|
تقرير صيانة الــ 10 آلاف كيلو للسيارة f3 مانيوال 2012
بسم الله الرحمن الرحيم موديل العربية : f3 Manual Full Option 2012 مركز الصيانة : فرع القطامية العربية كانت عاملة : 10.178 كيلو اول مرة أروح من غير ما أحجز صيانة ( أكتشفت وانا هناك ان الموضوع دة عادي ومش لازم تحجز والحجز بيكون في صيانة الـ 40.000 عشان بتاخد وقت كتير) كنت متواجد داخل المركز الساعة 12.00 ظهراً كان قدامي حوالي 6 عربيات ملاكي جاء شخصاً ما وقام بتكييس كرسي السائق ووضع دواسة كرتون في الارض بعد حوالي نصف ساعة جاء مهندس الأستقبال لاستلام السيارة سألني ( ضمان أم صيانة دورية ) قولتلو صيانة دورية أخذ الرخصة وبدأ في تسجيل بيانات السيارة في أمر الشغل وبعدين قام بتدوير كونتكت العربية وسجل عدد الكيلو متر في امر الشغل وكان 10.178 وبعدين سألني في أي شكوى في العربية قولتلو لاء مفيش الحمد الله أي شكوى سألني هاتحط زيت 10 الالف ولا 5 الالف قولتلوالـ 5 الالف ومضيت على امر الشغل وبعد ربع ساعة أخد العربية ودخلها الصيانة قعدت في الأستراحة منتظر العربية بعض الملاحظات أثناء الأنتظار : 1- المركز تحت الانشاء أو التجديد من شهر 10 /2011 مش عارف المشكلة ايه الصراحة بس أكيد مش مشكلة مادية وانها مشكلة إدارية والحالة الظاهرية بقيت صعبة أوي مع أنه لسة جديد 2- الحمامات سيئة جدا جدا جدا جدا جدا جدا وغير أدمية 3- البوفية سيئ جدا 4- في حالة أستهتار بالوقت بين العاملين في المركز غير طبيعية وانا قاعد لاقيتهم بيندهو عليا في الميكروفون نزلت تحت في الحسابات الفاتورة كانت بـ 215 جنيه وبيانتها كالتالي : 1- 120 جنيه زيت موبيل 1 XHP 2- 25 جنيه فلتر زيت 3- 50 جنيه مصنعية 4- 19.75 جنيه ضريبة مبيعات أخدت الوصل وذهبت لاستلام السيارة قعدت مستني ربع ساعة عشان حد يتكرم ويخرج العربية مع اني شايفها واقفة قدامي والحمد الله كان في فني كان برة ودااخل (( قولتلو بعد أذنك هاتلي العربية اللي هناك دية )) راح وجابها وخدتها ومشيت وانا مروح عديت على بنزينة وطنية اللي عند مدخل الطوب الرملي وانت جاي من التجمع وغسلت العربية من برة ومن جوة وعملت تنظيف للموتور وفلتر الهواء والحوض بالهواء بــ 20 جنيه |
رد: تقرير صيانة الــ 10 آلاف كيلو للسيارة f3 مانيوال 2012
السيد / mahshahin
بعد التحيه...... الف مبروك وعقبال صيانة الـ100 ألف |
رد: تقرير صيانة الــ 10 آلاف كيلو للسيارة f3 مانيوال 2012
الله يخليك ياباشا :fun_36_3_11[1]:
|
رد: تقرير صيانة الــ 10 آلاف كيلو للسيارة f3 مانيوال 2012
مبروك وعقبال صيانة ال1000000 كلم ان شاء الله وربنا يمتعك بالعربية ويبعد عنك شرها ان شاء الله :Wkiss5: على فكرة لو احتجت اي حاجة في مشكلة في اي توكيل عندنا هنا في المنتدي انسان محترم جدا اسمه ا / عماد حبيب اي حاجة اشتكي لية وهو مابيبخلش على اي حد بحاجة وخدوم لاقصي درجة |
رد: تقرير صيانة الــ 10 آلاف كيلو للسيارة f3 مانيوال 2012
اقتباس:
|
رد: تقرير صيانة الــ 10 آلاف كيلو للسيارة f3 مانيوال 2012
السلام عليكم ألف مبروك وعقبال باقي الصيانات بس ليه تعليق بسيط لو عملت الشغل ده بره التوكيل وهو حسب ما فهمت غيار زيت وفلتر مش كان وفرلك وقت ومصاريف يعني مثلا عندنا في المنيا بغير زيت بنفس الثمن بتاع التوكيل وبجيب فلتر من التوكيل بس بتفرق في المصنعيه صاحب محل غيار الزيت السريع بياخد 5 جنيه والصنايعي بديلو 5 جنيه شاي ( الجمله 10 جنيه) يعني مش محصله ضريبة المبيعات وبينظفلي فلتر الهواء بالهواء وبينظف الحوض كمان :fun_36_3_9[1]: والله المستعان |
رد: تقرير صيانة الــ 10 آلاف كيلو للسيارة f3 مانيوال 2012
اقتباس:
فعلاً الموضوع مش محتاج 50 جنيه مصنعية في تغير زيت وفلتر بس مقدرش أغير زيت برة التوكيل عشان الضمان ميرحش عليا مش أكتر |
| الساعة الآن 11:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017