دواسة البنزين علقت
 

انهاردة وأنا سايق مرة واحدة لقيت دواسة البنزين علقت فطبعا دوست على الدبرياج فلقيت الموتور صوته على قوي و RPM وصلت لأخر العداد ثانيتين والدواسة رجعت تاني
المهم أنا بيتهيألي ان اللي حصل ده ان الدواسات اللي أنا حاططها كانت طالعة قدام قوي وهيا اللي منعت الدواسة انها ترجع وخليتها تعلق
سؤالي هل الموتور حصاه حاجة أو غلط عليه اللي حصل ده لما RPM وصلت لأخر العداد (فوق 70) رغم ان الكلام ده كان ثواني وأنا كنت دايس دبرياج ولا عادي يعني محصلش حاجة
معلش ياجماعة ياريت حد يرد عليا علشان أنا حاسس ان الموتور باظ
عربيتي رينو سانديرو عاملة 7000 كيلو
وشكرا

رد: دواسة البنزين علقت
 

طالما الحاله دلوقتى تمام

فلاتوجد مشكله

وخللى بالك مستقبلا

من تحرك الدواسه للأمام فى إتجاه البدالات

رد: دواسة البنزين علقت
 

متقلقش محصلش حاجه عادي
وابقي بص عالفرش المطاط اللي في الارض عشان لما بيتزحلق لقدام الدواسه بتتزنق

رد: دواسة البنزين علقت
 

رد: دواسة البنزين علقت
 

هى مشكله كبيره موضوع الدواسه بس مفيش عربيه مبتخلاش من عيوب وفى عربيات بيبقى فيها عيوب زى دى, الحل انك تروح التوكيل وهو حيظبطلك السلك المسئول عن الموضوع ده.

رد: دواسة البنزين علقت
 

ايه يا حماعة انتوا خليتوها مشكلة ليه الاخ بتاع الفيديو حاطت الدواسة الجلد تحت دواسة البنزين واللي عنده العربي حيعرف كويس ان فيه مكان غويط دواسة البنزين بتدخل فيه لما تدوس عليه للاخر فلما تحط الدواسة الجلد في المكان دا وتدوس لازم دواسة البنزين تتحاش في الدواسة الجلد وماترجعش تاني الا بعد فترة

واللي مش مصدقني يجرب - وعلي فكرة المكان تحت رجل السواق واسع جدا ايه اللي يخلي الاخ بتاع الفيديو يدخل الدواسة الجلد تحت الدواسات بالمنظر دا مع ان المكان واسع يعني لو شد الدواسة علي ورا عمرك ما حتشوفها في المكان اللي بيصور فيه دا

انا معايا اللوجان 2010 والسانديرو 2011 وعمرهم ما عملوا الحركة دي مع اني فصلت ماتورهم الاتنين اكتر من مرة

رد: دواسة البنزين علقت
 

ياجماعة العيب مش في العربية المشكلة في الفرش اللي طلع تحت الدواسات
أنا كان سؤالي عن الموتور وهل كده غلط لما يوصل لأخر RPM