هل تربيط عفشة السيارة يحتاج لمتخصص ام الواحد ممكن يعمله بنفسه بالنسبة للسيارات القديمة.
علشان الواحد زهق تروح لعفشجى يقعد يخبط من تحت ويأخد الفلوس ويقولك كله تمام وهو لاربط ولا عمل حاجة اقعد يعزف بالمفتاح على العفشة خبط ورزع وخالص كله تمام يا باشا ظبطهالك أو يربط جانب على الصح والجنب التانى يسبهولك محلول علشان يبوظ العفشة وتجيله كل شوية فياريت لو ينفع والموضوع مفيهوش صنعه ياريت شرح لطريقة التربيط على العفشة ولو فى فيديو يبقى تمام.
ولكم جزيل الشكر.

ايه يا جماعة مفيش حد عنده خلفيه عن العفشة ولا ايه:shyy:

لازم عفشجى أو ميكانيكى

لأن العدة والمفاتيح

لازم تكون أصلية

عشان بيربط جامد

والعدة الاصليه غاليه نار

المشاركة الأصلية كتبت بواسطة mhamdy75 (المشاركة 681782) لازم عفشجى أو ميكانيكى لأن العدة والمفاتيح لازم تكون أصلية عشان بيربط جامد والعدة الاصليه غاليه نار

أنا وأعوذ بالله من قولت أنا عندى عدة كاملة وأعتقد انها أصليه لأنها بتاعت ولدى منذ أن كان يعمل بالبحرية وكان بيجيب الحاجات ديه من بره وعندنا فى البيت منذ سنين السنين وتشوفها تلقيها زى ما هى على حالتها لم يحدث لها شياء فاعتقد أنها أحسن من الأصلية بتاعت دلوقتى وكمان انا وهو عندنا نفس الهواية أن اى حاجة فى البيت تحتاج تصليح بنصلحها حتى لو مش عرفنها نفتحها ونعرف طريقة عملها أزاى ونحدد العطل ونصلحه بنفسنا وحتى نعملها صيانه أنا أسف خرجت عن الموضوع بس كانت بحاول أوضح أن هى إصليه وخرجت عن الموضوع شويه هل بعد كل ده ممكن أعرف أربط العفشه أزاى ولا لازم خبره أنا قلت أسال الأول لأن مجربتش أعمل حاجه فى العربية الا القليل وطبعا حاجات سهله لاتذكر هل ممكن وانا بربط يحصل مشكله مسمار يتقطم حاجه تبوظ وآلف شكر لأهتمام حضرتك بالموضوع.

المشاركة الأصلية كتبت بواسطة mr_astra (المشاركة 681793) ربط زى ما انت عاوز بس خلى بالك اى صامولة تحتها كاوتش زى كاوتش المقص ( طعمية ) تربط عليها بقدر معين عشان ما تشققش من كتر الرباط وتحتاج تتغير بعد كدة انما صواميل البارات الطرف اربط عليها من نار صواميل بيض بارات الطرف اربط عليها من نار مسمار المقص اللى فى الشاسية بيتربط من نار صواميل ربط الجشمة بالمساعد بيتربطة من نار لكن تخلى بالك اوى انك تربط من نحية الصامولة عشان لو ربط من المسمار الزوايا هاتخلف معاك صواميل الميزان بيتربط عليها بحنية ومع رباط العفشة يا ريت بخة جاز كدة عشان الدنيا تروق معاك