جيت أدور العربيه امبارح لقيتها بتدور بس ما بتلقطش
 

أنا جيت أدور العربيه امبارح لقيتها بتدور بس ما بتلقطش , يعنى الموتور بيلف بس ما بتشتغلش و شكيت فالبطاريه أخدتها و عملتلها اعدة شحن قلت يمكن لكن الرجل بتاع البطاريات اكدلى ان العيب مش منها , و شكيت فالبنزين لأنه كان فيها قليل شويه , قمت جايب حوالى 5 لتر و حطتهم فيها , بس برضه مفيش فايده , دورت على كهربائى جنبى و جبته حاول فيها و بعدين قاللى العربية دى لازم تتحط عالجهاز , طبعا انا مش عارف أحركها لأنها أوتوماتيك , و المسافة بينى و بين الشارع الرئيسى حوالى 750 متر تقريبا و عمرها ما بتدور بالزء طبعا , يا ريت لو حد عنده معلومه يدلنى و جزاه الله خيرا :fun_36_1_7[1]:

رد: يا ريت لو حد يقدر يساعدنى
 

إحتمال تكون طرنبة البنزين معلقة
إفتح غطا التانك و إفتح كونتاك وإسمع فى صوت ولا لأ
إكشف على الريلاى بتاع طرنبة البنزين هتلاقيه قدام لما ترفع غطا الفيوزات
فك سلك البوجية وحط مفك وقربه من جسم العربية مسافة 1 سم وشوف هيطلع شرارة ولا لأ
متابع

رد: يا ريت لو حد يقدر يساعدنى
 

رد: يا ريت لو حد يقدر يساعدنى
 

والله يا جماعه جزاكم اله خيرا , السارة دايو سبيرو - مو 94 - عامله 180 ألف كم - أخر مرة كانت من 5000 بس كانت من غير سيور و لا فلاتر , كانت زيت و بوجيهات و فلتر بنزين بس

رد: يا ريت لو حد يقدر يساعدنى
 

بحبح إيديك شويه مع البنزين

بمعنى

حطلك كمان 20 لتر فى التنك

وغير فلتر البنزين

ودور

هتلاقيها

دارت بإذن الله

رد: يا ريت لو حد يقدر يساعدنى
 

بص عالموضوع ده

http://www.masrmotors.com/vb/showthr...122#post635122

نفس مشكلتك بالملي كانت عندي
وطلع العيب من فيوز وحاجه تبع كهربة الطرمبه

لو اتو ماتيك ومش عارف تزقها
شيل فلتر الهوا والبتاع اللي واصل فيه
وصب بنزين
ودورها بالنزين مباشر لحد ما تسقها للكهربائي

رد: يا ريت لو حد يقدر يساعدنى
 

راجع على فيوز طرمبة البنزين