شارك 2012 - cc 1600
يا جماعه حد عندة العربيه دي .....................و اية رأيكم فيها و ايه عيوبها وهي الاحسن ولا الالنترا 2012 منتظر الرد |
رد: شارك 2012 - cc 1600
يعنى انا اسف جدا بس موضوع غير قابل للمناقشة لانى عن راى دى فئة ودى فئة تانى خالص
الشارك قديمة وسحبها فى الضيااااااااااااااااااااع تكنولوجيا الموتور قديمة الالنترا تكنولوجيا حديثة موديل السنة سحب رااااائع قوة وثبات ومعلش الكورى لا يفرق بشئ عن اليابانى بالعكس الكورى الفئة دى احسن من عربيات يابانى كتيييير |
رد: شارك 2012 - cc 1600
بص الشارك عربية روعة من حيث كل شئ بس متتركبش غير التوب لين غير كده هتلاقيها زيها زي اي عربية والصاج فهوا جامد ولا يعيبه الا الاكصدام الامامي ضعيف ضعف السنين اما الخلفي فهواحديد وياريت الاخ memodina1 ميتكلمش علي عربية مجربهاش دي مكنه مفك تكنولوجيا متطورة ومفيش مقارنه بين الاثنين الشئ الي تكسب فيه الالنترا سعرها مقارنة بالشارك بس نصيحة جرب العربيتين انا جربت الشارك ايجار يومين والله مكنت عاوز انزل منها متعة قي كل شئ بس اهم حاجة توب لين
|
رد: شارك 2012 - cc 1600
اقتباس:
انا قلت الشارك الجديده موديل السنه دي 2012 مش القديمه و الشارك الجديده 1600 cc انما القديمه 1500 cc بس واضح ان حضرتك مخدتش بالك اني بتكلم على الجديدة مش القديمه دا حتى مكتوبه في العنوان |
رد: شارك 2012 - cc 1600
اقتباس:
فكرة حلوة ايجار العربيه ده انا عارف الالنترا زي الهم على القلب وهلاقيها بتتأجر في كل حته بس المشكله هلاقي حد بيأجر شارك الجديده 1600 cc عشان الموديلات القديمه لحد 2011 كلها 1500 cc واكيد العزم بيفرق ياريت لو تعرف معرض بياجرها تقولي عليه واكون شاكر ليك |
رد: شارك 2012 - cc 1600
الصراحه لا وبلاش ايجار من اي مكتب الا اذا كنت تعرفة او تبع حد صحبك وقوله عاوز اجر عربية كذا هو بيتصرف ويجبهالك من اي مكتب تاني
|
رد: شارك 2012 - cc 1600
لانسر شارك 2012 توب لاين ب 163 الف جنيه
النترا 2012 فولي لودد ب 159 جنيه المحرك المايفك هو احدث تكنولوجيا توصلت اليها شركة ميتسوبيشي و الفئة المزودة بشاحن توربيني من نفس المحرك يتم استخدامها في الاصدار الرالي ارت او الايفوليشن من متسوبيشي مما يدل على قوتها و تحملها و جودة تصنيعها المحرك في الالنترا ليس محرك ال GDI و انما هو المحرك القديم ال Dual- CVVTi مما يعطي نقطة تميز للانسر الشارك بخلاف كماليات الامان الاكثر في الميتسوبيشي و سمعة الياباني بشكل عام من حيث جودة التصنيع و العمر الافتراضي و طول عمر قطع غيارها و ثباتها و شكلها الرياضي الجريء في المقابل الهيونداي تتميز بشكل انسيابي متميز في الداخل و الخارج (يعتبر عيب لا قدر الله في حالة الحوادث لصعوبة اعادتها لحالتها الاصلية) و تتميز كعادة هيونداي في مصر فقط بسهولة البيع و سعر اعادة بيع ممتاز |
الساعة الآن 03:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017