|
تسعير نوبيرا ضرورى الله يخليكم لان صاحبها مبالغ شوية فى السعر
سلام عليكم بعد عناااء تام فى انى اجد سيارة ماخفش من صاحبها صديق والدى معاة سيارة معاقين من بورسعيد لسى فاكك الحظر و هيا نوبيرا 2 1999 منيوال خليجى كاملة سودا مش بريميوم اعتقد فابريكاااا برا و جوة مافهاش خربووش ماتغيرلهاش اى حاجة ولا العفشة اتفكت و شكلها جديدة بس طالب فيها : !!!! 48 نهائى بعد الفصال http://masrmotors.com/vb/images/smil...1_2%5B1%5D.gif مش عارف السعر دا غالى اوى عليها ولا شغال ؟؟ علما بان بقالى سنتين بدور على عربية و خايف اشترى بسبب الظروف المنيلة اليومين دول عربيات مسروقة توكيلات مضروبة رخص مضروبة عربيات مشنشة الخ الخ و انتو اكيد عارفين و تعبت اوى على مالاقيت العربية دى ياريت تريحونى و تقولو لى اشتريها على كدا ولا السعر غالى اوى ؟ و لما ابيع بعد سنتين تلاتة اخسر كام ؟؟ و معلشى اخر حاجة هوا فك الحظر و دفع ال9500 جنية هيا باسم نسيبة عشان معاق اخلية يعمل الرخصة باسمة و بعد كدا يبعلى ولا بمجرد ما الشخص المعاق يعملو عقد مسجل بالبيع يبقى خلاص مش لازم رخصة و يبلعلى على طول بالعقد ؟؟ اسف جدا للاطالة شكرا جزيلا لكم |
رد: تسعير نوبيرا ضرورى الله يخليكم لان صاحبها مبالغ شوية فى السعر
موديل 99 ايه اللي ب 48 الف ده اكيد بيهزر لا وكمان معاقين يعني عاوز يكسب فيها حاجه مش من حقه كمان سبحان الله انا بستغرب والله علي الناس اللي هي كده وعاوزه تكسب فلوس من الهوا بس والله السعر ده كتير جدا عليها واحسنلك تقعد من غير عربيه خالص ومتشتريهاش لانك لو جيت تبيعها بعد سنه سنتين هتخسر فيها مش اقل من 10 الاف نصيحه بجد بلاش ولك مطلق الحريه طبعا اولا واخيرا
|
رد: تسعير نوبيرا ضرورى الله يخليكم لان صاحبها مبالغ شوية فى السعر
متشكر لاهتمامك يا باشا طيب حتى لو انا مش لاقى عربيات فعلا كويسة ؟ كلو بيقول توكيلات و شغل نصب شكلة و تجار و بتبقى عربيات تعبانة و انا خايف حد ينصب عليا و كمان سعر النوبيرا ال2001 الى متوسطة الحالة ب 45 الف و ممكن اصرف عليها و مش عارف بتاعت مين انا بجد محتاار :pty: منتظر اراء الاخرين |
رد: تسعير نوبيرا ضرورى الله يخليكم لان صاحبها مبالغ شوية فى السعر
السياره حاله ...وليست موديل
فلو الحاله تمام ....من كافة الإتجاهات وده يبان بالكشف يبقى متبصش للسعرأوى ولكن يجب أن يكون معقول برضه طالما ناوى تشترى وتقتنى |
رد: تسعير نوبيرا ضرورى الله يخليكم لان صاحبها مبالغ شوية فى السعر
تمام اشكرك استاذ سمير هو فعلا العربية ماشاء الله حالتها تمام فابريكا برا و جوة و بحالتها فعلا محتاجة غسيل من جوة بس و تغيير كسوة مشكلتى فى اعادة البيع هل اقدر ابيعها بعد سنتين تلاتة ب 40 الف مثلا |
رد: تسعير نوبيرا ضرورى الله يخليكم لان صاحبها مبالغ شوية فى السعر
اقتباس:
طالما محافظ عليها ويمكن تحلو فى عينيك وتقول مش هبيعها |
رد: تسعير نوبيرا ضرورى الله يخليكم لان صاحبها مبالغ شوية فى السعر
بلفعل كما وضح لحضرتك مهندسنا العزيز (eng-SamirRayad) السيارة حالة طالما مستعملة فا ممكن موديل 99 حالته كأنه لم يستعمل او استعمال محترم والعكس لموديل أعلى من ذلك ---اما السعر فاأعتقد 40 الف كويس جداً لوحالتها تمام من كل النواحى يعنى مفيهاش خدش والموتور تمام واساستها فابريكة الى أخره طبعاً انت أكيد عملت اللازم ----اما الشراءفيجب ان تتحقق تماماً من كل الأوراق وخاصة موضوع فك الحظر وعندما تشترى فيجب ان تشترى ممن بأسمه السيارة وفى هذه الحالة الأخ المعاق الذى هو منوط به القيام بكل اجراءات نقل الملكية بناء على الأوراق التى معه والخاصة بلسيارة وربنا يوفقك
|
| الساعة الآن 12:27 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017