|
تجربتي مع امير وجوزيف
انا حابب احكي قصتي انهارده مع مركز صيانه امير وجوزيف كنت رايح لعربيتي السي فور عندي فيشة الطرمبه عايزه تتغير اكشف على حساس شكمان واعمل كود لريموت العربيه المهم روحت الساعه 9 ونص الصبح وخدت دور لاحظت ان الناس هناك عايزه تفتح شغل باي طريقه في العربيه لكن انا صممت على اللي انا عايزه المهم قعدت في الريسبشن وكان معايا حوالي 4 عملاء كمان فضلت قاعد مستني وروحت صليت رجعت ملقتش فيها اي شغل المهم قلت اصبر استنيت لحد الساعه 3 ومفيش حس ولا خير قلت لا اشوف ايه الموضوع روحت للي استلم مني العربيه قالي العربيه محتاجه فيشه!!!!!!!!طيب منا قايله عليها من الاول المهم اتنرفزت وطلبت اقابل المدير دوني قالولي هنشوفهالك اهه خلصو كل اللي عايزه في 10 دقايق يعني قاعد 5 ساعات وكل الشغل اللي في العربيه خد 10 دقايق وده كله ليه لان الشغل في عربيتي مش هينفعهم كويس انا مفيش اي حاجه بيني وبينهم لكن من ضيقي قلت لازم احكي يمكن حد يقنعني بان المركز ده كويس لانه متخصص في السيتروين واكيد هحتاج اتعامل معاه تاني في يوم من الايام لو ملقتش البديل الكويس ولو في بديل ياريت تقولولي
|
رد: تجربتي مع امير وجوزيف
البديل امجد سيتروين في الحرفيين أو فريد شوقي في مدينة نصر |
رد: تجربتي مع امير وجوزيف
اقتباس:
|
رد: تجربتي مع امير وجوزيف
اقتباس:
|
رد: تجربتي مع امير وجوزيف
ناس معندهاش ضمير وكأن خلق الله( صايعين) مع الأعتزار للتعبير ولكن بجد انا دمى اتحرق لما يتركوا الرجل بهذا الشكل يبقى هنبقى بنى ادمين امتى ,الله يكون فى عون حضرتك وتجد من تثق به ويحافظلك على العربية
|
رد: تجربتي مع امير وجوزيف
شكرا يا جماعه جدا على ردودكم انا اتخانقت معاهم امبارح وقلتلهم عايز المدير ولولا كده كنت قعدت لحد ما قفلو وكمان وانا راجع لقيت مؤشر البنزين مش شغال ببص عالفيشه لقيته مش مركبها كويس يعني قلة ضمير في اصغر حاجه ومعرفتش ان العيب من الفيشه الا لما كلمت المهندس فريد شوقي ودلني عالسبب وقالي كمان تعالى واعملهالك فري راجل محترم والكلمه الحلوه مصدر رزق يا جماعه والله طبعا بعد ربنا وحسبي الله ونعم الوكيل في امير وجوزيف مع اني كنت قايلهم اني جايلهم من بنها وجي وانا في الليسته 4 واحد ومعملوش حاجه في العربيه وكل ده ليه لاني زبون مش هيجبلهم كتير
|
رد: تجربتي مع امير وجوزيف
من الاخر امير وجوزيف ده من بره هالله هالله ومن جوه يعلم الله
|
| الساعة الآن 06:58 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017