|
استفسار بخصوص b.m.w320 موديل 2006
بسم الله الرحمن الرحيم اصدقائى اعضاءمصر موتورز الحقيقه فى خلال ايام ناوى اخلص فى عربيه b.m.w 320 موديل 2006 انا رحت شفت العربيه النهارده العربيه جميله جدا ... وكمان مش متهانه العربيه زى ما قلتلكم 2000 cc موديل 2006 اللون سماوى مرشوش الاكصدام الخلفى بتاعها وباقى العربيه فابريقه بره وجوه الحقيقه كنت عايز استفسر منكم على اكتر من حاجه 1- ايه هى مميزات العربيه دى 2- عيوبها 3- ايه اهم الحاجات اللى اشيك عليها وانا بستلم لو فيه نصيب وانا اقصد من ناحية الكمبيوتر و السيستم مش قصدى طبعا الكوريك والكلام دا 4- سعرها بيكون فى حدود كام مع العلم انى زى ما قلت العربيه فابريقه ماعدا الاكصدام الخلفى وكمان فيها تجريح بيط قوى فى الباب الخلفى وكمان العربيه سبورت ايديشن ( عتب - جنوط 17 - اكصدام امامى سبورت اوريجينال ) الغريب كمان فى الموضوع ان العربيه دى مش بينزلها استبن لان فيها سيستم بيحافظ على العجله لو تخرمت لـ 100 كم فهل الكلام دا صحيح؟؟ وهل دى بتمثل عائق على الطرق الطويله ؟؟؟ حاجه اخيره عايز اقولها ان العربيه مافيهاش اى درايف ولا فتحة سقف منتظر تعليقاتكم |
رد: استفسار بخصوص b.m.w320 موديل 2006
:shwt::shwt::shwt::shwt:: shwt::shwt: |
رد: استفسار بخصوص b.m.w320 موديل 2006
العربيه ديت مع واحد صحبي
جميله جدا و ثبات ماشاء الله العربيه تحس انها مكلبشه في الارض موفره جدا في البنزين رغم انها 2000 cc و من جوه شيك طبعا و مريحه مفيش كلام و الفرامل بتاعتها اخر حاجه و موضوع الكوتش ده صح العربيه الكوتش الراكب فيه ممكن يمشي علي الجنط و و الكوتش مقطوع مسافه لحد تقريا 200 كيلوا من غير ما الجنط ما يبوظ و لا العربيه يجري ليها حاجه مع العلم ان الكوتش من النوع ده غالي جدا بس ممكن تركب بعد كده كوتش عادي بس مفيش مكان للاستبن في الشنطه الا لو هتجيب فرده كاوتش صغيره استبن الهي رفيعه تمشي بيها مؤقت لو هتركب العجل العادي من باب الامانه العربيه التكيف بتاعوا حصل فيه مشكله و محتاج تغير الكمبروسور و طبعا غالي التنيين بعد مامشي بالعربيه 95000 كيلوا في الامارات العربيه المتحده غير كده العربيه بس الله ماشاء الله |
رد: استفسار بخصوص b.m.w320 موديل 2006
اقتباس:
بشكرك يافندم على اهتمامك بالرد واتمنى الرد من باقى الاعضاء اصحاب الخبره |
رد: استفسار بخصوص b.m.w320 موديل 2006
عندى سؤال تانى ال يعنى حد رد على الاولانى!!!! ايه فايده الــ i drive بالظبط؟ |
رد: استفسار بخصوص b.m.w320 موديل 2006
اقتباس:
تصميم العفشه ونظم الامان بالعموم منظومة متكاملة نموذجية رائعة اداء المحرك والفتيس نموذجى ورائع ايضاً التصميم الخارجى متطور جداً من ناحية الايروداينميك ويجمع ما بين عراقة التصميم الاوربى واللمحات الاسيوية (المصمم بتاعها يابانى ) العيوب قطع غيار غالية ناااااااااااااااااااااااا اااار واطية بشكل مستفز بحيث 50% من المطبات وانت لوحدك ممكن تحك 80% من المطبات وحد قاعد جمبك هتحك 99ز9 % من المطبات لو اكتر من واحد غيرك فى العربية هتحك الشنطة مساحتها حلوة بس عموماً العربيه مش بتاعة شيل وحط وسفريات عائلية بمعنى الكلمة والا تجيبلها الصندوق اللى بيركب فوق السقف الكاوتش الران فلات ده كويس بس غالى موت الفردة معدية الالف جنية وناشف جداً بس بيديك ثبات وامان وطبعاً مفيش استبن ولا كوريك اقتباس:
اقتباس:
هى مفيهاش استبن ولا كوريك بتستلم بس اهم حاجة كل الكماليات شغالة وممكن يكون فيه وصلة aux ومسمار حديد كبير كده زى جنش لسحب العربيه من الاكصدام الامامى وشنطة عدة والكاتلوجات والمفاتيح الاضافيه 4 اقتباس:
اقتباس:
نسيت اقولك ان المقاس ال 17 كمان اغلى واغلى يعنى الفردة ممكن توصل الف ونص اقتباس:
موديلات 2006 كلها مفيهاش اى درايف ولا فتحة سقف والاى درايف ده عبارة عن سيتستم كمبيوتر بيديك امكانيات افضل للتحكم فى التليفون والجى بى اس ووظائف وكماليات العربيه بس اجمالاً حوار مفتكس ملوش لازمة تستغنى عنه بتابليت 8 بوصة مثلاً هيديك كل الامكانيات واكتر مرة تانية بكررلك لازم تشوف كل الكماليات الانوار وهى انوارها فى كل حتة ومساحات القزاز والستائر الكهرباء لو فيها والقزاز طبعا والمرايات بيبقى فيها سخانات وانوار مقابض الباب والصالون والتكييف والكاسيت والتلاجة وفتحات التكييف الورانية والمقابض والكوالين وباقى الاكسسوارت ممكن تبقى فى عربيه تانية مش قضية بس اقل بلاستكة فى العربيه ديه بفلوس وكتير كمان فخد بالك كمان مهم تحدد حالة العربيه بالكشف فى التوكيل وبالصيانات والفواتير القديمة او حتى اخر صيانة علشان الصيانة الكبيرة فيها بالافات ممكن تخش فى 10 بواكى صيانة وطبعاً الكشف على الكبيوتر والعداد يفضل يكون اقل من 100 الف كم وفيه معلومات اكتر فى الموضوع ده رسالة الماجستير فى الفئه التالتة e90 مو 2005 - 2012 (موضوع حصرى لمصر موتورز ) |
رد: استفسار بخصوص b.m.w320 موديل 2006
شكرا يا وائل على المعلومات القيمه وكمان انا ذاكرت امبارح موضوعك عن العربيه وكنت اتمنى انه يكمل بس انت كده عقدتنى من العربيه بجد العربية سواء فى قطع الغيار او حتى الكاوتش مولعه ... يعنى انا علشان اجيب العربيه اكون صرفت عليها فى سنتين حق واحده 2012 اعتقد ان كده لا مفر من الكرولا 2012 هاى لاين :THE_PR~18: |
| الساعة الآن 12:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017