تغير زيت الماتور
 

اليوم قمت بتغير زيت المحرك بزيت فيسكو 2000 وكمان غيرت الفلتر لعربية ماتركس. الراجل كمان نظف العربية بالهواء وكمان فلتر الهواء بتاع الماتور. المهم طبعا حسيت بشوية حاجات مش عارف طبيعية أم لا

أولا حسيت العربية فاقت شوية ومظاهر الفوقان دة يتلخص فى ما يلى

1- العربية المؤشر نزل شوية تحت النص. يعنى مش على النص بالضبط زى الأول

2- العربية أصبحت بتسحب بسرعة يعنى لما أدوس بنزين شوية صغيرين ألقى العربية سحبت على الارض على طول. وأصبحت مش متحكم كويس فى دواسة البنزين يعنى كنت الاول أدوس شوية أجد الإستجابة سلسة من السكون للسرعة. أم الأن بحس أن العربية بتنط لقدام وبخاف تسحب بسرعة وأخبط فى اللى أمامى فأشيل رجلى فورا من دواسة البنزين أجد العربية زى ما تكون ضربت فرملة بسيطة فأجدها زى ما تكون أتكعبلت وأتكلبشت.

3- لما اشيل رجلى خالص من على البنزين السيارة وهى تمشى اجد إنها بتترجج شوية بسيطة وخاصة لو الارض مش ممهدة وفيها أرتفاعات وإنخفاضات. بحس زى ما تكون عاوزة تجرى وحد بيمنعها وبمجرد ما ألمس البنزين اجدها بتسرع بسرعة لا أريدها وخاصة فى المطبات والحودات.

أنا يدوبك سقت خمس دقائق بعد تغير الزيت والفلتر ولسة مش جربت أسوق لفترة علشان أشعر بالفرق ولكن كان هذا الإنطباع الأول بعد التغير مباشرة وبعد قيادة لمدة خمس دقائق.

هل اللى حصل دة طبيعى أم أنا مكبر الأمر، وهذا إنطباع ليس له أساس من الصحة علميا...........

رد: تغير زيت الماتور
 

بالظبط كده

لكن هذا لايمنع مراقبة منسوب الزيت على المقاس

لأن لى تجربه مريره مع فيسكو 2000

وقت أن كان يتم تصنيعه بمصر منذ عامين

أما الآن

فأسمع أن فيسكو 2000 تحسن عن ماحدث معى

فالحرص مطلوب ....وخصوصا مع الزيوت

رد: تغير زيت الماتور
 

متشكرين يا باش مهندس. واللهى نورتنى بكلامك. أنا أول مرة أجرب فيسكو2000. العربية موديل 2001 والماتور كويس بس جبت فيسكو 2000 وليس فيسكوا 3000 اللى هو نص تخليقى.

1- المهم دلوقتى ممكن أعرف مفروض الزيت يكون عند مستوى أيه؟ أنا عندى على مقياس الزيت علامة عليا F وعلامة سفلية M المفروض مستوى الزيت يكون عند F أم بين M و F?

2- كذلك هو الواحد مفروض يشيك على الزيت كل قد ايه؟

3- هل الزيت الكويس مفروض الواحد مش يزودة خالص أم ان كل الزيوت للمحركات يجب أن تتزود نتيجة البخر؟

4- الزيت إنتاج 2010 وصالح لمدة خمس سنوات لخد 2015. فهل كل الما الزيت أتخزن مدة بيكون مش جيد زى الطازج أم ان هذه معلومة خاطئة؟

متشكرين مرة ثانية يا هندسة...

رد: تغير زيت الماتور
 

1 - منسوب الزيت يكون بين العلامتين أو على أقصى تقدير يكون على F

2- التشييك على المنسوب غالبا كل مشوار سفر طويل قبل وبعد رحلة العوده

أما داخل البلد ....فيمكن كل أسبوعان أو شهر مثلا

وحالة المكنه وإطمئنانك للزيت ....هما أساس الإطمئنان لسير الأمور على مايرام


3- بالظبط كده ....فطالما فترة الصالحيه مكتوبه على العبوه والعبوه طريقة حفظها جيده

فلاتوجد مشكله فى أستخدام الزيت فى أى وقت من أوقات صلاحية الزيت

------------------

على فكره أنا بأقصد فعلا فيسكو 2000 وليس فيسكو 3000

رد: تغير زيت الماتور
 

:286::286:

رد: تغير زيت الماتور
 

يا باش مهندس سمير هو الزيت مفروض مش ينقص خالص ولا يتزود ولا بيتزود أحيانا؟

هو القياس للزيت بعد ما الماتور يسخن شوية أم قبل التدوير؟

هل الزيت من الأفضل يوصل لحد F أنا عندى بتاع نص لتر فاضل وأعتقد مش هستخدمة فى حاجة فأحسن مثلا أرفع المنسوب لحد F. انا لسة مش شفت الراجل وصل المنسوب لحد فين.

أمته اقول أن الزيت فيسكو دة بخرة عالى. يعنى لما ينقص قد أيه فى زمن قد ايه أقدر أقول ان الزيت دة وحش وبخرة كثير؟

رد: تغير زيت الماتور
 

مع حالة المكنه الجيده ....ومع كفاءة عملية تصنيع الزيت

المفروض ميقلش نهائيا بين الغيار والغيار

بيقولوا ليه طريقه هندسيه

تسخن وتبطل وتنتظر حوالى 10 دقايق ...ثم تأخد المقاس

لكن الصراحه أنا مبعملش كده

بأخلى قياسى للزيت قبل الدواره بشرط أكون على الF بقدر الإمكان

هى دى إللى عاوزك تخللى بالك منها

فمثلا

لو حبيت تطلع مشوار طويل وتحرق شويه على المكنه

طبعا هتقيس قبل ماتسافر وفى نهاية المشوار

لو لقيت المقاس قل بعد برودة المكنه والجراج قبل مشوار العوده

تعرف على طول أن بخر الزيت ده معدله يقلق

وتغير النوع ده على طول

-----------------

أنا حصل معايا القصه دى مع فيسكو 2000

كنت مسافر ومظبط المقاس عادى على الF

وبعد 200 كم كنت وصلت نهاية مشوار الذهاب

جرشت ونمت وقمت تانى يوم

بأقيس الزيت

لقيته ناوى على هجرة منطقة الF فى طريقه لمنطقة الحد الأدنى للقياس

بصيت على كل الأماكن بالمكنه

لقيت كله تمام

روحت راجع على سرعه بطيئه بدون التحميل على المكنه

وجرشت ...وتانى يوم بقيس

لقيته زى ماهو على وضع القياس قبل العوده

------------------------

عرفت على طول إن الزيت ده معدل بخره كبير وخصوصا مع التحميل على المكنه

وبالتالى

عزفت عن كل زيوت فيسكو

وتحولت للتعاون SL

حاجه محترمه ومهما تحرق على المكنه

ولا يقل مللى واحد على المقاس