|
نيسان صنى 2013
السلام عليكم
أنا لسة مشترى نيسان صنى 2013 وعملت فى أول يوم 637 كيلو والعربية تمام بس المشكلة عاوز أعرف أعمل صيانة أمته ولو فى مراكز صيانة فى شرم الشيخ أو الطور سيناء بتتكلف كام , هل بكلم الفرع قبل ماروح ولا إيه إلى ليحصل أعرف العربية إزاى سخنت ولا إيه النظام لو فى أى موضوع يفدنى ياريت اللنك أنا لا أعلم أى شىء عن السيارات غير إزاى بتتحرك من مكانها أرجو الأفادة |
رد: نيسان صنى 2013
الف الف مبروك ربنا يديك خيرها يارب ويكفيك شرها قولوا امين:Wkiss5::Wkiss5::Wkis s5::Wkiss5::Wkiss5:
|
رد: نيسان صنى 2013
مبرووووووووووووك :Wkiss5: |
رد: نيسان صنى 2013
الف مبروك يا باشا فى رائى دة استثمار جيد ياريت تكلمنا عن تقفيل العربية و مدا جودة
|
رد: نيسان صنى 2013
هتعمل صيانة أول ألف و ديه مش مهمة خش أى بنزينة و غير زيت 10 ألاف و فلتر و خلاص
|
رد: نيسان صنى 2013
لا يا كبيير
صيانه الالف كيلو مهمه ومجانيه عندنا فى الاسبرانزا العربيه راحت التوكيل عندنا فى طنطا وسافرت القاهره فى توكيل ابو رواش وكنت بشتكى من بعض الحاجات مثل خشونه البويه فى بعض الاجزاء تقل فى بعض الابواب تزييق فى العفشه مع المطبات العربيه قعدت هناك 3 ايام ورجعت عروووووسه كل حاجه متظبطه والبويا ناعمه زى الحرير والعفشه اتربط عليها واتشدت تانى اتغير زيت موبيل وان 10000 كيلو وفلتر زيت وهوا الابواب بقت ناعمه وبتقفل مظبوط النور قدام اتظبط العالى والواطى برمج كمبيوتر العربيه تانى وعمل تشك على كل الحساسات فعلا صيانه اول الف كيلووو مهمه جدااا وخصوصا لحد ما تعدى اول 10000 كيلو من غير مشاكل وبعد كدا لو عاوز تشوف شغل برا ممكن تعمل |
رد: نيسان صنى 2013
اولا الف مبروك علي العربيه وياريت تعملنا تقرير عنها ثانيا حضرتك هتعمل صيانة كل 5000 كيلو ومش لازم الحجز عادي انت بس روح بدري شويه عشان لو كان التوكيل زحمه ولا حاجه اهم حاجه خلي بالك من الزيت المستخدم وشوف هو هيتغير بعد قد ايه وياريت بعد كده تسيبك من توتال بتاع نيسان وتستخدم فالفولين او كاسترول وارشحلك فالفولين بس ده طبعا بعد التليين واهم حاجه خلي بالك من العربيه ومتمشيش بيها بسرعه عاليه يعني اخرك الميه ويستحسن تكون اقل من ال 80 كيلو لحد الالف كيلو الاولي عشان التليين وبلاش تشيل حموله دلوقتي او تقطر عربيات او تخلي الموتور يبذل مجهود كبير دلوقتي
|
| الساعة الآن 05:40 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017