ارجو الافاده بيجو 405 ولا فورد مونديو 98 ولا كيا سيفيا 2000
 

ياجماعه انا اول مشاركه ليه في المنتدى وبجد معجب بيه جدا انا معايا في حدود من 40 الف الى 45 الف وبفكر في الفورد مونديو موديل 98 وكيا سيفيا موديل 2000 وبيجو 405 موديل اواخر التسعينات وبصراحه دي اكتر عربيات انا مرتحلها ومش عاوز عربيه ضعيفه لاني نازل من بيجو 504 2000 سي سي عشان كده مش عاوز عربيه تندمني على البيجو وعشان كده برده حطيت البيجو 405 ياريت المقارنه تكون من ناحية توافر قطع الغيار والقوه وبرده من ناحية التوفير في البنزين وخصوصا في انواع بيجو ععشان في منها كربراتير وهاف انجكشن وانجكشن والفورد برده في منها 1600 سي سي و 1800 و 2000 بس بصراحه انا عبت من كتر التفكير ومش عارف اقرر
ارجووووووووو المساعده
مع تحياتي للجميع

رد: ارجو الافاده بيجو 405 ولا فورد مونديو 98 ولا كيا سيفيا 2000
 

40 من غير رد
انا محتاج اعرف بجد

رد: ارجو الافاده بيجو 405 ولا فورد مونديو 98 ولا كيا سيفيا 2000
 

بصراحة انا مش هقدر افيدك علشان انا معرفش اي معلومة عن العربيات دي
بس ممكن تفكر في الدايو لانوس عربية محترمة وقطع غيارها متوفرة وموفرة في البنزين وصاجها معقول جدا (مش قوي اوي ) او ممكن تفكر في شاهين مستعمل صاجها قوي وموفرة في البنزين برضه
وارجوا اني اكون افدتك SLAMSLAM

رد: ارجو الافاده بيجو 405 ولا فورد مونديو 98 ولا كيا سيفيا 2000
 

الدايو لانوس صاجها يعتمد عليه وحطها في الحسبان ...
البيجو 405 جميلة جدا وثابتة جدا بس مصاريفها كتير وموديلها قدم شوية
خليك في الانوس جميلة وقباتها جميل

رد: ارجو الافاده بيجو 405 ولا فورد مونديو 98 ولا كيا سيفيا 2000
 

انا بنصحك بكيا سفيا عربيه جميله جدا كل اللي انت اولته من شويه موجود فيها وبلفلوس الي معاك تقر تجيب كيا سفيا موديل 2001 مش 2000بس

رد: ارجو الافاده بيجو 405 ولا فورد مونديو 98 ولا كيا سيفيا 2000
 

الفورد مونديو عربية جميلة بس المشكلة في قطع الغيار .. الكيا سيفيا عربية حلوة بس انت طالع من عربية 2000 يعني لو ركبت ال1500 مش هتحس انك راكب عربية يبقي المقارنة هتبقى بين مونديو و 405

الفورد مونديو لو تعرف حد عنده قطع غيارها و ميكانيكية بيفهمو فيها يبقى عدت و هاتها
لو مفيش يبقي عندك بيجو 405 و البيجو عندك منه 3 طرازات :

اول واحد -- بيجو 405 gl - glx و هو موتور 1600 سي سي 8 صباب 1 كامه و كابرتير و يولد قوه قدرها 92 حصان و تصل الي 97 حصان بعد فتح التكهات نسبيا وده منه باوبشن و فاضي و نسبة استهلاكه للوقود 20 لتر في 180 كم

2 -- بيجو 405 sr و هو متوافر بموتور 1800 سي سي 8 صباب و 1 كامه و هاف انجكشن يولد قوه تصل الي 108 حصان و ده فول اوبشن نسبه استهلاكه للوقود 20 لتر في 160 كم

3 -- بيجو 405 برستيج و هو متوافر بموتور 2000 سي سي 8صباب و 1 كامه و انجكشن يولد قوه تصل الي 123 حصان فول اوبشن فتحة سقف و اوتوماتيك نسبة الاستهلاك 20 لتر في 175 كم

و دي شوية قطع غيار للبيجو
طقم الدبرياج 460 - اسطوانة وديسك وبلية 450 قاعدة الماتور 1000 - طقم البوجيهات الاصلى بوش 200 جنيه - وش الفانوس الامامى 75 جنيه - الاشارة 60 جنيه - فلتر الهواء ب 130 - فلتر بنزين اصلى 20 - كوبلن فرنساوى = 1100
ان شاء الله تلاقي عربية حالتها نضيفة لان دي اهم حاجة و ربنا يديك خيرها و يبعدك عن شرها

رد: ارجو الافاده بيجو 405 ولا فورد مونديو 98 ولا كيا سيفيا 2000
 

شكرا لمعلمات حضرتك وانا فكرت في اللانوس فعلا هي كويسه بس فضلت العربيات بيجو وفورد وسيفيا كارتياح نفسي