مصر موتورز مجتمع السيارات - هو في اييييييييييييييه؟!!!!

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - هو في اييييييييييييييه؟!!!! (https://www.masrmotors.com/vb/showthread.php?t=82776)

هو في اييييييييييييييه؟!!!!

اولا الحمد لله علي كل شيء
انا معايا عربيه 127 الحمد لله ووالدي معاه 125

امبارح واحد كان بيبص علي عربيتي عشان يشتريها وتمام وقالي حتصل بيك وبتاع

يدوب طلعت من عنده مفيش 50 متر لقيت دواسة البنزين عالارض
كلمت الميكانيكي وجالي ونزل في الدواسه قالي كابل الاكسراتير اتقطع قولتله الله يباركلك كلم محل قطع غيار جمبنا قاله معنديش ووالساعه كانت 11 ونص بليل قالي عليك وعلي صلاح الدين طبعا قولتله صلاح الدين مين دلوقتي وانا اصلا من الدخيله قالي خلاص استني للصبح حجيبلك واحد من العجمي وانا جاي قولتله فل علالي السلانسيه ومشيت عالدبرياج بس وركنت العربيه عند البيت بس قلبي مش مطاوعني
روحت خدت عربية والدي اللي هي 125 ونزلت العجمي ادور عالكابل
ووصلت لشوية محلات كده ومريح رجلي عالدبرياج وبدور بعيني علي محل فاتح واذ فجأتن
دواسة الدبرياج عالارض (هي ليله مش معديه :w6w200504112236376d)
اتصل بالميكانيكي تاني يقولي انا روحت اركنهالي وسيبلي المفاتيح فيها والصبح حاخدها
في سري قولت عبيط ده ولا ايه المهم خدته علي قد عقله وقولتله ماشي
بس برضه قلبي مطاوعنيش
روحت افتكرت موضوع هنا كان اتعمل عن انك ممكن تمشي من غير دبرياج
المهم جبت الاول واعدت اعتل بالمارش كده لحد مدارت ونجحت اني اجيب التاني والتالت من غير مصوت التروس يظهر وفضلت ماشي علي كده لحد البيت وركنتهم

المهم الصبح جالي الميكانيكي والحمد لله ظبط العربيتين وكله تمام

خدت عربيتي وروحت الشغل وانا طالع من الشغل ببص لقيت العربيه مخبوطه من ورا والاكصدام لازق في الشنطه والفانوس مكسور :w6w200504112236376d والجمب التاني محكوك قولت الحمد لله وكان معايا ناس لازم اوصلهم
خدت بعضي وركبت ومشيت مفيش 10 دقايق الاقي العربيه قطعت مني خالص طب اييييه تاني مفيش كهربا خالص
بس اشغل انتظار شغال زي الفل والعربيه فيها كهربا لكن الكونتاك فاصل ولما بخبط الدركسيون والسلك بيشتغل
المهم كلمت الحاج جابلي عده وجالي عن
استاد اسكندرهي كده وحليت الطاره وشيلت الدراعات وببص لقيت فيه كلبس كهربا فاصل المهم عملته اي كلام كده ومشيت ةركنت العربيه تحت في انتظار المرواح للكهربائي باكر :(((
كل ده في اقل من 24 ساعه
مع انها كانت شايلاني وزي الفل وشكواها قليله :(
الحمد لله علي كل شيء