أخيرا ركبت ساوند سيستم.
 

أولا السلام عليكم,,
يمكن ماليش مواضيع خالص هنا قبل كدا في القسم دا ما عدا مشاركتين كنت بسأل فيهم عن بعض الإستفسارات ومع إني برضوا ماحدش رد عليا بس لما الحمد لله ربنا كرمني بتجربة حبيت أتشارك فيها معاكوا.
أولا بدأ الموضوع بمكالمة تليفون من واحد صاحبي قالي إني زميله في الشغل كان عايز يبيع بازوكا 1200 واط جي بي إل طبعا أنا قولتله أنا راشق وش.
المهم مش عارف إزاي جالي مشوار في نفس اليوم تبع الشغل جنب شخل صاحبي الي كان لسة مكلمني من ساعة المهم بتصل بيه بقوله هيا الحاجة ينفع أعدي عليك ىخدها دلوقتي قالي آه هيا أصلا راكبة في عربيته.
المهم إشطة عديت عليه خدت البازوكا وحاسبت الواد وعلى فكرة ماعرفتش أسمعها لأنه كان لسة بايع ال جي إم قبليها بيوم أو إتنين.

خدت بعضي وكملت الشغل وبعد الشغل طلعت على واحد بتاع كماليات وإبتدينا بقى المدعكة.
أولا أنا عربيتي كرولا 2002 مافيهاش غير أربع سماعات في البيبان وكلهم سماعات مريضة ياعني.
إشتريت سماعتين كينوود 500 واط الواحدة قولت أركبهم ورى الكنبة فوق الشنطة علشان يظبطوا الصوت مع الووفر.
وقلبنا عنده في الجي إمات شوية لحد ما إستقرييت على جي إم كينوود 500 واط.
طبعا كل حاجة ماشية كويس ومافيش حاجة زعلتني إطلاقا غير حموريته في طريقة تقطيع الصاج الي ورى الكنبة وفق الشنطة علشان يفتح مكان للسماعتين بصراحة عك الدنيا خاااالص.
المهم شدينا مع بعض شوية وقالي والله هادريلك الدنيا خاالص ومش هتشوف الكلام دا كله إطلاقا.
ركبت السماعتين وظبطنا توصيلات الجي إم كاملة بما فيهم الفلتر وخدت الإنبوت بتاع الفلتر من الإن بتاع السماعتين بتوع البابين الخلفيين من القايمين تحت كل واحد بعد ماتفك الكافر البلاستك فيشة ماعرفشي هوا عرف منين إني دي بتاعت السماعة المهم خدت منهم للفلتر وحطيطه تحت الكنبة الي ورى وخدت من الفلتر للجي إم.
قفلنا الكنبة الي ورى ولما ركبت الفرش فوق الضهر وفيه غطيان السماعات فعلا المنظر اتدارى كتير بس طبعا أنا عارف فيه إيه من تحت بس قولت أهو الأمر مايسلمشي قدر ولطف والحمد لله على قد كدة.
وصلنا الجي إم وشبطنا الأسلاك للتست والحمد لله كله تمام والصوت آخر حلاااوة.
دلوقتي عندي سمعتين متوصلين على مخرجين ووفر متوصل على مخرج, والأربع سماعات الأوريجينال زي ماهما على الكاسيت على طول.
بيدايقني دلوقتي بعض الزنات كدة الي ماكنتش واخد بالي منها وبتظهر مع البيز بتاع الووفر عندي مثلا الإسبويلر الخلفي بيزن وعيدت تربيط عليه مش بيسكت.
لوحة النمر الخلفية بتزن برضو ومش لاقيلها حل.
كمان فيه صوت زنة في الطابلوه ومش لاقيلها حل.
كل عليقة وفواحة ودلاية معلقها في العربية شيلتها بسبب الرج والتخبيط.
الحمد لله على كل شيء كانت تجربة ونفسي فيها من زمان قوييييي وربنا كرمني بيها أخيرا والحمد لله.

رد: أخيرا ركبت ساوند سيستم.
 

السلام عليكم ورحمة الله وبركاته
الف مبروك وعقبالنا ههههه
شكرا على المعلومات والشرح
بس ياريت حضرتك تقول لنا العملية دى اتكلفت كام
راجع ضبط الصوت للنظام وخفف من البيز او عدد السماعات
يمكن الزنة تروح وياريت من له خبرة يفيد حضرتك
ودمتم بود وخير حال :Wkiss5:

رد: أخيرا ركبت ساوند سيستم.
 

رد: أخيرا ركبت ساوند سيستم.
 

مبروك ومتستخسرش في جودة الوصلات الهتركبهاوربنا يوفقك

رد: أخيرا ركبت ساوند سيستم.
 

رد: أخيرا ركبت ساوند سيستم.
 

يا ميت ألف أهلا والله نورتوني بردكوا بس هوا فيه مشكلة أنا فعلا كنت متوقعها وإني أول سؤال هتسئله عن الأسعار وفعلا ياجماعة أنا بعتذر جدا جدا أنا كنت فاكر إني هيبقى واضح من المعلومات تحت الإسم إني مقيم خارج مصر وعلشان كدة الأسعار هتبقى غير إسترشادية بالمرة.ممكن أفيدكم بشوية أسعار ولاكن بالدرهم الإماراتي والي هوا 1.6 جنيه مصري الي عايز يحول ويضرب.جوز سماعات كيين وود 500 واط توو واي بس وكمان صيني بـ 250 درهم,جوز سماعات جي بي إل 350 واط ثري واي بس مش فاكر الصناعة فين بصراحة بـ 200 درهم,جي بي إل بازوكا 1000 واط 100 أر إم إس بـ 300 درهم.جي بي إل بازوكا 1200 واط بـ 350 درهم.جي إم كيين وود 500 واط أربعة مخارج بـ 400 درهم والصناعة صيني بس صوته حلو على فكرة.جي إم JEC ستة مخرج 750 واط والصناعة كوري 480 درهم والميزة فيه عدد المخارج والصناعة بالنسبة لسعره مقارنتا بباقي الجي إم.كان فيه سوني إسبلود وبايونير وألبينا بس مش فاكر أسعارهم بس عموما أرخصهم كان السوني إكسبلود.عارف إني الأسعار كدة غير الي عندكوا خالص بس كان نفسي أفيدكم والله.

رد: أخيرا ركبت ساوند سيستم.