السير بدون دبرياج
 

رد: السير بدون دبرياج
 

الدبرياج عموما غلط انك تضغط عليه كتير ومتطغتش عليه غير في الحالات الاتية
1 لما تكون بتدور العربية لازم تكون ضاغط دبرياج
2 لما تبقى عايز تدي غيار لازم تضغط دبرياج
3 لما تكون داخل تقاطع او يوتيرن علشان تدي الغيار برحتك لو الغيار كان تقيل ع العربية
4 لما تكون هتفرمل مرة واحدة وفجاة تبقى اضغط دبرياج
واياك تستعمل الدبرياج في الحالات التالية
1 لما تكون نازل من مطلع كوبري مثلا متلمش الدبرياج لكن ممكن تمور العربية
2 لما تكون واقف في الزحمة وهتقف كتير اوعه تفضل ضاغط على الدبرياج مور العربية احسن
وتقبل تحياتي :GROWIN~12::GROWIN~12:

رد: السير بدون دبرياج
 

مع خالص تقديرى للرد السابق
بس انا ليه ملحوظه بخصوص ضروره الضغط على الدبرياج عند استعمال الفرامل (فجأه)
طبعا الواحد لازم يدوس دبرياج لما يستخدم الفرامل علشان العربيه ما تنطش منه و الموتور يطفى لكن ده عند الاستخدام المتوقع للفرمله( داخل على اشاره- بتركن -الخ)
لكن نصيحتى عند الفرامل الفجائيه و الى بيفرق فيها الجزء من وقوع حادث لا قدر الله او النجاه منه - انصح ان التركيز ما يكونش مشتت و ارزع رجلك اليمين على الفرامل و ان ربنا ينجيك من الحادث و العربيه تطفى منك احسن ما تلبس فى الى قدامك و برضه العربيه هتطفى منك بس غالبا لفتره طويله قوى
الكلام ده عن تجربه لان عاده الواحد واخد انه يدوس دبرياج للاخر و بعدين الفرامل و ده الى حيحصل لما يستخدم الفرامل فجأه حيضيع جزء من الثانيه فى استخدام الدبرياج اولا و الذهن حيتشتت بين الدواستين و لحظتها النص ثانيه بيفرق
عافانا الله جميعا و ابعد عنا الحوادث

رد: السير بدون دبرياج
 

اولا عن استفسارك عن كيفية المشي بدون دبرياج اذا الواير قطع
1:وضع الغيار علي 2
2:تأكد لايوجد احد امامك
3:قم بأدارة المحرك مع الدوس علي البنزين قليل
4:اعطي الانتظار وامشي علي مهلك
5:لاتجيب اخر سرعة غيار التاني
6:تجنب الزحمة
7:ازا حبيت ان تنقل السرعة الي الثالث سوف تفك الغيار ومن ثم
تضغط علي دواسة البنزين حتي يعلي الموتور قليلا لتوازن بين سرعة الموتور وسرعة الجير
8:انا لااحبز ان تغير الي الثالث طالما لايوجد عندك احساس توازن السرعة واثبت علي الغيار التاني حتي توصل بسلام
اما عن الفرامل المفاجأة:::::
فأنت من الطبيعي طول ما انت في وسط سكان خلي رجلك قريبة من الدبرياج جدااا
وخليك دائما متوقع خروج اي شيئ عليك
ساعتها سوف تتحرك قدماك اليمني وليسري مع بعض في وقت واحد

رد: السير بدون دبرياج
 

في حاله انقطاع سلك الدبرياج
تطفي العربيه و تنقل الغيار التاني و تدورها لحد ما تدور و انت دايس بنزين و تمشي
و بعدين لما تحب تنقل تقوم طافي العربيه و ناقل و راجع تاني مشغل العربيه
و هكذا كل ما تحب تنقل

رد: السير بدون دبرياج
 

الأستاذ حماده بيسأل ازاى يمشى من غير دبرياج لأنه بيعملها معاه كتير فى مناطق مافيهاش ميكانيكية ؟ يقوم الأستاذ شريف وجنينا يردوا على سؤال تانى خالص وهو أهمية الدبرياج ؟ ما علينا اليك الرد التالى : لما الأسطوانة تتاكل وتنعم خالص سحب العربيه ها يقل وصوت الموتور ها يعلى وما فيش سحب والا بقى ان كنت طالع كبرى والعربيه محمله ومعاك ناس (حموله) ها تبقى المشكله أكبر . بس هاتقدر تمشى بالعربيه اى مسافة وتروح للميكانيكى ومعاك أسطوانه جديده علشان يركبها .
لما سلك الدبرياج بيتقطع او العربية تجيب أسطوانه ( سوست الأسطوانه أنتهت مافيش ضغط من السوسته يعمل عملية القبض - من القابض - لأن ضغط القدم هنا بيعمل فصل والسوسته بتعمل قبض) فى الحاله دى بقا هى المشكله تعمل ايه ؟
بطل العربيه وعشق هات الأول وشغل المارش مع سنه صغيره بنزين العربيه ها تنط منك وها تمشى بعد مسايسه وبعدها النقل من الأول الى التانى ثم الثالث بدون دبرياج مش مشكله ها تحس بعضه شويه بس مافيش مشكله
او دور العربيه وزقها شويه او خلى حد يزقك لما العربيه تتحرك شويه ابدأ عشق وهات الأول ها يجى معاك طالما ان العربيه بتتحرك وبعدها التانى والثالث وهكذا
اما عند الوقوف (الفرامل) فأن النقل من من عند أى نقله الى المور مش مشكله ها تحس بعضه شويه بس مافيش مشكله.
طبعا لو فى وسط البلد وفى اشارات وزحمه والكلام ده أنسى الكلام ده خالص ودور على عربيه تقطرك لغاية أقرب ميكانيكى . الموضوع ده حصل معايا من عشر سنين وخدت العربيه من شاطئ النخيل الى شارع شامبليون بالأزاريطه وسط الأسكندريه بس ماكنتش البلد زحمه زى الأيام دى وبعتنا جبنا الأسطوانه من القاهره (بحسابه طبعا) ماكنش فى فالأسكندريه وعلى فكره كنت ممكن أجى بيها من الأسكندريه للقاهره أوفر

رد: السير بدون دبرياج