الحمد لله جبت العربية . ماذا بعد؟
 

الحمد لله يا جماعة انا اشتريت العربية اخيرا . بس بصراحة انا ف موضوع العربيات ده زيرو هي حاليا عند الميكانيكي بيظبطها عشان انا جابياها مستعملة . المفروض بقه اعمل ايه بعد كده احافظ عليها ازاي و اغسلها كل اد ايه و اغير لها زيت امتي و ايه احسن نوع ليها . لو حبيت اشتري لها اكسسوارات و حاجات منين و ايه اهم حاجات لازم تبقي ف العربية معايا . يالا بقه فيدوني عشان انا محتاسة اخر حاجة

رد: الحمد لله جبت العربية . ماذا بعد؟
 

أولاً الف مبروك على العربية,

ثانياً: لما نجيب عربية مستعملة يستحسن تغيير الفلاتر : فلتر البنزين - فلتر الهواء - فلتر الزيت(مع تغيير الزيت).
تغيير طقم البوجيهات , الميكانيكى المفروض يبص على السيور (سير الكاتينة - سير الدينامو - سير التكييف ان وجد) لو فيه حاجة عايزة تتغير.
الكشف على اجزاء الفرامل (التيل - الطنابير - زيت الفرامل)
الكشف على العفشة و تربيطها ان لزم الامر عند عفشجى
الكشف على منسوب زيت باور الدريكسيون (ان وجد) و تزويده اذا لزم الامر.

ثالثاً : عشان تحافظى عليها كل اسبوع تكشفى على منسوب زيت الموتور كل اسبوع مع الكشف على منسوب مياه الردياتير و تزويدهم ان لزم الامر , و بالمرة تبصى على مستوى زيت الفرامل, و فحص ضغط الهواء فى الكاوتش عند بتاع كاوتشات.
كذلك يفضل تسخين العربية قبل التحرك بها فى الصباح لمدة دقيقتين مثلاً.

بالنسبة للغسيل يفضل مرة كل 3 اسابيع او شهر و تتغسل بمياه و صابون و يكون الغسيل فى الظل بعيد عن الشمس.

اما موضوع الزيت يا ريت حضرتك تقوللى نوع العربية و موديلها و ماشية كام كيلو عشان نقدر نحددلك افضل انواع زيوت و يتغير كل أد ايه.

اكسسوارات العربيات موجودة فى كل مكان , اشهر الاماكن شارع دمشق فى مصر الجديدة و سوق التوفيقية فى وسط البلد , و دلوقت محلات السوبر ماركت الكبيرة بقى فيها قسم مخصوص لاكسسوارات العربيات.

اهم حاجات تبقى معاكى فى العربية : كوريك , مفتاح او صليبة لمسامير العجل للظروف الطارئة, طفاية حريق, زجاجة مياه ردياتير احتياطى , فوطة للتنضيف , قفل للدريكسيون لحمايتها من السرقة الى حدٍ ما.

و اى استفسارات اخرى تحت امرك.

رد: الحمد لله جبت العربية . ماذا بعد؟
 

شكرا علي ردك. هي العربية فورد فييستا موديل 96. انا كنت عايزة اعرف ايه قفل الدركسيون ده ؟

رد: الحمد لله جبت العربية . ماذا بعد؟
 

مبروك عليكى
وربنا بحافظلك عليها

رد: الحمد لله جبت العربية . ماذا بعد؟
 

مليون مبروك وربنا يسعدك بيها ويديك خيرها ويكفيكى شرها:GROWIN~12::GROWIN~12 ::GROWIN~12::GROWIN~12::G ROWIN~12::GROWIN~12::GROW IN~12::GROWIN~12::GROWIN~ 12::GROWIN~12::GROWIN~12: :GROWIN~12:

رد: الحمد لله جبت العربية . ماذا بعد؟
 

العفو, الشكر لله ..

بالنسبة للزيت ما اقدرش احدد ايه احسن نوع للفورد فييستا عشان ما ركبتهاش قبل كدة , لكن لو هنتكلم على الزيوت المعدنية عموماً ارشحلك نوعين:
1- شل الجركن الاصفر shell hx5 و دة بيقعد 5000 كم تقريباً و سعره 120 جنيه.
2- التعاون الجركن الاصفر XPL-SL و دة بيقعد 5000 كم و دة اللى بستخدمه عندى فى (لانوس 2006) و سعره 95 جنيه.

قفل الدريكسيون عبارة عن عصاية بتطول و تقصر و فى اخرها حرف U زي عصاية الشمسية و ليها مفتاح, و دى وظيفتها انها ممكن تمسك الدريكسيون بالعرض فى حالة ترك السيارة لتصعيب سرقتها, و ممكن تمسك بيها الدريكسيون مع بدال الفرامل او الدبرياج .