|
المية كانت بتغلى والمؤشر ماعداش النص ؟!!!
السلام عليكم ورحمة الله وبركاتة
النهاردة نزلت بالعربية وكنت راكنها 3 ايام فشيكت على الزيت تمام ومية الردياتير لاقيتها ناقصة شوية بس القربة مليانة فكسلت بصراحة ازود مية المهم مشيت بالعربية بتاع نص ساعة كدة وفجأة لقيت العربية اتخنقت و بتقطع وقعدت بتاع 5 دقايق تقطع وفجأة تلتت كل دة ومؤشر الحرارة فى النص ماتحركش المهم ركنت بسرعة وفتحت الكبوت لاقيت صوت صفارة وبخار مياة طالع من الخرطوم اللى داخل على الموتور والمية بتغلى فى القربة والمروحة شغالة بطلت العربية وفتحت غطا الردياتير سنة سنة كدة لغاية ما البخر دة راح كلة ومية القربة مابقتش تغلى استنيت بتاع 3-4 دقايق العربية تهدى شوية وروحت مدورها ومزود مياة خدت بتاع لترونص لترين مياة والحمد لله اللى خلانى لحقتها فى اولها ان الخرطوم اللى بيسرب دة كان جنب الاسبراتير وطرطش مياة تقريبا على فيشة بوجية فخلى العربية تلتت ودة اللى خلانى اركن وانزل ابص عليها المهم السؤال هنا 1- ازاى كانت المياة بتغلى فى القربة وتنفيس بخار مياة طالع من الخرطوم ومؤشر الحرارة ماعداش النص مع العلم ان المؤشر شغال عادى ماشتكتش منة قبل كدة 2- وانا بزود مياة لقيت شوية فقاقيع كدة طلعت من غطا الردياتير واختفت بعد كدة ماطلعتش تانى حتى وانا بزود بنزين واللى لاحظتة ان المياة بتتقلب عادى جدا وبسرعة كمان ف هل كدة ممكن يكون الجوان ضرب ولا دة تنفيس باقى البخار اللى كان جوة الموتور ؟!!! ومعلش سؤال من باب العلم بالشىء بس هو مؤشر الحرارة بياخد قرايتة من مية الردياتير ولا من بلوك الموتور ولا منين بالظبط ؟!! |
رد: المية كانت بتغلى والمؤشر ماعداش النص ؟!!!
إحتمال دورة تبريد المياه كان فيها هواء
ولما خرج الهواء رجعت الدورة لطبيعتها |
رد: المية كانت بتغلى والمؤشر ماعداش النص ؟!!!
ساعة الحرارة عندك هتلاقيها فى البلوك
بس واضح كده انه مع الركنة والصدأ اللى فى الميه الساعة هيست بس آخر حاجة كنت أتوقعها منك انك تزود ميه من الحنفية والعربية سخنة بتغلى كده بس عموما عتاولة السواقة اللى بقالهم 50 سنة ممكن يغلطوا نفس الغلطة دى ربنا يعوضك خير إن شاء الله انت هتفك ساعة الحرارة وتسنفرها وتتأكد من توصيلها الكهرباء كويس والنحاسة بتاعتها سليمة والترملة ميكونش عليها بخرة زيت ولا حاجة خلاها تهيس كمان ممكن بكون مؤشر الحرارة هو كمان بيهيس اهم حاجة تراجع على الزيت - تبص على الشكمان - تنزل المياة اللى فى الردياتير وتغسلة عشان لو فيه صدأ ولا حاجة وإبقى طمنا بكرة بإذن الله عملت اه انا بقى من ساعة ماظبت التاكيهات والحر إشتغل العربية بقت بتسخن ، كمان انا شاكك ان الزيت منتهى ، بس مش وقته خالص ، القبض لسه كمان كام يوم:fun_Whispering: |
رد: المية كانت بتغلى والمؤشر ماعداش النص ؟!!!
بالظبط كدة زى ما الاساتذة وضحوا لحضرتك:01FDAB~189:
|
رد: المية كانت بتغلى والمؤشر ماعداش النص ؟!!!
دورة تبريد المياه فيها هواء
سلك الرادياتير ونضفه |
رد: المية كانت بتغلى والمؤشر ماعداش النص ؟!!!
اقتباس:
ويعدين كدة كدة انا حاططلها مية من الحنفية :36_1_1[1]: عشان فى تسريب تقريبا من طبة وكنت مكسل اعملها وكنت مستنى اما اصلح الطبة دى الاول وبعد كدة اروح اغسل دورة المياة واحط مياة خضرا وبالنسبة لساعة الحرارة بيتهيئلى انها سليمة لان المؤشر شغال طبيعى جدا بيبدء من تحت علامة ال سى وبيطلع واحدة واحدة وهى العربية بتسخن لغاية مايوصل للنص وبيقف على كدة والمروحة برضو شغالة عادى وعمرها ماخلت الحرارة تزيد عن النص فبيتهيئلى لو الساعة مهيسة كانت المفروض تدينى قراية غلط فى مرة مثلا او تعلق مثلا على قراية معينة فى مرة ولا حاجة صح!!! انا التصور اللى فى دماغى حاليا ان العربية مشيت بيها وهى فيها مثلا ربع كمية المية اللى المفروض تبقى فيها ومع المشى المية دى سخنت جامد عشان ماكانتش بتلحق تكمل دورتها من الموتور الى الطرمبة الى الردياتير عشان تبرد وبالتالى المية دى سخنت اوى ووصلت لدرجة الغليان وبدئت تتبخر وتنفس من اى مكان ضعيف وانا ممكن اكون لحقتها الحمد لله فى اولها قبل ما المكنة تسخن جامد واللى ساعدنى فى كدة المية اللى طرطشت على الاسبراتير وفصلت بوجية وخلت العربية تبرجل المهم الحمد لله قدر الله وماشاء فعل وانا ان شاء الله حشيك بكرة على الزيت اشوفة طحن ولا لا وهاشوف وانا بدور العربية المية بتنطر برة الردياتير ولا بتطلع فقاقيع ولا لا وهشيك على الشكمان واحتمال ابص بالمرة على البوجيهات عشان سمعت ان احيانا الجوان بيضرب من حتة يخلى المية تدخل جوة السلندر وممكن تخلى البوجيهات تقطع ربنا يستر |
رد: المية كانت بتغلى والمؤشر ماعداش النص ؟!!!
اقتباس:
انا كده الحمدلله فهمت معلش قدر الله وماشاء فعل ، فداك يبقى هيا فعلا الطبة نزلت الميه ونتا مشيت وماخدتش بالك ، عادى ان شاء الله لو الجوان مش ضعيف مش هيحصل أى حاجة انا عارف ظروفك يا صاحبى والحال من بعضه وإبقى طمنا عملت اه بكرة بإذن الله ، تصبحوا جميعا على خير :fun_15_8_204[1]::CONGRA~238::01FDAB~189: |
| الساعة الآن 07:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017