يا جماعه هو تغيير الزيت بيأثر على صوت الموتور؟؟؟
 

اولا السلام عليكم يا احلى شباب
واحلى منتدى
دلوقتى انا اشتريت عربيه لانوس 2007
ماشيه 25 الف كيلو
صاحبها كان بيغير لها زيت كل 3 الف كيلو تمام
انا دلوقتى روحت غيرت زيت موبيل xhp
كل 5 الف كيلو
الجركن ب 100 جنيه
وجبت كمان فلتر زيت ب20 جنيه

فلاحظت
ان صوت الموتور
بقا يعلى شويه

او ابتدى يظهر صوت
فهل هذا طبيعى يا شباب؟
ياريت الرد السريع

رد: يا جماعه هو تغيير الزيت بيأثر على صوت الموتور؟؟؟
 

المفروض انه بيغير صوت الموتور فعلا بس ايجابيا يعنى صوت الموتور يهدى وينعم مش يعلى ويخشن ...

رد: يا جماعه هو تغيير الزيت بيأثر على صوت الموتور؟؟؟
 

الصوت ده بعد ماغيرت الزيت على طول ولا مشيت عليه فتره

رد: يا جماعه هو تغيير الزيت بيأثر على صوت الموتور؟؟؟
 

رد: يا جماعه هو تغيير الزيت بيأثر على صوت الموتور؟؟؟
 

+1111111111

+ انت غيرت الزيت كام مره بعد ما اشتريتها ؟؟؟
وبتحط بنزين 80 ولا 90 وهل تزامن مع تغيير الزيت انك فولت من بنزينه لأول مره تتعامل معاها ؟؟؟
وانت حطيت 3.75 لتر بالفلتر ولا 3.5 لتر ؟؟؟
وبعدين لو هو كان بيغير تخليقي. طبيعي ان صوت الموتور يعلي شويه لكن مش بدرجه كبيره..

رد: يا جماعه هو تغيير الزيت بيأثر على صوت الموتور؟؟؟
 

كلامك يحمل اكثر من معني اولا وزي ما الاخوه فهموه انك غيرت الزيت فصوت العربيه بقي عالي ثانيا انك غيرت الزيت ومشيت بيه 5000 ك فالصوت بقي عالي وده اللي انا فهمته عامتا وعلي اساس خبرتي المحدوده بالنسبه للاخوه انا شايف لو الصوت بقي عالي بعد ما غيرت الزيت مباشرة ان الزيت اتحط اكتر من الازم او اقل من اللازم شوف المقياس والعربيه بارده ولو الصوت بقي عالي بعد ما مشيت 5000 ك فده طبيعي جدا لان الموبيل xhp مينفعش تمشي بيه اكتر من 2000 ك مش اكتر سواء بتمشي جو البلد او طوالي فلو صوت الموتور بقي عالي بعد ال2000 ك ده طبيعي وفي حجات تاني بتاثر في الصوت زي نضافة فلتر الهواء وفلتر البنزين ومنسوب المياه الخضراء بتاعة الريداتير ومدي صلاحيتها وان شاء الله خير

رد: يا جماعه هو تغيير الزيت بيأثر على صوت الموتور؟؟؟
 

يا عم عالى وال واطى مش كفايه الحر والمرور----------- اقفل قزاز العربيه وانت ماشى