|
ممكن رايكم فى مشروعى
السلام عليكم الاول اعرفكم بنفسى انا اعمل فى مصنع بلاستيك (لتصنيع الكيعان والمشتركات مثل الشريف بس احنا توكيل ايطالى) المهم اعمل فى المصنع رئيس قسم صيانة الاسطمبات يعنى وكل شغلى او اكثره خراطه وما شابه من اصلاحات فى الحديد يدوياً والحمد لله من فضل الله على اعتبر من افضل الفنيين فى مجالى واصدقائى يستعينون بى فى اصلاح سياراتهم لاننى كنت اعمل فى الميكانيكا فى فترة دراستى وانا صغير واعرف فى السيارات جيداً والحمد لله وهوايتى التى اتقنها عن ظهر قلب اصلاح الكبالن اشعر وانا اصلحها باننى انحت قطعه فنيه واكون سعيداً جداً عندما تعود القطعه بحالة المصنع وانا لا اصلح كبالن سيارتى عند احد بل اصلحهم لنفسى واصلح كبالن زملائى ايضاً ومن هنا فكرت ان اعمل مشروع صغير وهو تصليح الكبالن وبالنسبه للصنعه انا ماعنديش اى مشكله لاننى والحمد لله متمكن جداً منها ولكن عندى مشكلتين محيرينى وبسببهم مش قادر اخد موقف اولاً انا ساكن فى مدينة بدر والشغل فيها مش كتير قوى وانا لو اشتريت عده هاكون عايز الم حقهم والشغل الضعيف هايخلينى الم حقهم على سنتين ههههه ثانياً انا مش هافتح محل انا هاشتغل فى البيت لان لو فتحت محل ومفيش زباين كتير هاجيب الايجار إزاى وكمان انا موظف يعنى مش قاعد طول النهار فى المحل نيجى بقى للعده اللى انا محتاجه مع اسعار تقريبيه 1-ماكينة لحام مش اقل من 150 امبير حوالى 1000جنيه 2-وش لحام دجيتال ولازم دجيتال عشان دقة اللحام اللى انا بالحمه اقل حاجه 1500جنيه 3-فلو كسبل لتجليخ اللحام 300 جنيه 4-شنيور سرعات اقل حاجه 300 جنيه 5-منجله حديد 10 بوصه اقل حاجه 300 جنيه 6-موتور جلخ 3000 لفه فى الدقيقه حوالى 400 جنيه ودى تعتبر عده مبدئيه للشغل وطبعا لسه بقى اروح اتفق مع ميكانيكيه فى المدينه لو جالهم زبون عايز يصلح الكوبلن يبعتهولى وعلى فكره انا بافكر اعمل كارت وظهره اعمل جدول صغير عشان احط عليه ضمان 6 شهور نفسى يبقى ليه مشروع بتاعى وزهقت من الشغل عند الناس واستنى اول السنه ونفضل نفاصل صاحب الشغل على الزياده السنويه وبعد ما ناخدها يجى البقال وياخدها كلها وفوقهيم بوسه ههههههه لو سمحتو لو فى حد يقدر يفيدنى قبل ما اخد القرار يبقى كتر خيره |
رد: ممكن رايكم فى مشروعى
اقتباس:
غير مشروع إصلاح الكبالن لأن مش كل الناس بتقبل على إصلاح الكبالن وأساسا إصلاح الكبالن مش صح فنيا |
رد: ممكن رايكم فى مشروعى
اقتباس:
شكراً على رايك ولكن الموضوع مش انى اشوف حاجه تانيه لان انا فى اصلاح الكبالن اتقنها جداً والكوبلن الذى اصلحه لا يتلف قبل عامين لاننى لا الحمه بسلك حديد انا الحمه استانلس قاسى جدا والاستانلس بالنسبة لى متعب عن الحديد لقساوته لان الاستانلس من شدة الحراره يتصلد وأشكرك كثيراً على مرورك |
رد: ممكن رايكم فى مشروعى
بالتوفيق ان شاء الله :018A1D~146: |
رد: ممكن رايكم فى مشروعى
اريد الافاده منكم |
رد: ممكن رايكم فى مشروعى
بص يا هندسة بما انك واثق من صنعتك خلاص توكل على الله بس مدينة بدر ديه صعبه اوى ولا الشروق حتى انت محتاج مكان عمار وتركز على التسويق لشغلك على الانترنت مثلا لحد ما تربى زباين وتربط مع الميكانيكة مش لازم تفتح فى الحرفيين بس ممكن فى جسر السويس فى عين شمس او مطرية او الزيتون او حتى مدينة السلام كل الحاجات ديه معقولة وايجارات مش عاليه اوى زى الحرفيين وفى سكتك للبيت
لكن بدر ديه صعبه اوى محدش هيروحلك انا كنت فاتح قبل كده مكتب لشركتى فى الشروق قعدت سنة تقريبا محدش عتبه وكل الناس كانت بتسال على فرع تانى قريب |
رد: ممكن رايكم فى مشروعى
اقتباس:
شكراً على ردك الجميل وانا النهارده عديت على الميكانيكى وقلتله انى عايز اشتغل فى الكبالن وهو عارف انى بصلح كبالن وعارف شغلى قالى ابتدى واتكل على الله وانا هابعتلك زباين قلتله انا خايف اجيب عده ب4000 ومعملش بيها حاجه قالى خليها على الله وبعدين مافيش بتاع كبالن فى المدينه وانا ان شاء الله هابتدى اشترى العده وربنا يسترها ان شاء الله |
| الساعة الآن 04:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017