أين خرطوم الراجع فى هذه الصورة
 

يا جماعة. العربية ماتركس 2001

عاوز أخير زيت الباور عن طريق أنى أشفط الزيت الموجود فى خزان زيت الباور وأخلع الخرطوم الراجع للخزان وأفرغ الموجود فى الأنابيب وبعد غسيل خزان الباور أرجع أربط كل حاجة وأحط الزيت الجديد فى الخزان وأخرج الهواء. شفت كذا فيدوا وعارف الحكاية بتتعمل أزاى. ولكن عندى بعض التساؤلات...


1- أين خرطوم الراجع الموجود فى الصورة التالية. هذه صورة لسياراتى وخزان الزيت للباور على الشمال لونة أصفر..

http://s13.postimage.org/w41y2hnhz/image.png



2- هل إدارة الماتور بعد خلع خرطوم الراجع يؤدى إلى أضرر فى طرمبة زيت الباور ولهذا لا يجب إدارة السيارة نهائيا قبل ملئ خزان الزيت من جديد.

3- هل الزيت الموجود فى الأنابيب ينزل بمجرد توجيه خرطوم الراجع إلى أسفل بحكم الجاذبية أن هناك طريقة لإستخراج الزيت من كامل الأنابيب ومنظومة البور الداخلية؟

4- هل تدوير السيارة قبل بدأ عملية تفريغ الزيت يؤدى لان يكون الزيت فى حالة سائلة أكثر وبهذا يسهل إنزال الزيت كما هو الحال عند تغير زيت المحرك أم أن هذا ليس له علاقة؟؟

رد: أين خرطوم الراجع فى هذه الصورة
 

4:مش حتفرق اوي للدرجة
اما عن موضوع الموتور يدورة قبل تغير الزيت لايفضل
بل بالعكس لازم تسيب الموتور فترة قبل تغير الزيت لنزول كل الزيت الي الكرتيرة

رد: أين خرطوم الراجع فى هذه الصورة
 

سئوال مهم
عايز تغير زيت الباور ليه ؟
هل فيه شكوى ؟

رد: أين خرطوم الراجع فى هذه الصورة
 

لا شكوى ولا حاجة. كل الحكاية أنى لقيت زيت الباور ناقص على Min والحقيقة أنا جايب العربية من سنة ونص مستوردة من كوريا ومش عارف الراجل غير الزيوت أو الفلاتر او السيور أمته. فبدأت عمليه صيانة عن طريق تغير كل الزيوت والفلاتر والسيور.

والذى لفت نظرى لمنسوب الزيت أنى وجدت الدريكسيون مش ناعم زى الأولى فقد لاحظت أنه بدأء يثقل شوية بسيطة جدا أثناء السير ولما بمشى على أرض غير مستوية بحس أن يعنى طارة الدريكسيون زى ما تكون بتتأثر شوية يعنى بتلف شوية صغيرين شمال ويمين فى أيدى حسب حكم الطوبة اللى بتيجى عند العجل. فكشفت على الزيت لقيته منخفض فقلت هذا يكون السبب. جبت اليوم الزيت وقلت بدل ما نزود على زيت قديم نشفط القديم كله من منظومة البور ونحط جديد على نظافة....

على فكرة أنا جبت زيت موبيل 220 اليوم لتر 25 جنية صناعة مصرى. وكنت هبدأ اغير الزيت اليوم الجمعة... هل من نصيحة؟

رد: أين خرطوم الراجع فى هذه الصورة
 

لو منك عمرى ما حعمل كده
اولا معظم العربيات طبيعى الزيت يبقى على الـ min
فلازم الرجوع للكتالوج فى هذه النقطة لان فيه مستوى على البارد و مستوى على الساخن فالارجح ان المستوى عندك طبيعى غلط تزود
ثانيا الزيت اللى فيها برقبة اى زيت حتشتريه
ثالثا مفيش مشكلة عندك و اللى بتحسه طبيعى اثناء المشى على الطوب
لو مرسيدس زيرو حيحصل كده
رابعا طبيعى انه يتقل كل ما السرعة تزيد
خامسا كل اللى تعمله تراجع على ضغط كاوتش العجل كما هو موصى به فى الكتالوج
سادسا نصيحة لو لعبت فيها مش حترجع زيى الاول تغيير زيت الباور عملية معقدة و الزيت اللى فى مصر مش زيى اللى فيها صدقنى

رد: أين خرطوم الراجع فى هذه الصورة
 

شكرا على النصحية يا أستاذ أحمد.. الحقيقة حتى الزيت اللى جايبة مش بتاع الباور الزيت اللى جايبة بتاع فتيس أتوماتك ولكن قالوا لى أنه شغال مع الأثنين.

الحقيقة أنا فى كذا ميكانيكى قال لى الزيوت تتزود مش تتغير. ولكن اللى أعرفه أن الزيوت لها عمر إفتراضى ومن الإستخدام بيتغير خواصها. وكمان شفت على النت كذا واحد بيغير الزيت بتاع البور ويحتى بيغسلوا الخزان بتاع الزيت وبيكون فيه رواسب...

الحقيقة حضرتك هتخلينى أرجع خطوطين للوراء...

المهم دلوقتى عاوز أعرف حكاية الساخن والبارد دى بتاع البور.. أنا لما شفت الزيت بتاع البور كان قبل ما أدور السيارة وكان تحت علامة MIn ولكن مش شفته بعد ما رحت مشوارى... أعتقد أنه مفروض يكون بين min و علامة max

هو الدريكسيون مش تقيل قوى ولكن مش زى الأول الممانعة بتاعته زادت شوية على الرغم من إنها بنسبة بسيطة جدا ولكن لانى شفت مستوى الزيت قبل ما اطلع المشوار فعلقت فى دماغى الحكاية..

على العموم أشوف دليل المستخدم كدة علشان حكاية مستوى الزيت يكون فين وأفكر شوية... وطبعا الأعضاء المحترمين مش يبخلوا علينا برأيهم وخاصة أصحاب السيارات الجديدة. هل يتم تغير زيت البور فى أى من الصيانات التى تتم للسيارات الجديدة خلال فترة الضمان...

منتظر

رد: أين خرطوم الراجع فى هذه الصورة
 

انا اتاكدت من كتالوج اللانوس لقيت انه مبيتغيرش كاتبين فحص كل 10 الاف كم و اعد التعبئة اذا لزم الامر
ان شاء الله مش حيلزم الامر
ده غير ان بالتجربة العملية انا ماشى بيه 9 سنين و 235 الف كم بدون مشاكل
بنصحك تانى الزيت اللى فيها مش موجود زيه فى مصر
راجع ضغط العجل و ظبط الزوايا
و بعد الرجوع للكتالوج لو الزيت ناقص زوده بس بنفس المواصفة اللى فى الكتالوج