|
الفتيس عندي بيعض وحركته صعبه جدا وبيترس احيانا
السلام عليكم ورحمة الله بركاته
الاخوة الاعزاء طبعا معظمكم عارف نوع عربيتي وطبعا هي الدبابه شيفروليه 2006 عامله 670.000 كيلو يعني قربت علي 700.000 لسه مشتريها مستعمله الصيانه الوحيده الي عملتها فيها من فترة قريبه اني ظبطت التاكيهات وغيرت بيضات المقصات بس غيرت زيت وفلاتر زيت والماتورهوا وجاز اني حاليا بتعلم السواقه عليها وبدات اتحسن وكل يوم مستوايا بيزيد في السواقه واتقدم بفضل صديقي مصطفي بارك الله فيه انا باركبها يوميا لمده 3 ساعات تمرين متواصل ومكثف واحيانا 4 ساعات لاحظت امن اول يوم اشتريتها ان فتيسها تقيل ومحكوم جدا وده شئ الميكانيكي قالي انه عادي ومع الوقت هيفك وقالي انه العربيه قبل ما تشتريها اتعملها صيانه كامله عمره ماتور وتظبيط فتيس من يومين لاحظت ان عصايه الفتيس تقيله ومبيتحركش بسهوله خالص وتقريبا بتقف في نص مشوار الغيار يعني العصايه مبتاخدش مشواره لحد ما يبات في مكانه الطبيعي او بالبلدي الفتيس بيعض لدرجة انه ترس اكتر من مرة وانا بنقل العصايه من الغيار الثالث للثاني عشان اهدي للملفات والمطبات واضطرت اني اخليها في المور عشان العصايه بحسها كانها علقت مكانها وتكررت اكتر من مره وانا بنقل علي الغيار الثالث طبيعي جدا من الثاني لثالث ملحوظه هامه وطلب كمان معلش دلوقت انا مغيرتش زيت الفتيس ولا الكرونه البعض نصحني اغيرهم لو تنصحوني اغيرهم ممكن ترشحولي ايه نوع الزيت الافضل الي اغير بيه زيت الفتيس وزيت الكرونه ولو غيرت الزيوت دي هل الوضع هيتحسن ولا لا ول في نصيحة تنصحوني بيها تاني تكرموا وقولها |
رد: الفتيس عندي بيعض وحركته صعبه جدا وبيترس احيانا
مساء الخير يا استاذ سلامة
مشكلتك فى كلمتين اتنين بطل العربية وجرب كل الغيارات بما فيهم النقلة الخلفية حاجة من اتنين لقيت كل الغياارات بتيجى مرتاحة وسلسة يبقى المشكلة عندك فى رجلاش الدبرياج صمولة بيتربط عليها لفتين تلاتة بخمسة جنية عند الميكانيكى وخلاص على كدة اما لو ان النقلات بتيجى بصعوبة يبقى اول حاجة نفكر فيها نغير زيت الفتيس وربنا يسهل وبامر الله هاتكون رجلاش مش اكتر وفين يا باشا فاصل الجاز اللى اتفقنا علية .......لو بتعملة مش هاتشتكى من الموضوع دة خالص بس انا عازرك ان يمكن لسة رجلك ما اخدتش على العربية شوية ربنا يكرمك |
رد: الفتيس عندي بيعض وحركته صعبه جدا وبيترس احيانا
اقتباس:
ان شاء الله بالتدريج وبتوجيهاتكم هاكون ذي الفل[/COLOR] ولو شايف المسئلة محتاجة تغيير زيت فتيس تنصحني بأي نوع انت شايفه مناسب وبارك الله فيك واكثر من امثالك |
رد: الفتيس عندي بيعض وحركته صعبه جدا وبيترس احيانا
مرحب بيك اخي سلامة مرة اخري
يا ريت تراجع علي وصلات الدبرياج احتمال تكون مبوشة دة لو هيا واقفة ولسة بتعض اما لو الموتور داير وبتعض يبئي ظبط مشوار الدبرياج :fun_36_1_30[1]:وخلي بالك لازم في اول دواسة الدبرياج يكون بدون فعل اي مشوار فاضي حوالي 25مليمتر |
رد: الفتيس عندي بيعض وحركته صعبه جدا وبيترس احيانا
اقتباس:
ولا حضرتك تقصد اية اللى مبوش ؟؟؟؟ |
رد: الفتيس عندي بيعض وحركته صعبه جدا وبيترس احيانا
http://www.masr1.com/?dm=WRH6
مرحبا بيك اخي mr_astra:12A96E~160: انا قصدي علي الي في الصورة المشار الية بالسهم اسفل الفلانشة:THUMBS~220: انا اعلم انها دفع خلفي وليس جر امامي444546 امال اية الي يخلي العصاية فيها ليونة من الامام الي الخلف الي الامام الي الخلف هل العصاية وعمود التوزيع قطعة واحدة؟؟ايه ياترى |
رد: الفتيس عندي بيعض وحركته صعبه جدا وبيترس احيانا
ايوة يا استاذ عمرو فهمت حضرتك
تقصد ان البيضة ممكن تكون متاكلة وعاوزة تتعملها واحدة جديدة؟ كلام مظبوط طبعا وبالمرة لو هايغير او هايعملها عمولة نغير حشو عصايا الفتيس بالمرة |
| الساعة الآن 01:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017