشاكل لما أكون مشغل التكيف و الطريق واقف و زحمة ؟
٤- ضغط الهواء المناسب لالكوتش كام ؟

رد: اسئلة بخصوص فيرنا 2008
 

راجع كاتالوج العربية وهتعرف

رد: اسئلة بخصوص فيرنا ٢٠٠٨
 

رد: اسئلة بخصوص فيرنا ٢٠٠٨
 

شكراً لرد حضرتك
أنا كنت ماشي في صلاح سالم طريق المطار ، الطريق سليم جداً
أعتقد إن فيه مشكلة مسببة الرعشة ديه ، علشان بتزيد الرعشة مع السرعة

رد: اسئلة بخصوص فيرنا ٢٠٠٨
 

فعلا الرعشة ترصيص

رد: اسئلة بخصوص فيرنا ٢٠٠٨
 

اولا ألف مبروك علي العربيه وربنا يكفيك شرها
ثانيا بالنسبه لتساؤلاتك:-

1-اولا الرعشه في الدركسيون اللي بتحصل بعد ال100 نتيجة للترصيص الخلفي ممكن تروح لاي مركز صيانه او اي حد بيعمل ترصيص ويعدلهالك
2-بالنسبه للسنتر لوك فيه شركات كتير وفيه شركة انا شخصيا بفضلها اسمها عبر البلاد في جسر السويس وسنتر لوك The wolf جميل جدا كان معايا في العربيه اللي فاتت ودلوقتي في الصني وبصراحه مكنش فيه اي مشاكل بس لو هتجيبه ركبه هناك عندهم عشان ميحصلش اي مشاكل وبالنسبه للتكلفه تقريبا 200 ل 250
3- بالنسبه لمشكلة التكييف وانت واقف مفيهاش اي حاجه بس اهم حاجه يكون شحن التكييف تمام ومفيهوش اي مشاكل
4-الافضل اولا انك تملي نيتروجين عشان ميتمددش معاك ولا ينكمش ولا في صيف ولا في شتاء ويفضل ثابت وانا شخصيا عامله علي 30

رد: اسئلة بخصوص فيرنا ٢٠٠٨
 

يا باشا ألف شكر والله ، ربنا يخليك و يجازيك خير إنشاء الله