السحب بعد ال100 ضعييف جدا
 

السلام عليكم
انا معايا عربيه اكسيل حالتها ماشاء الله ممتازه
والسحب على كل الغيارات كويس جدا بس المشكله انها بعد الـ 100 سحبها ضعيف جدا وبتجيب بعد معاناه 130 حتى لو دايس على الدواسه على الاخر وحارق على الغيارات كلها لحد 5 RPM
مش عايز اروح لميكانيكى يعملى هوليله ويغيرلى كل حاجه ف العربيه
فانا طالب من سيادتكم لو حد عنده فكره او حصلت نفس المشكله معاه يفيدنى ويتكرم يقولى ايه الحل
انا عامل سيرفيس كامل ومغير الزيوت والفلاتر والبوجيهات بNGK سن قصير ومنظف الكاربيراتير وبحط كمان 92
وشاكر جدا لحضراتكم :)

رد: السحب بعد ال100 ضعييف جدا
 

وانت على 130 على الغيار الخامس بيكون الـ RPM كام ؟؟

لو فوق 4 تقريبا (اعلى من المعتاد) يبقى ده عيب اسطوانه او ديسك الدبرياج ومحتاج تغيير .. سعرهم حوالى 400 جنية (الديسك والاسطوانه مع بعض) و الاسطوانة بس بتعمل حوالى 150 جنية .. ومصنعية تغييرهم من 150 الى 200 جنية ...

رد: السحب بعد ال100 ضعييف جدا
 

شكرا جدا ا\حسام على ردك :)
هو فعلا بيكون ال RPM على 4.5 تقريبا
اما بالنسبه لاسطوانه الدبرياج فانا كنت لسه ماليها من فتره اقل من شهر
هيا ممكن تكون بتعمل نفس المشكله بس اعتقد ان السبب عندى مختلف لأنى لسه مصلحها....

رد: السحب بعد ال100 ضعييف جدا
 

موتور حضرتك خفيف بدليل انك بتقول مغير ببوجيهات سن قصير فطبيعى العربية مش هتسحب جامد لانها بتهرب كبس الموتور وده معناه عمرة

رد: السحب بعد ال100 ضعييف جدا
 

فعلا سرعة 130 كم / س عند rpm 5000 يخليك تشك ان الاسطوانة بتتزحلق

رد: السحب بعد ال100 ضعييف جدا
 

انا رحت للميكانيكى النهارده وسألته على الموضوع ده قالى برده ان العربيه مينفعش تملى الاسطوانه بتاعتها هيا تتغير احسن فنفس التكلفه اللى قال عليها أ-حسام بالظبط
اما بالنسبه لموضوع البوجيهات ده فصاحبى اللى كان معايا خبرته ف العربيات اكتر قالى ان البوجيهات السن القصير ده بتريح ف السفر لانها بتكون بارده
وانا فعلا اغلب مشاويرى طرق مفتوحه
مش عارف بقى الموضوع ده صح ولا ايه

رد: السحب بعد ال100 ضعييف جدا
 

وجهه نظرى
حضرتك بتقول انك مالى الاسطوانة قريب فانا مستبعد انها تكون اتكلت ولو الدسك بايظ كنت كملت كلام وقلت بتحس برعشة فى الطلعة اما العربية تسخن والطابلون بيترج منك
كمان حضرتك بتقول ان الغيارات كلها كويسة والعربية بتشد صح؟؟؟
اعتقد ان الباب التانى فى الكربراتير مش بيفتح ويجب مراجعتة