الانترا ولا اكسنت RB
 

رد: الانترا ولا اكسنت RB
 

الالنترا طبعا فيها رفاهية وامكانيات اعلى ووسائل امان انما الصراحة RB مفيهاش حاجة وسعرها كتير عليها بالنسبة لامكانيتها المحدودة

رد: الانترا ولا اكسنت RB
 

شكرا للرد السريع
بس انا بقارن المانيوال basic ب 116 مع المانيوال basic ب 96 و الاتنين ما فيش فيهم abs او airbag يعني فرق رفاهية بس . يستاهل ؟

رد: الانترا ولا اكسنت RB
 

ايواااااااااااا هو ده اللى كنت هاقوله لما يكون الفرق بسيط كده تبقى كفت الالنترا هى الراجحه بالاضافة ان الالنترا الجديدة ابتدت تنتشر في جميع المحافظات زى الرز لدرجة بلاقى حاليا اتنين او ثلاث عربيات واقفين فى الشارع وده يعكس ان عربية اداءها كويس وقطع غيارها هترخص وهتنتشر وهتبقوا زى الفيرنا من حيث الانتشار
وفيه معلومة موتور الاكسنت rb هو موتور الكيا سيراتو يبقي تجيب السيراتو اول فئة بحوالى 100 الف اجدع واحسن لان السيراتو انتشرت وقطع غيارها عند البقالين :w6w2005041122522161 اتمنى تكون المعلومة وصلت :THE_PR~18:

رد: الانترا ولا اكسنت RB
 

ممكن سيراتو وسط بينهم لو عايز توفر فلوس فى موديلات تحفه عند سمير ريان
اوتو ماتيك وجميع الكمليات واه بى اس واير باج وبلوتوث وكاميرا ودى فى دىبس بدون جنوط اسبور وعامله 109 الف هتتبسط منها صدقنى انا جبتها الحمد لله وعائليه وممتعهة

رد: الانترا ولا اكسنت RB
 

انا بشكر الاعضاء khaabas و fineart607 علي الرد بس بنا كنت في فترة سألت علي السيراتو وبتوع العفشة قال ان الموديلات بعد 2009 عفشتها وحشة و اتزانها علي الطريق مش قد كده
و بصراحة عربيات غبور بتثبت نفسها كل يوم رغم الاعتراضات علي اي عربية في البداية بس برضه بتنتشر و اكبر مثال الالانترا الشكل القديم .
ويا ريت الاعضاء يفيدوني عن انتشار السيارتين الاكسنت و الالانترا في القاهرة و المحافظات . ايه ياترى
عندنا في زيادة ملحوظة في الاكسنت خلال الشهر الاخير و برضه الانترا بدأت تظهر

رد: الانترا ولا اكسنت RB
 

حضرتك الاصل ان العربيتين فئتين مختلفين والمفروض الانترا فئة اعلي
بس انا هقولك رأي صاحب معرض اعرفه بنأجر منه عربيات انا واصحابي
الانترا سحبها افضل من الاكسنت بس مش فرق كبير في السحب
الانترا من الداخل تحس فيها بنزع من الفخامة ازيد شوية صغيرين من الاكسنت وطبعا اوسع شوية من الاكسنت
من الاخر الفرق بينهم في الشكل مش في الجوهر

وليا رأي شخصي الله اعلم صح ولا لا ، اعتقد ان معظم الناس اللي هتشتري عربية في الفئة السعرية للالنترا هيكوا عايزنها اوتوماتيك ( وده هيخلي حضرتك تخسر جامد في سعر اعادة البيع ) ، بعكس الاكسنت اعتقد ان اللي هيشتري عربية في الفئة السعرية بتاعتها مستعمل هيكونوا عايزنها مانويل وده هيخليك متخسرش جامد في سعر اعادة البيع

حاجة كمان حضرتك شوف العربية اللي انت مرتحلها نفسيا اكتر واشتريها
والف مبرووووووووك مقدما :Wkiss5::Wkiss5:
تحياتي