عضو جديد في نادي الكليو - تضبيط عربية كليو 2003 مستعملة
 

اشتريت كليو 2003 مستعملة عاملة 85 الف كيلو 1200 سي سي وكان عندي كذا استفسار لخبراء الكليو:

1. سمعت عن موضوع تغيير الزيوت والفلاتر والسيور مع أي عربية مستعملة، ومعنديش فكرة عن أي حاجة من دي. عايز أعرف ايه المفروض يتغير، والقصة هتكلف كم، واغيرها فين. وهل لازم كل حاجة تتغير ولا ممكن اكشف على حاجة الاقيها كويسة مش محتاجة؟
2. عايز أغسل العربية غسلة كويسة من برة وجوة وانضف الكراسي، محتاج أعرف ايه انواع الغسيل الممكنة، واغسلها فين؟
3. الاكصدام اتحك في عربية تانية، واللون الأسود بتاعه عمل خطوط باينة في اللون الأبيض عندي. عايز انضف الكلام ده. يا ترى فيه حد بيعمل الكلام ده ولا ممكن عامل الغسيل بتاع البنزينة يعملهولي زي ما واحد صاحبي قاللي؟
4. فكرت أكشف على العربية، اتصلت بالوكيل قلتلهم عايز اعمل شيك اب كامل على العربية بكل حاجتها، قالولي هيكلف 450 جنيه. طبعاً نفضت وفكرت أعمل الفحص ده برة. السؤال بقى، لو عايز افحص العربية فحص شامل، أروح لمين، وايه الحاجات اللي هيفحصها؟
5. عايز اغير مساحات الإزاز عشان اللي عندي مقطوعين؟ ايه الأنواع الكويسة ويا ترى بتكلف كم؟
6. عايز اخلي ازاز العربية كهربا واربطه بالسنتر لوك عشان يترفع اوتوماتيك ونا بقفلها، العملية دي بتتعمل فين وبتكلف كم؟
7. دلوقتي محتاج أسافر بالعربية مشوار طويل شوية حوالي 250 كيلو ودي هتبقى أول سفرية ليا بالعربية، ايه الحاجات اللي المفروض اطمن عليها في العربية قبل ماسافر عشان أبقى خدت بالأسباب وماتعرضش لمشاكل في الطريق؟
8. الاستهلاك الطبيعي للبنزين في العربية كم كيلو للتانك الكامل 40 لتر؟

واعذروني للأسئلة الكتيرة دي بس مفيش مكان أسأل فيه أحسن من عيلة الكليو في المنتدى

رد: عضو جديد في نادي الكليو - تضبيط عربية كليو 2003 مستعملة
 

اختيارك للعربية بصراحة كان خاطئ وبكرة هتفهم معنى كلامى ده انا مش بقفلك بس الكلام ده اتقلى وانا ماصدقتوش عالعموم لو عايز اى مساعدة فيها انا حفظتها صم من كتلر اللى عملته فيها انا تحت امرك فى اى استفسار

رد: عضو جديد في نادي الكليو - تضبيط عربية كليو 2003 مستعملة
 

الحاجة الوحيدة اللى هفيدك فيها التكحيت اللى فى الاكصدام حضرتك تقدر تزيله بالبوليش كريم و أنا جربتها كتيير

رد: عضو جديد في نادي الكليو - تضبيط عربية كليو 2003 مستعملة
 

ياعم تويوتا انت شكلك رايق وداخل تتسلى علينا ياعم ,,الناس بتوع الكليو فيهم اللى مكفيهم ومش ناقصين عمرك ماهتحس بيهم انا مش بحسدك عالكورولا بتاعتك اوعى تفهمنى غلط:shyy:
,,,,,,,,,,انا بحقد عليك بس

رد: عضو جديد في نادي الكليو - تضبيط عربية كليو 2003 مستعملة
 

اذا كان كده ماشى :wave2W21:

رد: عضو جديد في نادي الكليو - تضبيط عربية كليو 2003 مستعملة
 

شكرا على الإحباط، وما زلت في انتظار آراء الناس في الأسئلة اللي سألتها

رد: عضو جديد في نادي الكليو - تضبيط عربية كليو 2003 مستعملة
 

مش هقدر أراجعك في كلامك بس للأسف كلامك غير صحيح تماماً
أنا بحب الكليو جداً ولما جيت أبيعها كنت زعلان جداً ورجعت في كلامي لكن ده حال الدنيا لازم تغير من عربيه للتانيه كل مرحله في حياتك بيبقي ليها إحتياجاتها ومسيري برضه ابيعها
لكن اللي أنا شايفه من تعليقاتك إنك إما لابس في عربيه متهانه بإفتري أو بتتعامل مع ميكانيكي زباله سوري في الكلمه يا راجل دانا بعتبرها 128 من رخص قطع غيارها معلهشي هات عربيه بنفس المواصفات ديه وتكون إقتصاديه وقطع غيارها بالأسعار ديه وأي حاجه أنا معاك لحد ما توقف عربيتك اللي تعبتك علي رجليك لو ناوي تقتنيها أما لو ناوي تبيعها ربنك يحسنلك بيعها إن شاء الله لو إنت قافل منها تماماً ورأيي لما تبيعها تكون صادق مع المشتري حتي لو هتبيع بخساره مش لازم تشيل خسارتك لغيرك

وبالنسبه لصاحب الموضوع هتسمع أراء كتير بس طالما إنك إشتريت إستمتع بسيارتك العربيه ديه رائعه بكل المقاييس وإنسي كلام الناس اللي بتفتي بدون علم هتستريح معاها جداً وربنا يباركلك فيها ويديك خيرها ويكفيك شرها إن شاء الله وأنا رديت عليك علي فكره