مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سيات SEAT (https://www.masrmotors.com/vb/forumdisplay.php?f=20)
-   -   عاوز اركب شكمان ديفل هل بياثر ع الموتور و بيعملو فى حدود كااام (https://www.masrmotors.com/vb/showthread.php?t=83389)

ahmedmoza 05-04-2012 01:36 AM
عاوز اركب شكمان ديفل هل بياثر ع الموتور و بيعملو فى حدود كااام
 
عاوز اركب شكمان ديفل هل بياثر ع الموتور و بيعملو فى حدود كااام و اركبة فين و اية النوع الكويس و هل ينفع اركب لى االعربية الابيزا موديل 94 فلتر سبورت؟

AbOnOrA 05-04-2012 05:49 AM
رد: عاوز اركب شكمان ديفل هل بياثر ع الموتور و بيعملو فى حدود كااام
 
ينفع تركب شكمان او فلتر مفيش مشكلة

بالنسبة للشكمان حسب النوع والخامات فيه حاجات ب 150 وفيه ب 300 وفيه باكتر بس المتوسط 200 - 300 ستانليس ستيل كله بالمصافى وده تجيبه من عند بتوع الاكسسوارات وتركبه عند حد بتاع شكمانات يفك القديم وتحتفظ بيه وتركب الجديد واوعى تضيع القديم علشان هتحتاج تركبه تانى وانت بتفحص فى المرور او لما تيجى تبيعها

ومن ناحية التاثير فهو مفيش منه اى اضرار غير صوته :)

الصقر_الجارح 05-04-2012 06:10 AM
رد: عاوز اركب شكمان ديفل هل بياثر ع الموتور و بيعملو فى حدود كااام
 
طيب بقولك لحضرتك يا استاذ وائل هو ايه فايدة الشكمان الديفيل ده أساسا غير صوته؟

وايه الفرق بينه وبين الذيل النيكل كروم؟

ahmedmoza 05-04-2012 04:40 PM
رد: عاوز اركب شكمان ديفل هل بياثر ع الموتور و بيعملو فى حدود كااام
 
طيب احلى نوع اسمو اية و بى كااام اللى هو يكون صوتة كويس و نضيف و منين اجيبو مثلا من الحرفين او شارع دمشق

AbOnOrA 06-04-2012 01:10 AM
رد: عاوز اركب شكمان ديفل هل بياثر ع الموتور و بيعملو فى حدود كااام
 
اقتباس:
المشاركة الأصلية كتبت بواسطة الصقر_الجارح (المشاركة 646799)
طيب بقولك لحضرتك يا استاذ وائل هو ايه فايدة الشكمان الديفيل ده أساسا غير صوته؟

وايه الفرق بينه وبين الذيل النيكل كروم؟
فائدته العملية تسهيل تدفق العادم خارج السيارة بما يرفع الضغط عن المنافولد وباقى نظام العادم
وطبعاً الصوت الرياضى اللى بيخليك تحس باداء وحال الموتور بدقة ووضوح
واخيراً الشكل الرياضى للديل والعلبة

طبعاً الديل بس مش هيفرق غير شكلها وممكن يعمل صوت بسيط جداً بس مش هيبقى زى صوت الديفل (علبة وديل) او ديفيل كامل (بيبقى مواسير من الهيدر للعلبة )

وطبعاً لو بنتكلم على الصح والاصول يبقى لازم يتم تغيير نظام العادم كله بواحد رياضى بدايه من الهيدر لحد العلبة

وفى حالة تركيبة صح وبالمقاسات المناسبة للمحرك ممكن (كسيستم ديفيل كامل) يرفع من القدرة الحصانية للعربيه مابين 5 - 20 حصان

AbOnOrA 06-04-2012 01:15 AM
رد: عاوز اركب شكمان ديفل هل بياثر ع الموتور و بيعملو فى حدود كااام
 
اقتباس:
المشاركة الأصلية كتبت بواسطة ahmedmoza (المشاركة 647073)
طيب احلى نوع اسمو اية و بى كااام اللى هو يكون صوتة كويس و نضيف و منين اجيبو مثلا من الحرفين او شارع دمشق
بص الانواع المحترمة كتير بس اغلبها ليها المضروب والصينى بتاعها

فالموضوع محتاج تدوير شوية او تجرب

والماركات النظيفة كمان بتبقى غالية اوى للعلم يعنى السيستم كامل ممكن يخش فى 4 - 5 الاف جنية

لكن كعلبة ستانليس بالمصافى ظريفة لطيفة ب 200- 300 جنية حلو اوى

سبير كار كمان عندة تشيكيلات كبيرة من الشكمانات الديفيل وخامات ممتازة عن تجربة

نقطة تانية مهمة بالنسبة للصوت
مفيش شكمان تقدر تحدد صوتة هيبقى ازاى بالظبط الا مع تركيبة
لانى زى ما قولت الاداء بيختلف من ماتور للتانى وتصميم نظام عادم للتانى
فممكن وبيتحصل كتير ان واحد يركب نوع ديفيل على عربيته وصوته ميبقاش حلو ولما يركب هو هو على عربيه تانية يبقى صوته تحفه

هو عامل زى صفارة مثلا ممكن انا انفخ فيها جامد فاصفر بصوت مختلف عن واحد تانى ينفخ فيها اقل

اهم حاجة فى تركيب الديفيل زى ما قولت تحافظ على القديم
واللى يركبه يلحمة صح
واذا كان محتاج جلب او حاجة يركبها
ويكون التركيب على مستوى جسم العربيه مش ساقط منها علشان ميحكش فى المطبات ويعمل مشاكل خاصة بالنسبة للديفلات الكبيرة

الصقر_الجارح 07-04-2012 02:02 AM
رد: عاوز اركب شكمان ديفل هل بياثر ع الموتور و بيعملو فى حدود كااام
 
اقتباس:
المشاركة الأصلية كتبت بواسطة AboNoRa (المشاركة 647318)
فائدته العملية تسهيل تدفق العادم خارج السيارة بما يرفع الضغط عن المنافولد وباقى نظام العادم
وطبعاً الصوت الرياضى اللى بيخليك تحس باداء وحال الموتور بدقة ووضوح
واخيراً الشكل الرياضى للديل والعلبة

طبعاً الديل بس مش هيفرق غير شكلها وممكن يعمل صوت بسيط جداً بس مش هيبقى زى صوت الديفل (علبة وديل) او ديفيل كامل (بيبقى مواسير من الهيدر للعلبة )

وطبعاً لو بنتكلم على الصح والاصول يبقى لازم يتم تغيير نظام العادم كله بواحد رياضى بدايه من الهيدر لحد العلبة

وفى حالة تركيبة صح وبالمقاسات المناسبة للمحرك ممكن (كسيستم ديفيل كامل) يرفع من القدرة الحصانية للعربيه مابين 5 - 20 حصان

شكرا جزيلا يا أستاذ وائل كلام جميل :CONGRA~238:

بس ياترى مسموح بيه في المرور ولا لا؟ وأسعاره في حدود كام؟


الساعة الآن 06:43 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017