يا جماعة فيه مشكلة لو اتاخرت على صيانة البرسونا
 

يا جماعة فيه مشكلة لو اتاخرت على صيانة البرسون لانى الان عامل كليومترات 4750ك وبكره ان شاء الله مسافر دمياط يعنى رايح جاى هعمل مش اقل من 400ك فهل ممكن يحصل مشكلة لاقدر الله فى العربية من ناحية الزيوت والصيانة عموما يا ريت حد يفدنى للاهمية

رد: يا جماعة فيه مشكلة لو اتاخرت على صيانة البرسونا
 

هو حضرتك معملتش الصيانة الاولى حتى ؟ بتاعة الالف

عامة لو روحت والعداد عامل خمس الاف وكسر مش مشكلة بس المهم انك تتطمن على العربية

رد: يا جماعة فيه مشكلة لو اتاخرت على صيانة البرسونا
 

شكرا على الرد بس انا عملت صيانة 1000 وتم تغيير الزيوت وعمل الصيانة اللازمة للعربية بس انا قلقان من الزيت الما تور ومش عارف نوعه ايه ولو تعرف يبقى شكرا ليك

رد: يا جماعة فيه مشكلة لو اتاخرت على صيانة البرسونا
 

رد: يا جماعة فيه مشكلة لو اتاخرت على صيانة البرسونا
 

الف شكر يا باشا على الرد والنصيحة وان شاء الله بكره هعدى على بنزينة وانا بمون اشيك على كل حاجة وشكرا ليك مرة تانية

رد: يا جماعة فيه مشكلة لو اتاخرت على صيانة البرسونا
 

العفو يا باشا الشكر لله

حضرتك تقدر تكشف على الزيت بنفسك او فى بنزينة او فى محلات تغيير الزيت بشرط

عند الكشف تتساب العربية لمده 15 دقيقة على الاقل علشان الزيت يسقط بشكل معقول من الموتور للكرتيرة

لازم تكون العربية واقفة بشكل مستوى (مش مايلة لاى جنب) علشان تاخد مستوى الزيت من الكرتيرة صح

تتطلع مقياس الزيت وتنظفة وبعدين تحطة تانى واخيراً تطلعة وتشوف قياسة قد ايه

طبيعى ان يكون لونة مائل للاسود وده مؤشر على قيام الزيت بوظيفتة ويمكنك ملاحظة لزوجه الزيت

رد: يا جماعة فيه مشكلة لو اتاخرت على صيانة البرسونا
 

استاذي الفاضل بالنسبة للتساؤل الخاص بحضرتك

يفضل في الصيف انك تسقط الزيت علي 4500 كم علشان الجو الحر
و في الشتاء ممكن تسقطه علي 5000 كم

ولكن مفيش مشكله لو حضرتك تأخرت شوية المره دي بس انا بقولك علي الافضل للعربيه

بالنسبه لنوع الزيت فهو توتال 5000

وتقبل تحياتي