|
رأيي الشخصي -الميني فان هوجه لن يكتب لها النجاح
هوجة جديدة ،، اجتاحت السوق المصري ،، أو التوكيلات المصرية ،، هوجه الميني فان ،، و كل وكيل تصفح المواقع الالكترونية لشركته يبحث عن اي سيارة يستطيع تقديمها للمستهلك المصري المهم يبقي عنده ميني فان طبعا السبب الرئيسي الاعجوبة ماتريكس http://www.hyundai.co.uk/a/img/newCa..._car_image.jpg سيارة احضرها الي مصر العبقري عمرو الاسكندراني فئة جديدة لم تكن معتادة من الشعب المصري عاشق السيدان MPV شكل غريب غير معتاد و لكن حدثت المعجزة بدون تفسير منطقي و البطة القبيحة فقست و حلقت بدون وسام انتشرت انتشار النار في الهشيم ( حلوة الحته دي ) كشكل – امكانيات – أداء ،،،،،،،،،،،،،،،،،،،،،،،، كلها جوانب سلبيه او عادية في حقها لكن يشفع لها العملية ، مساحات التخزين المتنوعه ( حتي ترابيزة الشاي المنطبقه في الكنبة الخلفية ) علو السيارة مناسب لكبار السن و الخطوط الحادة التي توحي للمستهلك المصري بقوة الهيكل و إمضاء المصمم الإيطالي الشهير علي جانبها و انتبهت التوكيلات الاخري بطيئة التفكير ان المستهلك المصري اصبح اكثر قابلية لتغيير الفكر و ظهر أقوي منافس ، من توكيل خليجي مملوء بالفلوس و محترف و لا يبخل علي دعاية و اعلان و بعلامة تجارية يابانية ليست قوية و لكنها تنتمي للجزيرة اليابانية علي اي حال دايهاتسو ماتيريا http://www.babez.de/daihatsu/materia...eria-titel.jpg كانت المنافسه حادة و علي ما أظن خفض غبور سعر الماتريكس وقتها ليتغلب علي المنافس الجديد و لكن باءت السيارة بالفشل الذريع لم يتقبل المستهلك المصري شكلها الحداثي رغم انه من الصعب الإعجاب بشكل اي سيارة ميني فان و لكن الماتيريا بالغت في القبح بشكل صندوقي مبالغ فيه جعلها اشبه سيارة تكريم الانسان و اضاع فرصتها في النجاح بالرغم من مميزاتها العديدة من وسع و تكنولوجا يابانية و عوامل امان و ظهر منافس اخر بعلامة اكثر بريقا علامة شركة السيارات الاولي في العالم و بكرم حاتمي يشمل سبعة ركاب بدلا من خمسة تويوتا أفانزا ،، http://cdn.24.com/files/Cms/General/...5b9780d08a.jpg و لكن سرعان ما أدرك المستهلك المصري ان السيارة لا تحمل من تويوتا غير الشعار و لكن السيارة اندونيسية التصميم و التصنيع و لم تشفع لها العلامة ،، و فشلت هيا الاخري او حققت انتشار بسيط مثل سابقاتها الاخري ماتيريا و لكن بدون ضجة حيث ان توكيلها غير مهتم بها اساسا بالإضافة ان شكلها ميكروباص رسمي أكثر منه سيارة ميني فان تصلح لعائلة صغيرة و ظهر منافس اخر ،، و لكنه كان دون المستوي ايضا رينو لوجان ،، http://images.businessweek.com/ss/07...s/image/17.jpg و ايضا بكرم حاتمي سبعه راكب و بخامات تابلوه لا علاقة لها باوربا و بشكل سبعيني او بالمجاملة ثمانيني و علامة ذات سمعة سيئة ( رينو تصنيع داتشيا ) عند المستهلك المصري هذا غير فولكس سوران البرازيلية ، سوزوكي اس اكس فور ، و بعض الافتكاسات الصينية بالاضافة لبعض السيارات عالية الثمن ،، و ظهرت سيارة اخري متميزة جدا سكودا رومستر http://carweb.spiritcms.eu/storage/s...r_ScoutU01.jpg سكودا كتوكيل و كعلامة تجارية سمعتها ممتازة في مصر شكلها دي اذواق ،، بس عموما كل سيارات الفئة دي شكلها مش عاطفي و سعرها ممتاز بالنسبة لاسعار السيارات في مصر و بالنسبة لامكانياتها سعرها انخفض بشدة بحيث اصبحت النسخة المانيوال ارخص من الماتريكس و الاتوماتيك سعرها 116 الف و برده محققتشي نجاح يذكر رغم ان بالعلامة دي و بالمواصفات دي و بالسعر ده ،، المفروض تكسر الدنيا و بعدين توكيل كيا ،، دور برده في اوراقه و جاب الكيا كارينز http://www.channel4.com/4car/media/K...rens-f3q-s.jpg و لسه هانشوف هتعمل ايه هيا كمان ،، و اللي أنا عايز اقوله ،، ان الهوجه دي مش هتلاقي نجاح يذكر في السوق المصري و ان تجربة الماتريكس غير قابله للتكرار ليه ،،،،،، أولا المستهلك المصري مش غاوي اساسا MPV الماتريكس كانت حالة خاصة مش عشان MPV في وجهة نظري كل الحكاية انها كانت مرحلة سعرية متوسطة ما بين الفيرنا- الاكسنت و الالنترا لهواة الهيونداي و بعدين الخيط كر دلوقتي سعرها قريب جدا من الالنترا و انا شايف ان الاتجاه بقه للالنترا لحداثتها و لفرق السعر البسيط بينها و بين الماتريكس و لو تلاحظوا الشكل الجديد للماتريكس انتشاره ضعيف جدا جدا ،،، و عشان كده بقول ان تجربة الماتريكس حالة خاصة غير قابله للتكرار ضربة حظ و توفيق في التسعير لو سألت أي حد معاه ماتريكس جبتها ليها هيقولك احسن من الفيرنا او الاكسنت و كان فرق السعر ما بينهم بسيط و ارخص من الالنترا دلوقتي بقه فيه اختيارات سيدان ( الطلب الرئيسي للمستهلك المصري ) ممتازة و بتحوم حوالين الفئة السعرية للسيارات الميني فان تاني حاجة تجيب ميني فان ليه ؟؟ اولا شنطتهم عادية جدا ،، معظمهم بياخد خمسة راكب عادي ،، و حتي لو سبعة راكب محدهشي بيجيب عربية يشغلها بالنفر و كمان بتضحي بالراحة و الأداء من غير مقابل سوي علو السقف و راحة الدخول و الخروج و الاحساس الكاذب بوسع غير حقيقي ، حتي علو القعده ده ناس كتير مبتحبهوش ده غير الشكل العجيب ،، اللي مش برستيج زي السيدان لمعظم الناس الماتريكس ................ كشك الماتيريا ................... سيارة تكريم الانسان الرومستر ................ عربية توزيع اللبن الافانزا .................... ميكروباص و مبيتجملشي حتي لكن عموما ،، اي اختيارات جديدة تكون متاحة للمستهلك المصري ،، بتثري السوق ،، بس الهوجة دي مش هتسفر عن حاجة ،، و نجاح الماتريكس ....................... غير قابل للتكرار |
رد: ** رأيي الشخصي -الميني فان هوجه لن يكتب لها النجاح **
سيارات المينى فان لها شعبية هائلة فى أوروبا و الولايات المتحدة,
لكن السائق المصرى له ذوقه الخاص, و السيدان هى السيارة المفضلة بالنسبة اليه, لأنها تجمع الحد الادنى من كل شىء تقريبا, الأداء و الوسع و الراحة و الشكل الجميل, بالاضافة الى انها تمثل أعلى برستيج ممكن الوصول اليه, فهى تتشابه مع السيارات الفارهة فى الشكل و المفهوم. و كما يحب الاوروبيين الهاتشباك, و الأمريكيين الSUV و البيك أب, فان المصريين يحبون السيدان. و أعتقد انو السبب هو السمعة الجيدة لسيارات السيدان هنا فى مصر, من المرسيدس الخنزيرة و البيجو 504 و الفيات 131, تماما مثلما حولت الرينو 6 و الجولف الأوروبيين الى الهاتشباك. |
رد: ** رأيي الشخصي -الميني فان هوجه لن يكتب لها النجاح **
بدايه احب اشكرك علي الاستطلاع الرائع يا احمد باشا
بجد موضوع بسيط و مفهوم و بيخاطب العقل نقدر نقول كده السهل الممتنع. ......................... . ندخل في الموضوع بقي الماتريكس فعلا طفره مش حتتكرر تاني علي الاقل في السنتين تلاته الجايين لحد ما تمن الاوربي ينزل شويه علشان الجمارك و فيات و بيجو تنزل موديلات تنفع مصر اقتباس:
اقتباس:
بينن فارينا هو اوجد مساحات التخزين رائعه و جعل السياره اكثر عملانيا و الاسباب دي جعلت كبار السن و الصغار يستقبلوها بصدر رحب و دا ذكاء من الكوريين في حد ذاته انهم اتفقوا مع بينن فارينا لتصميم تلك السياره الرائع. و انا بنفسي لاحظت الموضوع دا خالي معاه كورولا 2007 و كان محتاج يجيب عربيه تانيه جاب اوبل فيكترا 2002 و ما عجبتوش قام بايعها و جاب ماتريكس 2008 كسر زيرو دلوقتي بقاله اكتر من شهرين مش بيركب الكورولا نهائي!!! و معجب جدا بيها لنفس الاسباب رغم اعجابه الشديد بالكورولا علشان عفشتها ناعمه و بتستحمل بس. |
رد: ** رأيي الشخصي -الميني فان هوجه لن يكتب لها النجاح **
اتفق معاك تماماً يا احمد
الماتركيس منجحتش فى مصر علشان هيا MPV او سيارة متعددة المهام الماتريكس نجحت فى مصر علشان الناس تصورت انها SUV بعد تركيب الديفندرات ال MPV ناجحة بره علشان الناس ديه بتاخد اجازة يومين فى الاسبوع والخميس نص يوم ومينفعش تقضى يوم الاحد فى البيت لازم الويك اند تاخد العيلة وتقضية بره المدينة مين عندنا بيعمل كده والشريحة اللى بتعمل كده بتدور على SUV لانها بتجمع بين الاداء والمظهر والعملانية لكن MPV فى مصر ليس لها الا نصيب عميل الاستيشن القديم حد عايز عربية لاستخدام اسره واستخدام تجارى فى نفس الوقت وضيف للقائمة الكادى ليف بتاعة فولكس برضو بس عامة التنوع ظاهرة صحية فى السوق المصرى وياريت يرجع الاهتمام بالستيشن تانى |
رد: ** رأيي الشخصي -الميني فان هوجه لن يكتب لها النجاح **
great point of view
wana m3ak bardo nefsy 2a3raf el nas elly beteshtery mini mbv aw station byshteroha laih! thanx Ahmed Anwer great topic |
رد: ** رأيي الشخصي -الميني فان هوجه لن يكتب لها النجاح **
حلو اوي الموضوع و معروض بصورة شيقة
و انا معاك..انا عن نفسي احب السيدان..و ممكن افكر في الهاتشباك علي استحياء انما ال ميني فان مش ممكن طبعا كل واحد له فكره..بس دي منتشرة اوي بين المصريين..السيدان اولا |
رد: ** رأيي الشخصي -الميني فان هوجه لن يكتب لها النجاح **
موضوع رائع يا احمد باشا ... و اقدر اقول ان وجه نظرك تتفق عليها الاغلبيه ...
بس احب اضيف وجهه نظري بأعتباري احد ملاك ال MPV مبدئيا بخصوص الماتريكس فأنا متفق معاك تماما ان سبب شراها الاساسي اول ما نزلت كان نقطتين :- 1- السعر المنافس جدا في السوق ساعتها ( كانت ارخص من النيو اكسنت مش من الالنترا بس ) 2- البعض كان بيبص لها على انها 4×4 صغيره ... ويركب دفندرات و يبقى كده راكب 4×4 و الدليل ان النهارده الماتريكس الجديده بقت قليله جدا قصاد الاقبال القوي على الالنترا ( فرق 3000 جنيه ) و كمان الاكسنت ابتدت تنتشر عنها ( لأنها ارخص - 77 الف للأكسنت مقابل 90 الف للماتريكس ) انا عن نفسي لما اشتريت الماتريكس اوتو كانت ب 84 الف في 2007 ... وفكرت في الالنترا ... موتور اقوى و احدث .. تصميم احدث ... شنطه اكبر .. برسيتج اكتر .. و 15 الف جنيه زياده في السعر !!!! و تحجز و تستنى دورك ... لو كان الفرق زي دلوقتي كنت جبت الالنترا .. لكن مش هي دي بس الاسباب اللي تخلي الناس تشتري الماتريكس ... او التفكير في عربيه MPV ... MPV معناها Multi Purpose Vehicle ... او عربيه متعدده المهام .. ودي حقيقه فعلا ... انا سافرت شرم الشيخ رايح جاي بالماتريكس ... وكنت مستريح جدا بسبب طبيعه الجلوس المرتفعه ... لا ضهري و لا رجلي و جعوني زي اي عربيه سيدان .. وبالتالي فال MPV مريحه عن السيدان سواء في الجلوس او راحه القياده ... تقدر تشيل فيها نوعيه من الكارجو متقدرش اي عربيه سيدان عاديه تشيلها .. شلت فيها غساله اطباق من الحجم الكبير ... كأنها بقت عربيه ربع نقل ... بتنفعني في شغلي زي ما بتنفعني في بيتي زي ما بتنفعني مع اولادي ... يعني من الاخر عربيه عمليه جدا و فيها تنوع في امكانيات الاستخدام متقدرش عليه اي عربيه سيدان ( ده رأيي الشخصي من واقع التجربه ... ) الشكل طبعا صندوقي الابعاد .. لكن الاداء و الامكانيات متوفره ... الموتور هو موتور الفيرنا و الالنترا 2006 .. والاوبشنز اوبشنز غبور اللي في اي عربيه هيونداي ... لكن التفوق الحقيقي في العملانيه .. وفي تصميم بينن فارينا الذكي داخليا ptmnlo123per154 مع انه خارجيا تصميم غير عاطفي بالمره ..لكن دي طبيعه اي MPV للأسف .... كشك ptmnlo123per172 طبعا مفيش متعه قياده السيدان او الهاتشباك ... مفيش الاحساس بالاقتراب من الطريق و امكانيه المناوره .. لكن المعادله بتحقق الراحه و الهدوء على حساب متعه الاداء ... سبب تاني ان النهارده مفهوم العربيه التانيه للاسره انتشر جدا عن الاول ... فوارد جدا ان اللي يفكر في عربيه تانيه يفكر في مفهوم مختلف عن السيدان ... خصوصا لو كانت عربيه الزوجه .... بقى الاتجاه انها تكون عربيه عائليه مريحه في سواقتها و قاعدتها ...سلسه وسهله في قيادتها في المقام الاول ... مستوى رؤيه مرتفع يكشف الطريق و ابعاد مضغوطه نقاط فوق الحروف :- صعب جدا تلاقي شاب في العشرين راكب ماتريكس و ان كان اغلب اللي راكبين ماتيريا هما الشباب !! اغلب ملاك الماتريكس .. الزوجه كعربه ثانيه ... كبار السن فوق الاربعين ... السياره الوحيده لعائله من زوجين و اطفال صغيره في السن ... اغلب ملاك الافانزا .. عائلات كبيره الحجم 3 اطفال او اكثر .. مع وجود جد او جده ... الرومستر - فين لما اشوفها ... السوران الناس بتهرب من الوكيل و انها صيني و تقنيه قديمه .. لكنها موجوده ... اللوجان مش mpv الكارينز لسه نازله ... لكن اتوقع لها استلام الشعله لأنها ميني فان و ليست MPV صغيره .. و بالتالي هي اكبر من الماتريكس و الماتيريا .. و يعتبر سعرها منطقي اعتقد ان شعله الماتريكس انطفأت بسبب التسعير الخاطئ ... ولم تشتعل للماتيريا او الافانزا نار حتى تخبو ... أعتقد ان ال MPV مش مجرد موضه وخصوصا ال ميني فان (الحجم الاكبر ) ... لكن احنا بنقيس العربيه بشكلها و حجمها .... وده اللي يخليني اقتنع ان الكارينز حيكون ليها حصه محترمه من السوق .. خصوصا انها مش من نمط الماتريكس و الماتيريا و لكنها اقرب للرينو سينيك و السيتروين بيكاسو .. مع فارق السعر هي اكيد مش حتطغي على السيدان ... ابدا ... لكن حنحس بانتشارها زي ما كانت الماتريكس من 3 سنين .... السوق بقى اكثر استيعابا لأنماط مختلفه ... و التنوع في العقليات و الثقافات اصبح سبب في تنوع فئات العربيات في مصر ... لكن عموما العقليه المصريه مازالت تقليديه ... وتبقى الغلبه للسيدان ... ويبقى مفهوم السعر ... مقابل .... الحجم ptmnlo123per160 |
| الساعة الآن 02:45 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017