|
السبكترا ولا السيفيا !!!
مساء الجمال على كل محبى الكيا
سؤالين مهمين وعارف أن رجالة الكيا مش هيبخلوا بالمعلومة والنصيحة 1- السيفيا والسبكترا هل فى فرق بينهم ولا هما هما ؟ptmnlo123per184 2-لو فى فرق ايهما أفضل ؟ مميزات وعيوب كل واحدة ؟ أرجو الأهتمام وخصوصاً من اللى أتعامل مع الأتنين مع جزيل الشكر ptmnlo123per159 |
رد: السبكترا ولا السيفيا !!!
والله كان عشمى كبير أوى
فى وحوش الكيا ptmnlo123per124 بس لسه عندى امل أن أى حد عنده سيفيا أو سبكترا أو حتى يعرف عنهم حاجة يعبرنى |
رد: السبكترا ولا السيفيا !!!
السلام عليكم:)
السبكترا عباره عن الاسم الجديد للسيفيا و هيا سياره مش منتشره لكن دا لا يمنع انها سياره رائعه لكن لو عاوز تشتري يبقي هات سيفيا لان قطع غيارها متوافره و اعاده البيع برضه افضل . دا رأيي الشخصي |
رد: السبكترا ولا السيفيا !!!
بالظبط كده ... زي ما قال حازم باشا ..
يعني السبكترا موديل احدث من السيفيا ... لكن السيفيا اكثر انتشارا السيفيا من 98 ل 2001 تقريبا والسبكترا من 2002 ل 2005 الشوما تعتبر نفس الفئه و لكن هاتشباك وظهرت ما بين السيفيا و السبكترا 2000 - 2002 .. لكن كلهم نفس الاساس .. ويعد كده ظهرت الكيا سيراتو ... اللي هي الجيل الجديد مكان نفس الفئه .. وتقنيتها اعلا و موتورر احدث ... فالعبره بالسعر و الحاله .. والشكل مش فارق كتير http://en.wikipedia.org/wiki/Kia_Spectra http://en.wikipedia.org/wiki/Kia_Sephia |
رد: السبكترا ولا السيفيا !!!
أنا شاكر فضلكم يا باشوات على المرور الكريم
وتقريباً معنى الكلام أن الأتنين واحد زى ما كنت متخيل بس أزاى * ومتور السيفيا 1500 سى سى ومتور السبكترا 1600 سى سى !!معلش شوية أستفسارات : * مميزات وعيوب السيفيا الأتوماتيك ؟؟؟ أسف للأطالة بس بجد أنا فى حيرة شديدة وأراءكم هتفرق معايا جداً تقبلوا تحياتى |
رد: السبكترا ولا السيفيا !!!
واضح يا استاذ شيمي ان معلوماتك كويسه جدا عن الكيا ... امال حضرتك بتسأل في ايه ؟؟
عموما حدود معلوماتي ان الكوري اخره 99 ومسمعتش عن كوري موديل 2000 السيفيا فعلا 1500 و السبكترا 1600 ... لكنهم نفس الفئه ... زي بالظبط النترا 2006 و النترا 2007 ... يعني الموديل الاحدث .. ومش معناها انها نفس العربيه ... لكنها نفس الشركه و التقنيه و المكونات العامه ... السبكترا (او افتكر اول ما نزلت كانو بيقولو سيفيا 2 ) بتبتدي من موديل 2003 ... فاعتقد ان اللي يقول سيفيا 2003 يقصد السيفيا 2 او السبكترا ... والله اعلم .. دي حدود معلوماتي .. مقدرش افيدك في موضوع الفتيس الاوتوماتيك للسيفيا لأن معرفتي بيها في المانيوال فقط عن طريق صديق يمتلكها ... بخصوص المقارنه بين السيفيا و الانسر .. فأعتقد ان الانسر اغلا من السيفيا في حدود 10 الاف جنيه تقريبا .. وبالتالي المقارنه مش في مصلحه السيفيا لكن شخصيا مبفضلس اي عربيه اوتوماتيك 1300 سي سي وحضرتك برضو شوف رأي الزملا |
رد: السبكترا ولا السيفيا !!!
متشكر جداً لذوقك يا SAM باشا
وطمعان أن حد يكون عنده معلومات أكتر عن المميزات والعيوب يفيدنا بيهم تقبلوا تحياتى |
| الساعة الآن 01:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017