|
عايز تزود كفاءة التكييف؟؟؟
في ناس كتير بتشتكي في الصيف إن التكييف شغال بس مش عامل حاجة، والعربية لسه حر
معظم الناس دي بتبقى عربياتهم قديمة... أو على الأقل اتعمل فيها شغل عند سمكري أو يمكن كهربائي طب ليه كده؟؟؟ أهم حاجة عشان كفاءة التبريد تبقى كويسة إنك تعزل الصالون عن الجو الخارجي كويس، وده عن طريق إنك تمنع الهوا الخارجي يدخل الصالون من الأبواب طيب ماحنا بنقفل الإزاز... عايز إيه تاني؟؟؟ أنا أقولك.... أولا: لازم تتأكد من سلامة الكاوتش حوالين الباب، وإنها قافلة كل الثغرات كويس... ومافيها حاجة مشققة ثانيا: وده الأهم.... الكسوة الداخلية للأبواب... تحتها في طبقة عازلة للصوت والحرارة... ممكن تبقى فوم أو لباد أو حتى مشمع... الطبقة دي هي أهم جزء في الباب، وهي للأسف مخفية تحت الكسوة الداخلية زي اللي في الصور دي http://1.2.3.4/bmi/www.photo-banking...assat-door.jpg http://t1.gstatic.com/images?q=tbn:A...LHra_RI1VcMTAm http://t1.gstatic.com/images?q=tbn:A...YGpkiVY5F_QwlQ http://t1.gstatic.com/images?q=tbn:A...xPWVTqFcT0RuTg لازم تتأكد إن المادة العازلة دي موجودة وقافلة كل الفتحات كويس الموضوع ده بيفرق بشكل كبير جدا... وعن تجربة أنا كان عندي عربية تويوتا كريسيدا، وأبوابها كانت بتدخل صهد وانا مسافر... عشان كل المشمع العازل في الأبواب كان مش موجود (بعد كذا عمرة سمكرة طبعا) في يوم كده اتحمست واشتريت مشمع وسيليكون اسود (زي بتاع الفبريكة)، وخلعت الكسوة الداخلية للأبواب .. وبعدين قصيت المشمع على قد الكسوة.. قدام وورا وبعد كده نزلت ولزقت المشمع بالسيليكون (طبعا عملت حساب فتحة أكرة الباب والإزاز بس)، وبعدين ركبت الكسوة الداخلية أول حاجة لاحظتها... صوت قفل الباب اتغير تاني حاجة... العربية ما بقيتش فرن زي الأول تالت حاجة... التكييف بقى عامل فرق جامد للأسف ... معظم الصنايعية في مصر بيقابلوا حاجات في العربية بيعتبروها زيادات مالهاش لازمة (غالبا حتلاقيهم بيقولوا: هما حطين الحاجات دي عشان الشكل بس) إنما الحاجات دي هي اللي بتعمل فرق في الأداء وبتطول عمر العربية لو عايز تزود العزل في الكابينة أكتر... حط مادة عازلة في الأرضية والسقف... زي كده http://t1.gstatic.com/images?q=tbn:A...EFsliMEOqSZYor ... |
رد: عايز تزود كفاءة التكييف؟؟؟
موضوع جميل تسلم ايدك يا باشا بس سؤال اسم المادة العازلة للارضية والسقف
|
رد: عايز تزود كفاءة التكييف؟؟؟
اقتباس:
وكله بيتباع بالمتر... بس بصراحة ماعرفش سعره حاليا |
رد: عايز تزود كفاءة التكييف؟؟؟
تسلم ,بلفعل موضوع جميل ومعلومات مفيدة:fun_36_3_11[1]::fun_36_3_11[1]::fun_36_3_11[1]:
|
رد: عايز تزود كفاءة التكييف؟؟؟
اخى الكريم
:Bravo: المشمع والسليكون الاسود منين وبكام والاسم والنوع لو تكرمت |
رد: عايز تزود كفاءة التكييف؟؟؟
أي نوع مشمع ممكن يشتغل... حتى لو من بتاع الأرضيات اللي النقاشين بيفرشوه لما يشتغلوا
المشمع الأصلي بتاع العربية كان يشبه الأكياس البلاستيك التقيلة... لو عندك أكياس كبيرة من بتاعة كارفور مثلا ممكن تقصها وتركبها. في محلات مخصوصة بتبيع المشمع ومستلزمات المنجدين والسروجية، متهيألي المتر في حدود 5 -10 جنيه حسب النوع على فكرة... مش حتحتاج أكتر من 2 متر، لإن المتر الطولي فيه حوالي 1.5 عرض والسيليكون الأسود موجود عن بتوع الحدايد والبويات وسعر الأنبوبة حوالي 7 جنيه (مش متأكد).... خلي بالك السيليكون ده مش بينشف بسرعة، فاعمل حسابك على شوية لحوسه :) بس أهم حاجة تتأكد إن كل الفتحات اللي في الباب اتقفلت ... |
رد: عايز تزود كفاءة التكييف؟؟؟
:010104~171: :CONGRA~238:
|
| الساعة الآن 02:16 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017