مش عارف اجيب ايه ويريحني في حدود من 40000 الي 50000 ... بس اي حاجة غير الفيرنا والهينونداي لاني بكرهها
 

اولا: احب اشكر كل عضو في المنتدي الرائع دا لانكم كلكم علي اخلاق عالية ...
ثانيا : انا عاوز اجيب عربية استعمال لان وجهة نظري ان العربية الاستعمال في حالة بيعها مبخسرش كتير لان تمنها تقريبا متقارب ان مكنش يزيد مع بعض التعديلات البسيطة ...
ثالثا : دي هتبقي اول عربية اشتريها فمش عارف اجيب ايه ويريحني في حدود من 40000 الي 50000 ... بس اي حاجة غير الفيرنا والهينونداي لاني بكرهها ... فكرت بالكرستالة والسيفيك والاسترا والنوبيرا واللانوس بس انا محتار جدا عاوز عربية تريحني بعد كدا وتستحملني فيا ريت كل واحد يقولي هو ينصحني بايه عربية حلوة وموديل قريب وياريت يقولي نصيحتو بناء عن ايه ...؟ وشكرا ليكو واسف للاطالة...

رد: طلب ارجو الاهتمام به
 

رد: طلب ارجو الاهتمام به
 

الكريستالة عربية جميلة لكن مشكلتها انها موديل هابط لكنها مع ذلك عربية جميلة مريحة ثابتة قطع غيارها رخيصة ومتوفرة
الاسترا الاوبل عامة قطع غياره غالية
السيقيك اعتقد انها هتكون نفس الكريستالة ان لم تكن قطع غيارها اغلى
يبقى الان المقارنة بين النوبيرا ولانوس
لانوس بتتحرك فى السوق عن النوبيرا بالاضافة الى انها بتوفر فى البنزين عن نوبيرا
وقطع غيارها متوفرة ورخيصة مريحة فى السفر عالية نوعا ما عن الارض طالما مش بتحمل ورا والمشكلة دى ممكن تفاديها بتركيب علايات دون التاثير على العفشة
اعطالها بسيطة ده غير الموديل العالى يعنى ممكن تجيب ب 50 الف حاجة فوق 2006
وعن تجربة لانوس عامة عربية جميلة مناسبة لكونها اول عربية وكمان وشها حلو
ومبروك مقدما

رد: طلب ارجو الاهتمام به
 

انا متشكر جدااااا ولكن انا عاوز اتناقش ان مكنش يضايقكو ... انا وجهة نظري بالنسبة للاوبل ان قطع غيارها غالية بس معمرة يعني العربية الي هجبلها حاجة كل سنة مرة هجيبها للاوبل كل تلات سنين فلو حسبتها هتلاقيها رخيصة مش غالية ..
الهوندا بقي كل مسأل علي هوندا سيفيك موديل 1999 الاقي الي يطلب 70000 والي يطلب 65000 وارخص حاجة لقيتها 45000 منطقة حرة بورسعيد فمش عارف هي غالية كدا ليه وانا مش عاوز انزل بالموديل عن كدا ...
الكريستالة انا مرتحلها جدا لان شكلها شبابي وعربية بتعيش وثابتة علي الطريق بس عيبها انها 1300 سي سي وواطية علي الارض ...
النوبيرا ثابتة علي الطريق وواسعة وجميلة جدا بس بيعيبولي علي العفشة بتاعتها وسمعت ان هي ممكن تقف مرة واحدة في نص الطريق من غير سبب ...
الانوس ثابتة علي الطريق نسبيا ومريحة وسريعة وكمان موديلها عالي وقطع غيارها متوفرة ورخيصة بس مش عارف مش مرتحلها اوي حاططها اخر اهتماماتي
_________________________ __________
عموما انا محصرتش العربيات دي بس انا الصراحة الي عجباني التيجو بس غالية عن السعر الي حطيتو فياريت تحطو نفسكو معايا لاني محامي والعربية الي هجيبها هتتمرمط معايا سفر ومشاوير فعاوز حاجة تستحملني

رد: طلب ارجو الاهتمام به
 

مفيش زيرو اقل من 70 الف FLASHCar

رد: طلب ارجو الاهتمام به
 

الفاو والجريت وول فيها موديلات كويسة وأسعار كويسة لو عاوز زيرو
أكسنت او لانوس بتستحمل السفر وموفرة
السيفيك اللى حضرتك قولت عليها عموما بيحطوا عليها مواتير جامدة
هتلاقى اغلب اللى معاه علشان بيشد بيها ويجرى
وبعدين عفشتها غالية جدا وابعد عنها مقالبها كتيييير واسال مجرب
إلا بقى لو تعرف واحد يكون حبيبك اوى فى الحرفيين او بورسعيد هيجيبلك من الآخر حاجتها وكمان بأرخص الأسعار وسعر اللى حضرتك بتقول عليها 50 الف
لو فبريكة جوا وبرة نظافة ( دى وجهة نظرى وعموما السيفيك بحترمها جدا جدا وبحبها جدا جدا )
النترا 2006
لوجان زيرو او كسر زيرو

رد: طلب ارجو الاهتمام به
 

بص حضرتك أقتراحى جولف GTI مو 1989 هو قديم أنا أعارف بس بكد عن تجربه واحد صاحبى عربية مذهلة قطع الغيار غاليه حبتين بس معمرة ثابت أكثر من مذهل كنا بنخد الملف على 180 بدون أى تهديه أو فرامل والنتيجة ثبات فوق الممتاز سيارة هاتشباك موتور قوى وقبل كده كنا مشيين على طريق أحنا حافظينه فمشين ومش مولعين النور علشان حفظين الطريق هنا مطب هنا بلاعه كده المهام اتعمل بلاعة جديدة والعمال عملين هرم من الطوب بتاع الرصفان الأسمنت وصاحبى بيولع لسه النور لقى نفسه داخل عليها والفرمل مش هتجيبه زود بنزين وداخل فى الطوب فرتك الطوب وش السيارة الفوانيس بالشبكة بالأكصدام باظو وكمان الزجاج بتاع السيارة السرعة عند الأصطدام كانت 180 كم/ساعة ومحصلش حاجة فى السيارة تعيبها أنا أسف خرجت بره الموضوع لكى أثبت لحضرتك مدى كفاءة السيارة بس على فكرة الموتور كان مغيره وحطط موتور جولف دبه فى نقطه سمعت عنها من زمان فى حاجة تمنها 5000 جنية لما بتبوظ متليقهش جديدة ولو لقيتها تبقى مستعملة وأعتقد أن ديه فى الجولف دبه أما لو الموتور بتاع الجولف GTI الأصلى تبقى باشا.
وكمان عندك أوبل فيكترا 2000 سى.سى موديل 2000 بيتهيالئ هتلقيه فى السعر اللى حضرتك بتكلم عنه وهى واسعه عن الجولف جى تى أى وثبته على الطريق وقطع الغير غالية بس معمرة وهى ايضا سيارة ممتزة تستحق أن حضرتك تحطه فى بالك وأرجو أنى أكون قد أفدت شخصيتكم الكريمة.