دايو لانوس 2001 ومركب غاز وعاوز شنطه سقف مناسبه Roof Box
 

اهلا بيكم جميعا

عندى عربيه لانوس دايو موديل 2001 ومركب فيها غاز ويعمل بكفاءه الحمد لله ، بس طبعا انتو عارفين المشكله فى الغاز انه بياخد جزء من الشنطه وانا محتاج مكان معقول علشان السفر والشنط ، علشان كده فكرت فى شنطه السقف Roof Box
ارجو من حضراتكم لو حد عنده فكره عن افضل الحلول فى ضوء المعلومات الى قولتها وتكون حاجه محترمه وبتكلفه معقوله . حيث انها عربيه ملاكى مش تاكسى فالمنظر مهم برضه .

وجزاكم الله كل الخير

أيمن امين
القاهره

رد: دايو لانوس 2001 ومركب غاز وعاوز شنطه سقف مناسبه Roof Box
 

يا متابعى المنتدى يا خبراء المنتدى يا المسؤلين عن المنتدى ، فين الناس دى اول مشاركه ليها هنا فى المنتدى وفمفيس حد حتى قرأ السؤال بتاعى . هو فيه ايه ؟؟

أين الساده المشرفين على المنتدى ؟؟

رد: دايو لانوس 2001 ومركب غاز وعاوز شنطه سقف مناسبه Roof Box
 

انا نفسى اعمل الحكايه دى متابع معاك
ياريت احد الاخوه الافاضل اللى عنده فكره يقول

رد: دايو لانوس 2001 ومركب غاز وعاوز شنطه سقف مناسبه Roof Box
 

واضح ان الموضوع مش مهم او محدش عنده معلومه ، عموما شكرا للجميع انا هانزل ان شاء الله الى سوق التوفيقيه وابحث فى الموضوع وان شاء الله هابلغكم هنا بالنتائج الى وصلتلها .

رد: دايو لانوس 2001 ومركب غاز وعاوز شنطه سقف مناسبه Roof Box
 

رد: دايو لانوس 2001 ومركب غاز وعاوز شنطه سقف مناسبه Roof Box
 

انا لسه مركب الغاز من حوالى شهر تقريبا ، تجربتى كالاتى : -

1 - سحب العربيه اقل من البنزين وبيظهر ده اوى اول ما اغبر من غاز لبنزين وانا ماشى على الطريق ، العربيه بتجرى اسرع وبضغط اخف على دواسه البنزين .

2 - العزم بتاع الغاز اقل من البنزين وبيظهر ده وانت طالع مرتفع .

3 - أسطوانه الغاز بتاعه الانوس عندى التفويله تعمل حوالى 140 كيلو ده نظريا ولكن عمليا ساعات بتعمل اكتر بتوصل 180 كيلو وساعت بتعمل اقل ، اكيد فيه عوامل زى تشغييل التكييف ولو مسافر رحله طوالى بيكون الاستهلاك اقل وهكذا .

4 - فيه ملاحظه ان فيه استهلاك بنزين وانا ماشى بالغاز بمعنى ( كنت مفول بنزين مثلا من 3 اسابيع الان العداد قرب من ادنى نقطه ) بمراجعه صيانه الغاز قالولى انه محتاج تعمل كتاوت على طلمبه البنزين علشان تفصل لما تحول الى الغاز ، وان شاء الله هاعمل الموضوع ده واجرب .

5 - صوت العربيه عندى بيكون اهدى وانا شغال بالغاز عنها وهيه بالبنزين .


بالنسبه لى كل سلبيات الغاز لحد دلوقتى اهون بالنسبه الى اذا اخذنا فى الاعتبار التكلفه الاقتصاديه خصوصا ان اقل مسافه ليا فى اليوم بتكون أجمالى 76 كيلو من الشغل الى البيت والعوده فقط .

وسأوافيكم بنتائج التجربه اولا باول .