تقرير شراء نيسان صنى الشكل الجديد
السلام عليكم ورحمة الله وبركاتة
امبارح ابن خالتى اشترى الصنى الجديده وانا كنت معاه وهز بيشتريها اشترياها من اوتو سمير ريان اشترينا اللون الرمادى الغامق بما انى ركبت الصنى القديمه كتير وسوقتها كتير فيارب تكون مقارنتى بين العربيتين حيادية اولا العربيه شكلها جميل من بره وان كانت الكاوتشات تحسانها صغيره على العربيه شويه العربيه عالية عن الارض بشكل كافى " حوالى 15 سم ارتفاع " ماتورها 1500 والمفروض انهم عالجو مشكله استهلاك البنزين فى الصنى القديمة العزل جيد جدا وافضل من القديمة انوار العدادات ممتازه ولونها مريح للعين وممتعه بليل الفرش شكله شيك اكبر اختلاف ان العربيه بقت اطول بشكل كبييييييييير بدرجة انك لما ترجع كرسى السواق على الاخر اللى وراك رجله بتبقى حره الحركه ومش مزنوقه خااالص انما عرض الكنبه مزدش حاجه تقريبا فيه فتحات " مروحه " خلفيه بتسحب الهوا من قدام ترميه ورا فيها فوج لايت abs ebd ba 2 air bags كاوتش طاسات مقاس 15/185/65 اما العيوب اللى لاحظتها درج التابلوه ديييق ومينفعش تشيل فيه حاجه الكاسيت صوت سماعاته زباااااله وغير كدا الاريال بيركب فى السق وطوله حوالى متر وشكله زباااااله كانه توك توك تقفيلها فيه عيوب بسيطه زى كاوتش الابواب نوعه مش عالى الجوده وكذلك الدهان فى اماكن الحامات مش متفنش بنضافه جرايد السقف مهياش متثبته كويس ومتثبته بماده زى السليكون كدا لدرجة ان واحده اتفكت منهم الكاوتش للاسف maXx نوع سىء الحوض بتاع العربيه تقفيله معقول وان كانت القطع البلاستك ضعيفه ومش محمله الشنطه وسعها معقول يعنى متعتبرش واسعه بس مش ديقه العربيه لما سقناها صوتها هادى وان كان سير الكاتينة الجنزير له صوت بيبان وانت واقث لو ركزت الفتيس بينقل بمنتى الهدوء والسلاسه وتسارع العربيه جيد جدااا عداد الرحلات لذيذ وان كان مفيهوش غير عداد الرحلات واستهلاك البنزبن والمسافه اللى تقدر تقطعا بالموجود فى التانك التكيف ادائه جيد جدا كعاده نيسان المجمل العربيه صفقه ممتازه ورابحه بالنسبه لسعرها وانصح اى حد بيدور على عربيه عائليه واقتصادية وفيها عوامل امان انه يشتريها لانها فعلا افضل عربيه فى السعر دا منقوووول |
رد: تقرير شراء نيسان صنى الشكل الجديد
:140109~347::286:SLAM
|
رد: تقرير شراء نيسان صنى الشكل الجديد
اقتباس:
|
رد: تقرير شراء نيسان صنى الشكل الجديد
السلام عليكم ياريت تتابعنا بالتقارير عنها اول باول :01FDAB~189: والله المستعان |
رد: تقرير شراء نيسان صنى الشكل الجديد
الف مبروك ياباشا الاول وتانى حاجة بكام العربية والفئة الاولى ولا ايه اتوماتك ولا مانول وكمان ضمان بعدد سنين ولا كليومتر يا ريت يا باشا تشرح لينا الحاجات دى
|
رد: تقرير شراء نيسان صنى الشكل الجديد
اقتباس:
الف شكر يا باشا و زى ما انا كاتب الموضوع منقول و العربيه مش بتاعتى بالنسبه للاسعار الفول اوبشنز مانوال ب 94 الف الفول اوبشنز اوتوماتيك ب 99900 جنيه لكن المصريه بتبيع الاوتوماتيك ب 104 الف اى حاجه جديده هعرفها هبلغكم على طول تحياتى |
رد: تقرير شراء نيسان صنى الشكل الجديد
شكرا على المجهود و على الحيادية فى الحكم و التقييم
|
الساعة الآن 04:26 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017