سؤال لاهل الخبره قدامي عربيه كورولا موديل 2007 كامله
 

قدامي عربيه كورولا موديل 2007 كامله 1600 سي سي العربيه بامانه شكلها يهبل وفبريكه بره وجوه ومش محتاجه اي مصاريف اطلاقا وصاحبها راجل محترم قالي كل اللي ف العربيه بنفسه من غير ما اكشف هي عيبها الوحيد العربيه دي وقع عليها وهي مركونه ف امان الله خشب من بتاع المباني والعربيه غيرت سقف لكن العربيه مش مغيره اي نص ولا حاجه هو السقف بس والحوض والشنطه ما اتلمسوش حتي هل اخدها منه ولا ابعد عنها مع العلم ان صاحبها راجل محترم قووووي ومش هيظلمني ف تمنها اطلاقا لانه بعد اللي قاله لو قلتوا لي اخدها هاخدها من غير اي كشف حتي عشان انا وثقت فيه قوووووي فيه ناس بتقول السقف ما يعيبش العربيه قوووي زي الانصاص وما ياثرش علي ثباتها منتظر اراءكم هل اخدها ولا ابعد عنها

رد: سؤال لاهل الخبره ضرووووووري يا جماعه
 

بلاش منها أأمن

رد: سؤال لاهل الخبره ضرووووووري يا جماعه
 

العربيات دى ميكانيكا فلو الحكاية سقف بس يبقى توكل على الله. اعتقد انك انت مش هتقدر تلاحظ العيب ده.

رد: سؤال لاهل الخبره ضرووووووري يا جماعه
 

ابعد عنها لان عيب السقف ده وحش جدا ومش هتعرف تبيعها بسهولة لان الناس بتفتكرها مقلوبة ونصيحة متثقشى قوووووووووى فى حد:CONGRA~238:

رد: سؤال لاهل الخبره ضرووووووري يا جماعه
 

رد: سؤال لاهل الخبره ضرووووووري يا جماعه
 

هو فعلا هيأثر فى بيع العربية فيما بعد بس بالعقل كده اللى هيخلى الناس تقول ان العربية دى مقلوبة يبقى مش معقولة انها هتققلب على سقفها مرة واحدة من غير ما يحصل حاجة للجوانب
يعنى فيما بعد لو بعت العربة وفهمت اللى هيشتريها كلامك ده عن السقف ووريته ان الجوانب فابريقة اكيد هيصدقك

ملحوظة:- مش كل الناس وحشة علشان الثقة تروح فى ناس كويسة جدا واكتر من ولاد الحرام بكتير بس هو للأسف الوحش بس اللى بيبان والكويس بيروح مع الزمان

رد: سؤال لاهل الخبره ضرووووووري يا جماعه
 

موضوع السقف يا باشا ده عموما قلق وبينزل جامد من تمن العربية اذا رضى حد اصلا يشتريها لان فى الغالب بيشرها حد مالوش خبرة فى العربيات ومن كتر الثقة مش بيكشف عليها صدقنى انا بقولو متثقش فى حد بالذات فى موضوع بيع العربيات ده مفيهوش ثقة نهائيا لازم يروح يرفعها فى البنزينة ويكشف عليها كويس واسأل مجرب ياما دقت على الراس طبول وشربت عربيات كتير فالواحد ما بيتعلمش بلاش ولكن لازم يستفاد بخبرات الاخرين وخاصة المؤلمة لانها بتوفر عليه كتير وده دورنا جميعا فى المنتدى اننا نفيد بعض ونستفاد من خبراتنا
وكفايا لو زى ما حضرتك بتقول الراجل طلع صادق معاه وطلع ان ده هو السبب احساس الواحد نفسيا انه راكب عربية سقفها متغير بيبقى رخم قوى :12AC0D~156: